Sunday, October 11, 2009

ഒരാള്‍ ചിക്കനും പൊറോട്ടയും വാങ്ങിത്തരാനുണ്ടെങ്കില്‍ നമ്മളെന്തിന് നക്സലേറ്റ് ആവണം.




കോണ്‍ഗ്രസിന്‍െറ കച്ചവടം വന്‍ പ്രോഫിറ്റ് ആയി മാറാത്തതു എന്തുകൊണ്ടാണ്? ബിസിനസ് മാനേജ്മെന്‍റ് നന്നായി പഠിച്ച രാഹുല്‍ ഗാന്ധി അതിനു ഉത്തരം കണ്ടെത്തിയിരിക്കുന്നു. ചെറുപ്പക്കാര്‍ രാഷ്ട്രീയത്തില്‍ നിന്നു വിട്ടു നില്‍ക്കുന്നതു കൊണ്ട്! അരാഷ്ട്രീയം തലക്കു പിടിച്ച ചെറുപ്പക്കാര്‍ കൂട്ടത്തോടെ നക്സലേറ്റുകളാവുകയാണത്രെ!!
ഇങ്ങനെ പോയാല്‍ കോണ്‍ഗ്രസ്സ് മാത്രമല്ല സമസ്ത പാര്‍ട്ടികളും പൊളിയും. അത് ഒഴിവാക്കാന്‍ വേണ്ടത് ചെറുപ്പക്കാരെ പാര്‍ട്ടിയിലേക്ക് ആകര്‍ഷിക്കുകയാണ്. അതിനു പറ്റിയ പണിയെന്താണ്? അതും രാഹുല്‍ തിരിച്ചറിഞ്ഞു. പെണ്‍കുട്ടികളെ ആകര്‍ഷിക്കാന്‍ നല്ലത് കോളേജ് ആണ്.ചെത്തു സ്റ്റൈലില്‍ പൂവാല റോളില്‍ പഞ്ചാര മൂലകളിലേക്ക് ഇടിച്ചു കയറുക.

'എന്‍െറ ഖല്‍ബിലെ വെണ്ണിലാവു നീ' തുടങ്ങി സെന്‍റി വരുന്ന പാട്ടുകളും ഹൃദിസ്ഥമാക്കിയിട്ടുണ്ട്. പാട്ടില്‍ തുടങ്ങുക. എന്നിട്ടു പാട്ടിലായില്ലെങ്കില്‍ നോട്ടു പുസ്തകമോ ഓട്ടോഗ്രാഫോ പിടിച്ചു വാങ്ങുക. ' നീ എന്‍െറ കൈപ്പത്തിയാണ്. നീയില്ലാത്ത ജീവിതം വോട്ടില്ലാത്ത പൌരനെപ്പോലെയാണ്. ഒരു സഹോദരനായി കാണാന്‍ പ്രയാസമാണെങ്കില്‍ ഒരു സ്ഥാനാര്‍ഥി ആയെങ്കിലും കാണാന്‍ ശ്രമിക്കണം.ജയ് ഹിന്ദ്!'

ഏതു പെണ്‍കുട്ടിയും വീണു പോവും. ഇത് പെണ്‍കുട്ടികളെ കെണിക്കാനുള്ള വഴി. എറണാകുളത്തും കോഴിക്കോട്ടും മറ്റും ഇപ്പോള്‍ എല്ലാ പെണ്‍കുട്ടികളും കെ. എസ്. യു. ആണ്. ഹൈബി ഈഡന്‍െറ പേരില്‍ ഉദിഷ്ട കാര്യത്തിനു ഉപകാര സ്മരണ. വീഴ്ത്തപ്പെട്ട. ബ്രാക്കറ്റില്‍ എറണാകുളത്ത് എന്നു ചേര്‍ത്ത ശേഷം തുടരാം. ഹൈബിയച്ചനു പത്തു പൊന്‍ കുരിശുകള്‍.

ആണ്‍കുട്ടികളെ കുരുക്കാന്‍ ഇതു പോര. അവര്‍ ഉണ്ടാവുക കോളേജിലാവില്ല. വല്ല ബാറിലോ റസ്റ്ററന്‍റിലോ ആവും. അപ്പോള്‍ അതു തന്നെ വഴി. പോവുന്ന പോക്കില്‍ വഴിയില്‍ കാണുന്ന ഓരോ ഹോട്ടലും കാലിയാക്കുക. ഹോട്ടല്‍ കാലിയാക്കാനുള്ള വിദ്യ യൂത്ത് കോണ്‍ഗ്രസിനെപ്പോലെ അറിയുന്ന മറ്റു സംഘടനകളില്ല.
ആദ്യം കാണുന്ന ഹോട്ടലില്‍ ഇടിച്ചു കയറുക. എന്നിട്ടു മൂക്കു മുട്ടെ തിന്നുക. മുന്നില്‍ കണ്ട ആളുകളുടെ തോളില്‍ കയ്യിട്ട് ' അളിയാ ഒരു ചായ കൂടി പറയട്ടെ' എന്നൊക്കെ ചുമ്മാതങ്ങു കാച്ചുക.ആ സമയത്തു ചിക്കനും പൊറോട്ടയും അടിക്കുന്ന എല്ലാവന്‍റേയും ബില്ല് തന്‍െറ പേരില്‍ എഴുതാന്‍ പറയുക. എന്നിട്ട് പോവാന്‍ നേരം കാശ് എ. ഐ. സി. സി യില്‍ നിന്ന് മണി ഓര്‍ഡറായി വരുമെന്ന് പറയുക. വിശ്വാസം വരുന്നില്ലെങ്കില്‍ ഒരു ഉറപ്പിനായി ഒപ്പം നിര്‍ത്തി ഫോട്ടൊ എടുക്കാന്‍ അനുവാദം നല്‍കുക. അതു കൊണ്ടും വിശ്വാസം വന്നില്ലെങ്കില്‍ കാപ്പി നന്നായി എന്ന് ഒരു കടലാസില്‍ എഴുതിക്കൊടുക്കുക.
നമ്മുടെ ഇന്ദ്രന്‍സ് ചോദിക്കുന്ന പോലെ. എങ്ങനെയുണ്ടെന്‍െറ ബുദ്ധി.
ഈ വിദ്യ തുടരെ ത്തുടരെ കാണിക്കാന്‍ പറ്റുമോ എന്നു സംശയിക്കുന്നവരുണ്ട്. ഒരിടത്തു നിന്ന് പൊറോട്ടയും ചിക്കനും നാലഞ്ചു കാപ്പിയും ഒന്നിച്ച് അകത്താക്കിയാല്‍ പിന്നെ മൂന്നോ നാലോ മണിക്കൂര്‍ കഴിയാതെ അതേ വിദ്യ പയറ്റാനാവില്ല. പക്ഷേ, രാഹുലിന് അങ്ങനെ കാത്തു കെട്ടിക്കിടക്കാന്‍ സമയമില്ല.

ഇവിടാണ് നാം വൈദ്യ ശാസ്ത്രത്തിന്‍െറ സാധ്യത പ്രയോജനപ്പെടുത്തേണ്ടത്. ജഠരാഗ്നി ജ്വലിപ്പിക്കാനുള്ള ദഹനൌഷധങ്ങളെപ്പറ്റിയാണ് ചിന്തയെങ്കില്‍ നിങ്ങള്‍ക്ക് തെറ്റി. ഏതു മരുന്ന് മണപ്പിച്ചാലും കഴിച്ച ഭക്ഷണം ദഹിക്കണമെങ്കില്‍ മണിക്കൂറുകള്‍ കഴിയണം. സ്മാളിനേക്കാളും വലുതല്ലല്ലൊ മറ്റു മരുന്നുകളൊന്നും.
ഇവിടെ പയറ്റുന്നത് നാടന്‍ പ്രയോഗമാണ്. പാലാഴിയിലെ ഗുംട്ടിയില്‍ നിന്ന് മൂക്കോളം വെട്ടി വിഴുങ്ങിയത് പാരഗണിലെത്തുമ്പോഴേക്ക് കാലിയാവണം.അതിനുള്ള വിദ്യയാണ് വേണ്ടത്. കഷ്ടിച്ച് അര മണിക്കൂര്‍ ഗ്യാപ്പേ കാണൂ.നമ്മളൊന്നും എത്ര തല പുകഞ്ഞ് ആലോചിച്ചാലും വതിനുള്ള വഴി എളുപ്പത്തില്‍ കണ്ടു പിടിക്കാനാവില്ല.

പ്രത്യുത്പ്പന്ന മതിത്വം എന്ന് പറയുന്ന ഒരു സിദ്ധിയുണ്ട്. മഹാന്മാര്‍ക്ക് ജന്മനാ കിട്ടുന്നതാണ്. അത് രാഹുലിന് വേണ്ടുവോളമുണ്ട്. പാലാഴിയിലെ പൊറോട്ടക്കും പാരഗണിലെ മീനടക്കും ഇടയില്‍ രാഹുല്‍ അരമണിക്കൂര്‍ ചെലവഴിച്ചത് എവിടെയാണ്? വെസ്റ്റ് ഹില്ലിലെ ഗവര്‍മ്മെന്‍റ് ഗസ്റ്റ് ഹൌസില്‍.
താജ് റെസിഡന്‍സി പോലുള്ള പഞ്ചനക്ഷത്ര സൌകര്യം വേണ്ടെന്നു വച്ച് കുറുക്കന്‍ കുന്നിലെ ഗസ്റ്റ് ഹൌസ് തിരഞ്ഞെടുത്തത് എന്തിനാ? ചെലവു ചുരുക്കാന്‍ എന്നു പറയാന്‍ വരട്ടെ. ആഞ്ഞു പിടിച്ചൊന്ന് ഛര്‍ദിക്കാന്‍. അവിടത്തെ ടോയ്ലറ്റ് ആവുമ്പോള്‍ രണ്ടു വഴിക്കും വിരേചനം സാധിക്കും.ഒരു മരുന്നും മണപ്പിക്കാതെ തന്നെ.
ആ വിദ്യ ഫലിച്ചാല്‍, പിന്നെ പാരഗണിലെ മീനടയും തിന്നാം സാഗറിലെ നിര്‍ത്തിപ്പൊരിച്ചതും തിന്നാം. അതും കഴിഞ്ഞ് എത്ര ഹോട്ടലുണ്ട്. ബോംബെ റസ്റ്റാറന്‍റിലെ പിടിക്കോഴി. ബീച്ച് റസ്റ്റാറന്‍റിലെ മുട്ടമാല. കുറ്റിച്ചിറ, ഇടിയങ്ങര, മുഖദാര്‍ വഴി വച്ചു പിടിച്ചാല്‍ തെരണ്ടി മുതല്‍ തിമിംഗലം വരെ ഒരു പാടു ജന്തുക്കളെ തിന്നാന്‍ കിട്ടും. ഇടക്കൊന്ന് ടോയ്ലറ്റില്‍ പോവണമെന്നേയുള്ളൂ.
രാഹുലിന്‍െറ അച്ഛന്‍ രാജീവിനു പോലും ഈ മാതിരി ബുദ്ധി തോന്നിയിട്ടില്ല. മൂപ്പരുടെ ലൈന്‍ വേറൊന്നായിരുന്നു. കണ്ട കോജേജിലും ഹോട്ടലിലും കയറി നിരങ്ങാതെ ഒറ്റയടിക്ക് ഹോള്‍സെയില്‍ പരിപാടി. മുസ്ലീം വനിതാ ജീവനാംശ ബില്ലിലൂടെ മുസ്ലീം വോട്ട്. രാമജന്മഭൂമിയിലൂടെ ഹിന്ദു വോട്ടും .
പക്ഷേ, ജനങ്ങളുമായി ഇന്‍റിമസി സ്ഥാപിക്കാന്‍ അതിനു കഴിയില്ല.

പെണ്‍കുട്ടികള്‍ക്ക് ഓട്ടോഗ്രാഫ് കൊടുക്കുന്ന പോലെയോ യുവാക്കള്‍ക്ക് ഒഴിച്ചു കൊടുക്കുന്ന പോലെയോ . ബ്രാക്കറ്റില്‍ ചായയാണ് മറ്റൊന്നുമല്ല. ഒരു ആത്മ ബന്ധം പാര്‍ലമെന്‍റിലിരുന്ന് ഒരു നിയമം പാസാക്കിയില്‍ കിട്ടില്ല. അപ്പോള്‍ ഇനി മുതല്‍ ഒരാളും നക്സലേറ്റ് ആവില്ല. ഒരാള്‍ ചിക്കനും പൊറോട്ടയും വാങ്ങിത്തരാനുണ്ടെങ്കില്‍ നമ്മളെന്തിന് നക്സലേറ്റ് ആവണം.
ഇനി ഈ എപ്പിസോഡില്‍ ചെറിയൊരു ചെയ്ഞ്ചുണ്ട്. ഒരു ചെയ്ഞ്ച് ആരാണ് ഇഷ്ടപ്പെടാത്തത്?

ദുര്‍വാസീന്‍െറ ദുനിയാവ് എന്ന ഈ ചെയഞ്ചിലേക്ക് എല്ലാ മന്സന്‍മ്ാക്കും സോഗതം.പ്രേക്ഷകര്‍ക്ക് സ്വാഗതം എന്നൊക്കെയാണ് പറയേണ്ടത്. സംഭവം വേറൊരു യുവാവിന്‍െറ തിരോധാനമാണ്. തിരോധാനം നോക്കാനായിട്ട് ഈ ചാനലില്‍ തന്നെ മറ്റൊരു പ്രേഗ്രാം ഉണ്ടെന്നത് നേര്.

പക്ഷേങ്കില് , കണ്ണ്ച്ചോരല്ലാത്ത മന്സമ്മാര്ടെ എണ്ണം കൂട്യേനക്കൊണ്ട് പറയാണ്. മ്മളൊക്കെ മന്സമ്മാരല്ലേ? ഞമ്മളാണെങ്കില് ങ്ങനെ ചെയ്യോ?കുടീന്ന് എറങ്ങിപ്പോയ കുട്ടി തിരിച്ച് വരുമ്പം ഞമ്മളൊക്കെ വാതില് അടക്ക്േ ചെയ്യ?
സെരിക്കും ഈ പരിപാടിക്ക് ഇടേണ്ട്യേ പേര് പര്‍വാസി ലോകംന്നാണ്. പക്ഷേ, ഇബടെപ്പം പര്‍വാസീന്‍െറ കാര്യല്ല , ദുര്‍വാസീന്‍െറ കാര്യാണ് പറയ്ണഅ്. ദുര്‍വാസീന്‍െറ ദുനിയാവ്ന്നാവുമ്പോ ഒരു ചെതംണ്ടല്ലൊ.മാത്രല്ല ഇതീ പ്പറയ്ണതൊക്കെ ദു ചേര്‍ത്ത കാര്യങ്ങളൂ ആണ്. ദുര്‍മ്മുഖം. ദുഷിപ്പ്.ദുര്‍ന്നടപ്പ്.എല്ലാം കഴിഞ്ഞ് ഇപ്പം ദു:ഖത്തിലാണ് ദു ആ എരക്കലാണ്.
ഇനി ഞ മ്മക്ക് കാര്യത്തില്ക്ക് കടക്ക അ. സാധാരണ ഞമ്മളെ ഈ പരിപാടീല്ക്ക് ആള്‍ക്കാര് പരാതിം ആയി ബരലാണ് പതിവ്. ഒന്നൂങ്ക്ല് കാണാതെ പോയോന്‍െറ ബാപ്പ . അല്ലെങ്കില് ഓന്‍െറ ഇമ്മ. അതൂം അല്ലെങ്കില് ഓന്‍െറ പെങ്ങളോ പെണ്ണ്ങ്ങളോ മറ്റോ.
ഓല് വന്ന് ഓലെ സങ്കടം മുയ്മനും പറയും.അതിന്‍െറ എടക്ക് ഓല് കരയും.ചാനല് ല് ബന്ന് ഇമ്മേം പെങ്ങളും കരഞ്ഞാല് ഏത് ഇര്മ്പ്ന്‍െറ മന്സനും അലിഞ്ഞു പോവും.ഒരു വിധം ആവത്ണ്ടെങ്ക് ദുബായ്ലല്ല ആഹറത്തിലെത്ത്യോനും അട്ത്ത ഫ്ളൈറ്റിന് മടങ്ങിവരും.ഞമ്മളെ ഈ പരിപാടീന്‍െറ വിജയോം അതാണ്.

ഒറ്റ മിനുട്ട്! ഓന്‍െറ ഇപ്പഴത്തെ മൊഖം ഞമ്മക്ക് അയച്ച് കിട്ട്യേത് ഒന്ന് കാണിക്കട്ടെ. ഓന് വേണ്ടപ്പെട്ടവരാരെങ്കിലും ഈ പരിപാടി കാണുന്നുണ്ടെങ്കില്‍ ഇപ്പം തന്നെ ങ്ങള് വിളിക്കി.
ഓനിക്ക് അച്ചന്‍ ണ്ട്. പെങ്ങളൂംണ്ട്.അച്ചന്‍ കരഞ്ഞാ കണ്ണീന്ന് വെള്ളല്ല, ചോര്ഏ ബര് ആ .മൂപ്പരെ ഇവടെ കൊട്ന്ന് കരയിപ്പിക്ക്ത് സെര്യല്ല.പിന്നെ പെങ്ങളാണ്.ചിരിക്കണ കാര്യത്തിലാണ് മൂപ്പത്തി ജോറ്.ആങ്ങള്‍നെ വീട്ടില്‍ കയറ്റ്യാലാണ് കണ്ണീന്ന് വെള്ളം വര് ആ.അങ്ങനെത്തതാണ് പെങ്ങള്.
അതാണ് ഞാന്‍ പറഞ്ഞത്.ഇതിപ്പം പരാതിക്കാരനില്ല.ഞമ്മക്കന്നെ സ്വന്തം തോന്നീട്ട് പറയാണ്.ഇന്ക്ക് പറയാന്ള്ളത് ഓന്‍െറ വീട്ട്കാരോടല്ല.ഇപ്പം ഈ പരിപാടി കാണ്ണ ങ്ങളോടന്ന്യാണ്.
ഞാന്‍ ചോയ്ക്കട്ടെ, ഞമ്മളണാങ്കി ങ്ങനെ ചെയ്യോ?കുട്ട്യളാവുമ്പം ചെലപ്പോ സ്വന്തം പൊരേന്ന് തെറ്റിപ്പോയീന്നൊക്കെ ബരും.വേറെ കുറ്റിപ്പൊര വെച്ച് കെട്ടീന്നും ബരും.പക്ഷേ, ആ ബാസ്യൊക്കെ മറന്ന് ഓന്‍ മടങ്ങി വരുമ്പം വാതില് തൊറന്ന് കൊടുക്കാഞ്ഞാല്‍ പടച്ചോന്‍ പോലും പൊറുക്കൂല.
ഇനിപ്പം വേറൊരു ചിത്രം കാണിക്കാ.കുട്ട്യാവുമ്പം ള്ള ഓന്‍െറ ഫോട്ടൊ. അല്ല വരപ്പിച്ചതാ.ഇത് പ്പം ഈ പരിപാടീല് കാണിക്കണത് മറ്റേ പഹയമ്മാട്ടെ കണ്ണ് നെറയോന്ന് നോക്കാനാണ്.എന്ത് നല്ല കിങ്ങിണിക്കുട്ടന്‍. കണ്ട്ലേ വട്ട് കളിച്ച് നടക്ക്ണത്.ഇത് കാണുമ്പം തെന്നെങ്കിലും ഓല്ടെ കണ്ണില് വെള്ളം നെറഞ്ഞാല്‍ നന്നായി.ഈ കുട്ടിനെ ആണല്ലൊ ഓല് വീട്ടില് കേറ്റാത്തത്.
ഇനിക്ക് ഇനി പറയാന്ള്ളത് ആ ദുര്‍വാസീന്‍െറ വീട്ടില് ബേണ്ടാണ്ട് വാശീം പിടിച്ച് ഇര്ക്ക്ണോരോടാണ്.മദാമ്മന്‍െറ ഭവന്‍ ആയാലും കൊയപ്പല്ല മദാമ്മന്‍െറ അമ്മായ്യമ്മന്‍െറ ഭവനായാലും കൊയപ്പല്ല. ങ്ങളെ വീട്ടില് ടീവിണ്ട്ന്ന് ഇന്ക്കറിയാം. ങ്ങക്ക് ടി. വി. മാത്രല്ല സ്വന്തം ചാനലൂംണ്ട്.ഇപ്പം ഇനിക്ക് പറയാന്‍ള്ളത് ങ്ങളത് ഓഫാക്കണം.ഇത് നോക്കി. ഈ സ്ക്രീനിലേക്ക് തന്നെ നോക്കി.
ഒറ്റ മിനിട്ട് . ഒരു ബ്രേക്ക്ണ്ട്. ഇബടെ ത്തെന്നെ നിക്കി ട്ടൊ.
അപ്പം ഞമ്മള് എവടേ നിര്‍ത്ത്യേത്?ആ ബ്രേക്കില്. ഒരു ബ്രേക്ക് നല്ലതാണ്. ഓന് പറ്റിപ്പോയത് അതാണ്. ബെല്ലും ബ്രക്കൂല്ലാത്ത പോക്ക്.പൊരേലെ തന്നെ കാരണോരെ കൊണ്ടോട്ടി അങ്ങാടീല്‍വെച്ച് മുക്കാലീ കെട്ടി തച്ച്ലേ?

അന്ന് ആരോ എടുത്ത ് വെച്ച ഫോട്ടം ണ്ട് കണ്ടോളി.ദാ ദ് നോക്കീ. സ്വന്തം വീട്ടിലെ കുട്ട്യല്ലേ ന്ന് വിചാരിച്ച് മൂപ്പര് വത് പൊറുത്തു.അച്ചന്‍ പാത്താന്‍ പോയ നേരം നോക്കി ഓനെ പിടിച്ച് സുജായി ആക്കി. എന്നിട്ടും ഓന്‍ വമ്പത്തരം നിര്‍ത്തീല. കുറ്റിം പറച്ച് ഒറ്റപ്പോക്കല്ലേ?
കേന്ദ്രത്തില്ക്ക് വിസ കിട്ടുംന്നാണ് ഓന്‍ വിചാരിച്ചത്. സ്വന്തം കുടീല് കിട്ടാത്ത വിസ വേറെ എവുട്ന്ന് കിട്ടാനാ?ധാരാവിലോ മുംബീലോ മറ്റോ ള്ളെ ഒരു പവാറാണ് ഓനെ പറ്റ്ച്ചത്.വിസ കിട്ട്യേതൂല്ല. പൊരേം കുടീം ണ്ടായീന്നത് പോവും ചെയ്തു.കൊറേക്കാലം മുംബീല് ണ്ടായ്ന്ന്. പിന്നെ ഡല്‍ഹീലും ചെലെ വീട്ടിന്‍െറ ഗെയ്റ്റില് കണ്ടിട്ട്ണ്ട്. ഡല്‍ഹീലെ വീട്ടുകാരൊന്നും ഇവിടത്തെ പ്പോലെ അല്ല. ചെലേന് ഇംഗ്ളീഷും ഹിന്ദീം മലയാളും ചേര്‍ന്ന പേര്.ടെന്‍ ജന്‍ പത്ത് പോലെ. വേറെ ചെലത് ട്വന്‍റി ഫോര്‍ അശോകാ റോഡ് . ഒക്കെ വല്യ വല്യ പേരാണ്.ഒരു ഗേറ്റും തൊറന്ന് കൊട്ത്തീല.
പിന്നെ ഏറ്റവും ഒടൂല് കണ്ടത് ഇതാ ഇങ്ങന്യാണ്.ഇപ്പം എല്ലാരും ഒന്ന് സ്ക്രീനിലേക്ക് നോക്കണേ.കോഴിക്കോട്ടെ ഒരു ഡി. എം. കെ യോഗത്തില് തൂണും ചാരി നിക്ക്ണ ഫോട്ടൊ. ഇനിക്ക് കോഴിക്കോട്ടെ പ്രേക്ഷകരോട് നാലു വര്‍ത്താനം പറയാന്‍ ണ്ട്.ങ്ങള് കണ്ടീലെ ഇത്.എങ്ങനെ കഴിഞ്ഞ മന്സനാ.കുട്ടിന്‍െറ മുടി കളച്ച്ലിന് മൂത്താപ്പ ഹെലികോപ്റ്ററില് വന്നതൊന്നും ങ്ങള് മറക്കര്ത്.മൂപ്പര് അന്ന് മുഖ്യനാണ്.ആ മുഖ്യന്‍െറ മോനാ ഇത്.
ഇനി ഇനിക്ക് പറയാന്‍ള്ളത് ഈ പരിപാടി കാണ്ണ ഓന്‍െറ ചങ്ങായ്മാരോടാണ്.ഈ പരിപാടി കഴിഞ്ഞാല്‍ അപ്പം തെന്നെ ങ്ങള് വിളിക്കീ.ഓന്‍ പ്പം എവ്ടേണെങ്കിലും കൊയപ്പല്ല.ഓന്‍െറ കാര്യം വേഗം ശെര്യാവും ന്ന് പറഞ്ഞോളണ്ടി.ഇതാ ഞാന്‍ പ്പം തന്നെ മറ്റോലെ വിളിക്ക്ണ്ണ്ട്.
ഞാന്‍ ഇപ്പം പറയ്ണത് മറ്റോരോടാണ്.പഴേതൊക്കെ ങ്ങള് മറക്കണം. കാട്ട്യേതും പറഞ്ഞതൂംക്കൊ ങ്ങള് പൊരുത്തപ്പെടണം. ബാസീം ബെറുപ്പം വെച്ച് ഇരിക്കണ്ട സമയല്ല ഇത്. കണ്ണൂരും എറണാകുത്തും ആലപ്പൊടേലും ഒക്കെ ങ്ങളെ മൊതലാണ് പോണത്.
ഓന്‍െറ മാപ്പ് എഴുതി വാങ്ങണം ന്നോ?ങ്ങളെ തള്ളിപ്പറഞ്ഞോന്‍ ങ്ങളെ അട്ത്ത്ക്ക് അന്നെ വന്ന്ലേ.അത് തന്നെല്ലേ വല്യ മാപ്പ്.ഓനാള് മാറീലേ? പൊരേന്‍െറ അവുത്ത് കേറ്റണ്ട, പൊറത്തെ ചായ്പ്ലെങ്കിലും പായ വിരിക്കാന്‍ സ്തെലം കൊട്ത്തൂടെ?
ഇനി ഇനിക്ക് പറയാന്‍ള്ളത് ഓനോടെന്ന്യാണ്.അന്‍െറ കൈമ്മ്ല് മൊബൈല് ണ്ടല്ലൊ.ഇജ്ജ് കയ്യ്ണേടത്തോളം എസ് എം എസ് അയക്ക്.അന്‍െറ ചങ്ങായ് മാരോടും പറയ്.ഇജ്ജ് ആ ബാസീം ബെറീം ഒക്കെ മറന്ന് അന്‍െറ കുടീക്ക് കൊറച്ച് എസ് എം എസ് അയക്ക്.
എന്തേയ് അന്‍െറ മോത്തൊരു വെളിച്ചക്കൊറവ്?ഈ ചാനലിന് പൈസ ണ്ടാക്കാനല്ല.അയിന് മ്മള് ബ്രേയ്ക്ക് പിടിക്കുമ്പം കൊടുത്ത പരസ്യം മതി.ഇതിപ്പം അനക്ക് ഗൊണം വരാനാണ്. കണ്ണീര് കണ്ട് മയങ്ങ്ണ ആള്‍ക്കാരല്ല അന്‍െറ കൂട്ടര്. അങ്ങനെ ആണെങ്കില് നേരത്തെ കാണിച്ച ജ്ജ് നൊളോച്ച്ണ ഫോട്ടൊ തന്നെ മത്യല്ലൊ.
പറ്റ് എങ്കി ങ്ങളെല്ലാരും ഓരോ എസ്. എം. എസ് അയക്കി.ഒരു മന്സന്‍ രക്ഷപ്പെട്ണ കാര്യാണ്.ഇനി അടുത്ത എപ്പിസോഡ്ല്.അയിപ്രായം വല്ലതൂം ണ്ടെങ്കി അത് മനസ്സില് വെച്ച് ആളണ്ടി.


16 comments:

Baiju Elikkattoor said...

pasht....!!!

ബിനോയ്//HariNav said...

മാഷേ ഫോണ്ട് സൈസ് അല്പ്പം കുറക്കൂ. വായിച്ച് കണ്ണ് ഫ്യൂസായി. :)

Martin Morgan said...

what a reason to cry!!

Buy Dissertation | write help

Anonymous said...

I'm really impressed with your writing skills and also with the layout on your weblog. Is this a paid theme or did you modify it yourself? Either way keep up the nice quality writing, it is rare to see a great blog like this one these days.

my web site: SlimBerry Cleanse Diets

Anonymous said...

That is a very good tip particularly to those new to the blogosphere.
Short but very precise information… Appreciate your sharing this one.
A must read post!

My web site - Buy Elevate GF

Anonymous said...

Awesome! Its in fact remarkable piece of writing, I have got
much clear idea regarding from this post.

my web page - Best Muscle Growth Supplement

Anonymous said...

That is a really good tip especially to those fresh to the
blogosphere. Simple but very precise information… Thank you for sharing this one.

A must read article!

Feel free to surf to my blog post :: Nuvocleanse Detox

Anonymous said...

Hmm it looks like your blog ate my first comment (it was extremely long) so I guess I'll just sum it up what I wrote and say, I'm thoroughly enjoying your blog.
I as well am an aspiring blog writer but I'm still new to the whole thing. Do you have any tips for novice blog writers? I'd genuinely appreciate it.



Here is my homepage; Buy cambogia trim

Anonymous said...

Awesome things here. I'm very glad to peer your post. Thanks so much and I'm
looking ahead to touch you. Will you please drop me a mail?


Have a look at my web-site Where to buy lean muscle formula

Anonymous said...

Can I simply just say what a comfort to find a person that really understands
what they are discussing on the net. You actually realize how to bring
an issue to light and make it important. More people need to check this out and understand this side of your story.

It's surprising you aren't more popular since you definitely
have the gift.

My webpage Automated pay days reviews

Anonymous said...

If you would like to improve your knowledge only keep visiting
this web site and be updated with the hottest
gossip posted here.

Review my homepage ... garcinia cambogia

Anonymous said...

Woah! I'm really digging the template/theme of this website. It's simple,
yet effective. A lot of times it's difficult to get that "perfect balance" between user friendliness and visual appearance. I must say that you've done
a fantastic job with this. Also, the blog loads very quick for me
on Internet explorer. Exceptional Blog!

Feel free to visit my blog :: buy 5HTP

Anonymous said...

Hey There. I found your blog using msn. This is a really well written article.
I will make sure to bookmark it and come back to read more
of your useful information. Thanks for the post.
I'll definitely comeback.

Stop by my web page payday loans

Anonymous said...

Hi there to every body, it's my first visit of this website; this blog includes amazing and in fact good data for visitors.

Also visit my homepage ... Buy Androsolve

Anonymous said...

You've made some good points there. I looked on the internet for more info about the issue and found most people will go along with your views on this site.

Visit my webpage acai ultra ()

Anonymous said...

Definitely believe that which you stated. Your favorite reason appeared to be on the internet the easiest thing to be aware of.
I say to you, I certainly get annoyed while people consider
worries that they just do not know about. You managed to
hit the nail upon the top and defined out the whole thing without having side effect , people could take
a signal. Will probably be back to get more. Thanks


loss weight now