പൊടിപ്പും തൊങ്ങലും

ഒരാള്‍ ചിക്കനും പൊറോട്ടയും വാങ്ങിത്തരാനുണ്ടെങ്കില്‍ നമ്മളെന്തിന് നക്സലേറ്റ് ആവണം.

2009-10-11T18:45:00.005+05:30

കോണ്‍ഗ്രസിന്‍െറ കച്ചവടം വന്‍ പ്രോഫിറ്റ് ആയി മാറാത്തതു എന്തുകൊണ്ടാണ്? ബിസിനസ് മാനേജ്മെന്‍റ് നന്നായി പഠിച്ച രാഹുല്‍ ഗാന്ധി അതിനു ഉത്തരം കണ്ടെത്തിയിരിക്കുന്നു. ചെറുപ്പക്കാര്‍ രാഷ്ട്രീയത്തില്‍ നിന്നു വിട്ടു നില്‍ക്കുന്നതു കൊണ്ട്! അരാഷ്ട്രീയം തലക്കു പിടിച്ച ചെറുപ്പക്കാര്‍ കൂട്ടത്തോടെ നക്സലേറ്റുകളാവുകയാണത്രെ!!
ഇങ്ങനെ പോയാല്‍ കോണ്‍ഗ്രസ്സ് മാത്രമല്ല സമസ്ത പാര്‍ട്ടികളും പൊളിയും. അത് ഒഴിവാക്കാന്‍ വേണ്ടത് ചെറുപ്പക്കാരെ പാര്‍ട്ടിയിലേക്ക് ആകര്‍ഷിക്കുകയാണ്. അതിനു പറ്റിയ പണിയെന്താണ്? അതും രാഹുല്‍ തിരിച്ചറിഞ്ഞു. പെണ്‍കുട്ടികളെ ആകര്‍ഷിക്കാന്‍ നല്ലത് കോളേജ് ആണ്.ചെത്തു സ്റ്റൈലില്‍ പൂവാല റോളില്‍ പഞ്ചാര മൂലകളിലേക്ക് ഇടിച്ചു കയറുക.

'എന്‍െറ ഖല്‍ബിലെ വെണ്ണിലാവു നീ' തുടങ്ങി സെന്‍റി വരുന്ന പാട്ടുകളും ഹൃദിസ്ഥമാക്കിയിട്ടുണ്ട്. പാട്ടില്‍ തുടങ്ങുക. എന്നിട്ടു പാട്ടിലായില്ലെങ്കില്‍ നോട്ടു പുസ്തകമോ ഓട്ടോഗ്രാഫോ പിടിച്ചു വാങ്ങുക. ' നീ എന്‍െറ കൈപ്പത്തിയാണ്. നീയില്ലാത്ത ജീവിതം വോട്ടില്ലാത്ത പൌരനെപ്പോലെയാണ്. ഒരു സഹോദരനായി കാണാന്‍ പ്രയാസമാണെങ്കില്‍ ഒരു സ്ഥാനാര്‍ഥി ആയെങ്കിലും കാണാന്‍ ശ്രമിക്കണം.ജയ് ഹിന്ദ്!'

ഏതു പെണ്‍കുട്ടിയും വീണു പോവും. ഇത് പെണ്‍കുട്ടികളെ കെണിക്കാനുള്ള വഴി. എറണാകുളത്തും കോഴിക്കോട്ടും മറ്റും ഇപ്പോള്‍ എല്ലാ പെണ്‍കുട്ടികളും കെ. എസ്. യു. ആണ്. ഹൈബി ഈഡന്‍െറ പേരില്‍ ഉദിഷ്ട കാര്യത്തിനു ഉപകാര സ്മരണ. വീഴ്ത്തപ്പെട്ട. ബ്രാക്കറ്റില്‍ എറണാകുളത്ത് എന്നു ചേര്‍ത്ത ശേഷം തുടരാം. ഹൈബിയച്ചനു പത്തു പൊന്‍ കുരിശുകള്‍.

ആണ്‍കുട്ടികളെ കുരുക്കാന്‍ ഇതു പോര. അവര്‍ ഉണ്ടാവുക കോളേജിലാവില്ല. വല്ല ബാറിലോ റസ്റ്ററന്‍റിലോ ആവും. അപ്പോള്‍ അതു തന്നെ വഴി. പോവുന്ന പോക്കില്‍ വഴിയില്‍ കാണുന്ന ഓരോ ഹോട്ടലും കാലിയാക്കുക. ഹോട്ടല്‍ കാലിയാക്കാനുള്ള വിദ്യ യൂത്ത് കോണ്‍ഗ്രസിനെപ്പോലെ അറിയുന്ന മറ്റു സംഘടനകളില്ല.
ആദ്യം കാണുന്ന ഹോട്ടലില്‍ ഇടിച്ചു കയറുക. എന്നിട്ടു മൂക്കു മുട്ടെ തിന്നുക. മുന്നില്‍ കണ്ട ആളുകളുടെ തോളില്‍ കയ്യിട്ട് ' അളിയാ ഒരു ചായ കൂടി പറയട്ടെ' എന്നൊക്കെ ചുമ്മാതങ്ങു കാച്ചുക.ആ സമയത്തു ചിക്കനും പൊറോട്ടയും അടിക്കുന്ന എല്ലാവന്‍റേയും ബില്ല് തന്‍െറ പേരില്‍ എഴുതാന്‍ പറയുക. എന്നിട്ട് പോവാന്‍ നേരം കാശ് എ. ഐ. സി. സി യില്‍ നിന്ന് മണി ഓര്‍ഡറായി വരുമെന്ന് പറയുക. വിശ്വാസം വരുന്നില്ലെങ്കില്‍ ഒരു ഉറപ്പിനായി ഒപ്പം നിര്‍ത്തി ഫോട്ടൊ എടുക്കാന്‍ അനുവാദം നല്‍കുക. അതു കൊണ്ടും വിശ്വാസം വന്നില്ലെങ്കില്‍ കാപ്പി നന്നായി എന്ന് ഒരു കടലാസില്‍ എഴുതിക്കൊടുക്കുക.
നമ്മുടെ ഇന്ദ്രന്‍സ് ചോദിക്കുന്ന പോലെ. എങ്ങനെയുണ്ടെന്‍െറ ബുദ്ധി.
ഈ വിദ്യ തുടരെ ത്തുടരെ കാണിക്കാന്‍ പറ്റുമോ എന്നു സംശയിക്കുന്നവരുണ്ട്. ഒരിടത്തു നിന്ന് പൊറോട്ടയും ചിക്കനും നാലഞ്ചു കാപ്പിയും ഒന്നിച്ച് അകത്താക്കിയാല്‍ പിന്നെ മൂന്നോ നാലോ മണിക്കൂര്‍ കഴിയാതെ അതേ വിദ്യ പയറ്റാനാവില്ല. പക്ഷേ, രാഹുലിന് അങ്ങനെ കാത്തു കെട്ടിക്കിടക്കാന്‍ സമയമില്ല.

ഇവിടാണ് നാം വൈദ്യ ശാസ്ത്രത്തിന്‍െറ സാധ്യത പ്രയോജനപ്പെടുത്തേണ്ടത്. ജഠരാഗ്നി ജ്വലിപ്പിക്കാനുള്ള ദഹനൌഷധങ്ങളെപ്പറ്റിയാണ് ചിന്തയെങ്കില്‍ നിങ്ങള്‍ക്ക് തെറ്റി. ഏതു മരുന്ന് മണപ്പിച്ചാലും കഴിച്ച ഭക്ഷണം ദഹിക്കണമെങ്കില്‍ മണിക്കൂറുകള്‍ കഴിയണം. സ്മാളിനേക്കാളും വലുതല്ലല്ലൊ മറ്റു മരുന്നുകളൊന്നും.
ഇവിടെ പയറ്റുന്നത് നാടന്‍ പ്രയോഗമാണ്. പാലാഴിയിലെ ഗുംട്ടിയില്‍ നിന്ന് മൂക്കോളം വെട്ടി വിഴുങ്ങിയത് പാരഗണിലെത്തുമ്പോഴേക്ക് കാലിയാവണം.അതിനുള്ള വിദ്യയാണ് വേണ്ടത്. കഷ്ടിച്ച് അര മണിക്കൂര്‍ ഗ്യാപ്പേ കാണൂ.നമ്മളൊന്നും എത്ര തല പുകഞ്ഞ് ആലോചിച്ചാലും വതിനുള്ള വഴി എളുപ്പത്തില്‍ കണ്ടു പിടിക്കാനാവില്ല.

പ്രത്യുത്പ്പന്ന മതിത്വം എന്ന് പറയുന്ന ഒരു സിദ്ധിയുണ്ട്. മഹാന്മാര്‍ക്ക് ജന്മനാ കിട്ടുന്നതാണ്. അത് രാഹുലിന് വേണ്ടുവോളമുണ്ട്. പാലാഴിയിലെ പൊറോട്ടക്കും പാരഗണിലെ മീനടക്കും ഇടയില്‍ രാഹുല്‍ അരമണിക്കൂര്‍ ചെലവഴിച്ചത് എവിടെയാണ്? വെസ്റ്റ് ഹില്ലിലെ ഗവര്‍മ്മെന്‍റ് ഗസ്റ്റ് ഹൌസില്‍.
താജ് റെസിഡന്‍സി പോലുള്ള പഞ്ചനക്ഷത്ര സൌകര്യം വേണ്ടെന്നു വച്ച് കുറുക്കന്‍ കുന്നിലെ ഗസ്റ്റ് ഹൌസ് തിരഞ്ഞെടുത്തത് എന്തിനാ? ചെലവു ചുരുക്കാന്‍ എന്നു പറയാന്‍ വരട്ടെ. ആഞ്ഞു പിടിച്ചൊന്ന് ഛര്‍ദിക്കാന്‍. അവിടത്തെ ടോയ്ലറ്റ് ആവുമ്പോള്‍ രണ്ടു വഴിക്കും വിരേചനം സാധിക്കും.ഒരു മരുന്നും മണപ്പിക്കാതെ തന്നെ.
ആ വിദ്യ ഫലിച്ചാല്‍, പിന്നെ പാരഗണിലെ മീനടയും തിന്നാം സാഗറിലെ നിര്‍ത്തിപ്പൊരിച്ചതും തിന്നാം. അതും കഴിഞ്ഞ് എത്ര ഹോട്ടലുണ്ട്. ബോംബെ റസ്റ്റാറന്‍റിലെ പിടിക്കോഴി. ബീച്ച് റസ്റ്റാറന്‍റിലെ മുട്ടമാല. കുറ്റിച്ചിറ, ഇടിയങ്ങര, മുഖദാര്‍ വഴി വച്ചു പിടിച്ചാല്‍ തെരണ്ടി മുതല്‍ തിമിംഗലം വരെ ഒരു പാടു ജന്തുക്കളെ തിന്നാന്‍ കിട്ടും. ഇടക്കൊന്ന് ടോയ്ലറ്റില്‍ പോവണമെന്നേയുള്ളൂ.
രാഹുലിന്‍െറ അച്ഛന്‍ രാജീവിനു പോലും ഈ മാതിരി ബുദ്ധി തോന്നിയിട്ടില്ല. മൂപ്പരുടെ ലൈന്‍ വേറൊന്നായിരുന്നു. കണ്ട കോജേജിലും ഹോട്ടലിലും കയറി നിരങ്ങാതെ ഒറ്റയടിക്ക് ഹോള്‍സെയില്‍ പരിപാടി. മുസ്ലീം വനിതാ ജീവനാംശ ബില്ലിലൂടെ മുസ്ലീം വോട്ട്. രാമജന്മഭൂമിയിലൂടെ ഹിന്ദു വോട്ടും .
പക്ഷേ, ജനങ്ങളുമായി ഇന്‍റിമസി സ്ഥാപിക്കാന്‍ അതിനു കഴിയില്ല.

പെണ്‍കുട്ടികള്‍ക്ക് ഓട്ടോഗ്രാഫ് കൊടുക്കുന്ന പോലെയോ യുവാക്കള്‍ക്ക് ഒഴിച്ചു കൊടുക്കുന്ന പോലെയോ . ബ്രാക്കറ്റില്‍ ചായയാണ് മറ്റൊന്നുമല്ല. ഒരു ആത്മ ബന്ധം പാര്‍ലമെന്‍റിലിരുന്ന് ഒരു നിയമം പാസാക്കിയില്‍ കിട്ടില്ല. അപ്പോള്‍ ഇനി മുതല്‍ ഒരാളും നക്സലേറ്റ് ആവില്ല. ഒരാള്‍ ചിക്കനും പൊറോട്ടയും വാങ്ങിത്തരാനുണ്ടെങ്കില്‍ നമ്മളെന്തിന് നക്സലേറ്റ് ആവണം.
ഇനി ഈ എപ്പിസോഡില്‍ ചെറിയൊരു ചെയ്ഞ്ചുണ്ട്. ഒരു ചെയ്ഞ്ച് ആരാണ് ഇഷ്ടപ്പെടാത്തത്?

ദുര്‍വാസീന്‍െറ ദുനിയാവ് എന്ന ഈ ചെയഞ്ചിലേക്ക് എല്ലാ മന്സന്‍മ്ാക്കും സോഗതം.പ്രേക്ഷകര്‍ക്ക് സ്വാഗതം എന്നൊക്കെയാണ് പറയേണ്ടത്. സംഭവം വേറൊരു യുവാവിന്‍െറ തിരോധാനമാണ്. തിരോധാനം നോക്കാനായിട്ട് ഈ ചാനലില്‍ തന്നെ മറ്റൊരു പ്രേഗ്രാം ഉണ്ടെന്നത് നേര്.

പക്ഷേങ്കില് , കണ്ണ്ച്ചോരല്ലാത്ത മന്സമ്മാര്ടെ എണ്ണം കൂട്യേനക്കൊണ്ട് പറയാണ്. മ്മളൊക്കെ മന്സമ്മാരല്ലേ? ഞമ്മളാണെങ്കില് ങ്ങനെ ചെയ്യോ?കുടീന്ന് എറങ്ങിപ്പോയ കുട്ടി തിരിച്ച് വരുമ്പം ഞമ്മളൊക്കെ വാതില് അടക്ക്േ ചെയ്യ?
സെരിക്കും ഈ പരിപാടിക്ക് ഇടേണ്ട്യേ പേര് പര്‍വാസി ലോകംന്നാണ്. പക്ഷേ, ഇബടെപ്പം പര്‍വാസീന്‍െറ കാര്യല്ല , ദുര്‍വാസീന്‍െറ കാര്യാണ് പറയ്ണഅ്. ദുര്‍വാസീന്‍െറ ദുനിയാവ്ന്നാവുമ്പോ ഒരു ചെതംണ്ടല്ലൊ.മാത്രല്ല ഇതീ പ്പറയ്ണതൊക്കെ ദു ചേര്‍ത്ത കാര്യങ്ങളൂ ആണ്. ദുര്‍മ്മുഖം. ദുഷിപ്പ്.ദുര്‍ന്നടപ്പ്.എല്ലാം കഴിഞ്ഞ് ഇപ്പം ദു:ഖത്തിലാണ് ദു ആ എരക്കലാണ്.
ഇനി ഞ മ്മക്ക് കാര്യത്തില്ക്ക് കടക്ക അ. സാധാരണ ഞമ്മളെ ഈ പരിപാടീല്ക്ക് ആള്‍ക്കാര് പരാതിം ആയി ബരലാണ് പതിവ്. ഒന്നൂങ്ക്ല് കാണാതെ പോയോന്‍െറ ബാപ്പ . അല്ലെങ്കില് ഓന്‍െറ ഇമ്മ. അതൂം അല്ലെങ്കില് ഓന്‍െറ പെങ്ങളോ പെണ്ണ്ങ്ങളോ മറ്റോ.
ഓല് വന്ന് ഓലെ സങ്കടം മുയ്മനും പറയും.അതിന്‍െറ എടക്ക് ഓല് കരയും.ചാനല് ല് ബന്ന് ഇമ്മേം പെങ്ങളും കരഞ്ഞാല് ഏത് ഇര്മ്പ്ന്‍െറ മന്സനും അലിഞ്ഞു പോവും.ഒരു വിധം ആവത്ണ്ടെങ്ക് ദുബായ്ലല്ല ആഹറത്തിലെത്ത്യോനും അട്ത്ത ഫ്ളൈറ്റിന് മടങ്ങിവരും.ഞമ്മളെ ഈ പരിപാടീന്‍െറ വിജയോം അതാണ്.

ഒറ്റ മിനുട്ട്! ഓന്‍െറ ഇപ്പഴത്തെ മൊഖം ഞമ്മക്ക് അയച്ച് കിട്ട്യേത് ഒന്ന് കാണിക്കട്ടെ. ഓന് വേണ്ടപ്പെട്ടവരാരെങ്കിലും ഈ പരിപാടി കാണുന്നുണ്ടെങ്കില്‍ ഇപ്പം തന്നെ ങ്ങള് വിളിക്കി.
ഓനിക്ക് അച്ചന്‍ ണ്ട്. പെങ്ങളൂംണ്ട്.അച്ചന്‍ കരഞ്ഞാ കണ്ണീന്ന് വെള്ളല്ല, ചോര്ഏ ബര് ആ .മൂപ്പരെ ഇവടെ കൊട്ന്ന് കരയിപ്പിക്ക്ത് സെര്യല്ല.പിന്നെ പെങ്ങളാണ്.ചിരിക്കണ കാര്യത്തിലാണ് മൂപ്പത്തി ജോറ്.ആങ്ങള്‍നെ വീട്ടില്‍ കയറ്റ്യാലാണ് കണ്ണീന്ന് വെള്ളം വര് ആ.അങ്ങനെത്തതാണ് പെങ്ങള്.
അതാണ് ഞാന്‍ പറഞ്ഞത്.ഇതിപ്പം പരാതിക്കാരനില്ല.ഞമ്മക്കന്നെ സ്വന്തം തോന്നീട്ട് പറയാണ്.ഇന്ക്ക് പറയാന്ള്ളത് ഓന്‍െറ വീട്ട്കാരോടല്ല.ഇപ്പം ഈ പരിപാടി കാണ്ണ ങ്ങളോടന്ന്യാണ്.
ഞാന്‍ ചോയ്ക്കട്ടെ, ഞമ്മളണാങ്കി ങ്ങനെ ചെയ്യോ?കുട്ട്യളാവുമ്പം ചെലപ്പോ സ്വന്തം പൊരേന്ന് തെറ്റിപ്പോയീന്നൊക്കെ ബരും.വേറെ കുറ്റിപ്പൊര വെച്ച് കെട്ടീന്നും ബരും.പക്ഷേ, ആ ബാസ്യൊക്കെ മറന്ന് ഓന്‍ മടങ്ങി വരുമ്പം വാതില് തൊറന്ന് കൊടുക്കാഞ്ഞാല്‍ പടച്ചോന്‍ പോലും പൊറുക്കൂല.
ഇനിപ്പം വേറൊരു ചിത്രം കാണിക്കാ.കുട്ട്യാവുമ്പം ള്ള ഓന്‍െറ ഫോട്ടൊ. അല്ല വരപ്പിച്ചതാ.ഇത് പ്പം ഈ പരിപാടീല് കാണിക്കണത് മറ്റേ പഹയമ്മാട്ടെ കണ്ണ് നെറയോന്ന് നോക്കാനാണ്.എന്ത് നല്ല കിങ്ങിണിക്കുട്ടന്‍. കണ്ട്ലേ വട്ട് കളിച്ച് നടക്ക്ണത്.ഇത് കാണുമ്പം തെന്നെങ്കിലും ഓല്ടെ കണ്ണില് വെള്ളം നെറഞ്ഞാല്‍ നന്നായി.ഈ കുട്ടിനെ ആണല്ലൊ ഓല് വീട്ടില് കേറ്റാത്തത്.
ഇനിക്ക് ഇനി പറയാന്ള്ളത് ആ ദുര്‍വാസീന്‍െറ വീട്ടില് ബേണ്ടാണ്ട് വാശീം പിടിച്ച് ഇര്ക്ക്ണോരോടാണ്.മദാമ്മന്‍െറ ഭവന്‍ ആയാലും കൊയപ്പല്ല മദാമ്മന്‍െറ അമ്മായ്യമ്മന്‍െറ ഭവനായാലും കൊയപ്പല്ല. ങ്ങളെ വീട്ടില് ടീവിണ്ട്ന്ന് ഇന്ക്കറിയാം. ങ്ങക്ക് ടി. വി. മാത്രല്ല സ്വന്തം ചാനലൂംണ്ട്.ഇപ്പം ഇനിക്ക് പറയാന്‍ള്ളത് ങ്ങളത് ഓഫാക്കണം.ഇത് നോക്കി. ഈ സ്ക്രീനിലേക്ക് തന്നെ നോക്കി.
ഒറ്റ മിനിട്ട് . ഒരു ബ്രേക്ക്ണ്ട്. ഇബടെ ത്തെന്നെ നിക്കി ട്ടൊ.
അപ്പം ഞമ്മള് എവടേ നിര്‍ത്ത്യേത്?ആ ബ്രേക്കില്. ഒരു ബ്രേക്ക് നല്ലതാണ്. ഓന് പറ്റിപ്പോയത് അതാണ്. ബെല്ലും ബ്രക്കൂല്ലാത്ത പോക്ക്.പൊരേലെ തന്നെ കാരണോരെ കൊണ്ടോട്ടി അങ്ങാടീല്‍വെച്ച് മുക്കാലീ കെട്ടി തച്ച്ലേ?

അന്ന് ആരോ എടുത്ത ് വെച്ച ഫോട്ടം ണ്ട് കണ്ടോളി.ദാ ദ് നോക്കീ. സ്വന്തം വീട്ടിലെ കുട്ട്യല്ലേ ന്ന് വിചാരിച്ച് മൂപ്പര് വത് പൊറുത്തു.അച്ചന്‍ പാത്താന്‍ പോയ നേരം നോക്കി ഓനെ പിടിച്ച് സുജായി ആക്കി. എന്നിട്ടും ഓന്‍ വമ്പത്തരം നിര്‍ത്തീല. കുറ്റിം പറച്ച് ഒറ്റപ്പോക്കല്ലേ?
കേന്ദ്രത്തില്ക്ക് വിസ കിട്ടുംന്നാണ് ഓന്‍ വിചാരിച്ചത്. സ്വന്തം കുടീല് കിട്ടാത്ത വിസ വേറെ എവുട്ന്ന് കിട്ടാനാ?ധാരാവിലോ മുംബീലോ മറ്റോ ള്ളെ ഒരു പവാറാണ് ഓനെ പറ്റ്ച്ചത്.വിസ കിട്ട്യേതൂല്ല. പൊരേം കുടീം ണ്ടായീന്നത് പോവും ചെയ്തു.കൊറേക്കാലം മുംബീല് ണ്ടായ്ന്ന്. പിന്നെ ഡല്‍ഹീലും ചെലെ വീട്ടിന്‍െറ ഗെയ്റ്റില് കണ്ടിട്ട്ണ്ട്. ഡല്‍ഹീലെ വീട്ടുകാരൊന്നും ഇവിടത്തെ പ്പോലെ അല്ല. ചെലേന് ഇംഗ്ളീഷും ഹിന്ദീം മലയാളും ചേര്‍ന്ന പേര്.ടെന്‍ ജന്‍ പത്ത് പോലെ. വേറെ ചെലത് ട്വന്‍റി ഫോര്‍ അശോകാ റോഡ് . ഒക്കെ വല്യ വല്യ പേരാണ്.ഒരു ഗേറ്റും തൊറന്ന് കൊട്ത്തീല.
പിന്നെ ഏറ്റവും ഒടൂല് കണ്ടത് ഇതാ ഇങ്ങന്യാണ്.ഇപ്പം എല്ലാരും ഒന്ന് സ്ക്രീനിലേക്ക് നോക്കണേ.കോഴിക്കോട്ടെ ഒരു ഡി. എം. കെ യോഗത്തില് തൂണും ചാരി നിക്ക്ണ ഫോട്ടൊ. ഇനിക്ക് കോഴിക്കോട്ടെ പ്രേക്ഷകരോട് നാലു വര്‍ത്താനം പറയാന്‍ ണ്ട്.ങ്ങള് കണ്ടീലെ ഇത്.എങ്ങനെ കഴിഞ്ഞ മന്സനാ.കുട്ടിന്‍െറ മുടി കളച്ച്ലിന് മൂത്താപ്പ ഹെലികോപ്റ്ററില് വന്നതൊന്നും ങ്ങള് മറക്കര്ത്.മൂപ്പര് അന്ന് മുഖ്യനാണ്.ആ മുഖ്യന്‍െറ മോനാ ഇത്.
ഇനി ഇനിക്ക് പറയാന്‍ള്ളത് ഈ പരിപാടി കാണ്ണ ഓന്‍െറ ചങ്ങായ്മാരോടാണ്.ഈ പരിപാടി കഴിഞ്ഞാല്‍ അപ്പം തെന്നെ ങ്ങള് വിളിക്കീ.ഓന്‍ പ്പം എവ്ടേണെങ്കിലും കൊയപ്പല്ല.ഓന്‍െറ കാര്യം വേഗം ശെര്യാവും ന്ന് പറഞ്ഞോളണ്ടി.ഇതാ ഞാന്‍ പ്പം തന്നെ മറ്റോലെ വിളിക്ക്ണ്ണ്ട്.
ഞാന്‍ ഇപ്പം പറയ്ണത് മറ്റോരോടാണ്.പഴേതൊക്കെ ങ്ങള് മറക്കണം. കാട്ട്യേതും പറഞ്ഞതൂംക്കൊ ങ്ങള് പൊരുത്തപ്പെടണം. ബാസീം ബെറുപ്പം വെച്ച് ഇരിക്കണ്ട സമയല്ല ഇത്. കണ്ണൂരും എറണാകുത്തും ആലപ്പൊടേലും ഒക്കെ ങ്ങളെ മൊതലാണ് പോണത്.
ഓന്‍െറ മാപ്പ് എഴുതി വാങ്ങണം ന്നോ?ങ്ങളെ തള്ളിപ്പറഞ്ഞോന്‍ ങ്ങളെ അട്ത്ത്ക്ക് അന്നെ വന്ന്ലേ.അത് തന്നെല്ലേ വല്യ മാപ്പ്.ഓനാള് മാറീലേ? പൊരേന്‍െറ അവുത്ത് കേറ്റണ്ട, പൊറത്തെ ചായ്പ്ലെങ്കിലും പായ വിരിക്കാന്‍ സ്തെലം കൊട്ത്തൂടെ?
ഇനി ഇനിക്ക് പറയാന്‍ള്ളത് ഓനോടെന്ന്യാണ്.അന്‍െറ കൈമ്മ്ല് മൊബൈല് ണ്ടല്ലൊ.ഇജ്ജ് കയ്യ്ണേടത്തോളം എസ് എം എസ് അയക്ക്.അന്‍െറ ചങ്ങായ് മാരോടും പറയ്.ഇജ്ജ് ആ ബാസീം ബെറീം ഒക്കെ മറന്ന് അന്‍െറ കുടീക്ക് കൊറച്ച് എസ് എം എസ് അയക്ക്.
എന്തേയ് അന്‍െറ മോത്തൊരു വെളിച്ചക്കൊറവ്?ഈ ചാനലിന് പൈസ ണ്ടാക്കാനല്ല.അയിന് മ്മള് ബ്രേയ്ക്ക് പിടിക്കുമ്പം കൊടുത്ത പരസ്യം മതി.ഇതിപ്പം അനക്ക് ഗൊണം വരാനാണ്. കണ്ണീര് കണ്ട് മയങ്ങ്ണ ആള്‍ക്കാരല്ല അന്‍െറ കൂട്ടര്. അങ്ങനെ ആണെങ്കില് നേരത്തെ കാണിച്ച ജ്ജ് നൊളോച്ച്ണ ഫോട്ടൊ തന്നെ മത്യല്ലൊ.
പറ്റ് എങ്കി ങ്ങളെല്ലാരും ഓരോ എസ്. എം. എസ് അയക്കി.ഒരു മന്സന്‍ രക്ഷപ്പെട്ണ കാര്യാണ്.ഇനി അടുത്ത എപ്പിസോഡ്ല്.അയിപ്രായം വല്ലതൂം ണ്ടെങ്കി അത് മനസ്സില് വെച്ച് ആളണ്ടി.

പൊന്നാനീല് ബീവി

2009-03-23T14:38:00.002+05:30

"അന്റെ ഇക്കായ്ക്കാണ് പറയ്ണത്. ഇജ്ജാ ഡോക്ട്രെ ചെന്ന് കാണ്. രണ്ടത്താണീല് ഒരു ഡോക്ട്ര്ണ്ട്. ഉസൈന്‍ ഡോക്ട്ര്. മൂപ്പര് ഇതിന്റെ സ്പെശലിസ്റ്റാണ്." "ഡോക്ട്രും വേണ്ട നേയ്സും വേണ്ട. അള്ള കൊടുക്കണംന്ന്ച്ചാല് എപ്പ വേണങ്ക്ല് കുട്ട്യള്ണ്ടാവും. ഞമ്മളെ കൊയപ്പം കൊണ്ടല്ല. പൊന്നാനീല് ബീവി മച്ച്യായ്ട്ടല്ലേ." " ഓള് മച്ച്യല്ലെന്നാണ് ഉസ്താദ്മാരൊക്കെ പറയ്ണത്. ഏപ്യുസ്താദും മദന്യുസ്താദും ഒക്കെ ആ ഡോക്ട്രെപ്പറ്റി നല്ല അയിപ്രായം പറഞ്ഞു. പിന്നെ, ഞമ്മളെ സേട്ട് സായ്വിന്റെ ആള്‍ക്കാര്‍ക്കും മൂപ്പരെ പെര്ത്ത് ഇഷ്റ്റാ. ഒന്നും കാങ്ങാണ്ടെ അന്റെ വല്യാക്ക ഇത് പറയൂലാന്ന് അനക്കറിഞ്ഞൂടെ." "ഡോക്ട്ര് വന്ന് വല്ലതും ചെയ്ത് കുട്ടിണ്ടായാല്‍ കുട്ടി ഞമ്മളതല്ലെന്നല്ലേ ആള്‍ക്കാര് പറയ്ആ". " ആള്‍ക്കാര് പലതും പറയും. ഓള്പ്പം പെറുംന്ന് എത്രകാലായി ഇജ്ജും ആള്‍ക്കാരും പറയുന്നു. എന്നിട്ട് പെറ്റോ?" "ഇത്തവണ ഓള് പെറും". "കഴിഞ്ഞ തവണേം ഇജ്ജ് അതല്ലേ പറണത്?". "മഞ്ചേരീല് ഹംസാക്കാന്റെ ബീവി പെറ്റത് ഡോക്ട്രെ കാട്ടീട്ടാണോ? മഞ്ചേരീലെ ബീവി പെറുംന്ന് ഞമ്മളാരെങ്കിലും ബിജാരിച്ചോ? ഒരു മുസ്ളീം പവറും വേണ്ട. ഡയാഗ്രയും വേണ്ട. അള്ളന്റെ ബേണ്ട്യ- അതു മാത്രം മതി." "ഇപ്പം അള്ളാക്കായി കുറ്റം. എട ബലാലേ. ഞമ്മളെ കാര്യം തന്നെ നോക്ക്. ആ കുറ്റിപ്പുറത്തെ ബീവി പെറ്റത് ഇജ്ജും കണ്ടതാണല്ലോ. ഞമ്മള് പടിച്ച പണീം അടവും ഒക്കെ നോക്കി, ഒടൂന് ആ ജലീല്‍ ഡോക്ട്രെ കാട്ടി. ഇക്കാലത്ത് അതൊന്നും ഒരു കൊയപ്പല്ല." "ന്നാലും" "ഒര് ന്നാലും ഇല്ല. എടാ കള്ള സുവറേ. ആ ഉസൈന്‍ ഡോക്ട്രെ കാണാന്‍ ഇജ്ജെന്നല്ലേ ആദ്യം പോയത്" " ആ ഡോക്ട്ര് അത്ര ശര്യല്ലക്കാ. മൂപ്പര് ചികിത്സിച്ചിറ്റ് ഇന്റെ പെണ്ണ്ങ്ങള് പെറണ്ട." "അത് ഇജ്ജ് മാത്രം തീരുമാനിച്ചാല്‍ പോരല്ലോ. ഓക്കൂണ്ടാവ്ല്ലേ ഒരു പൂതി. ഒന്നു പെറാന്‍. അനക്ക് കൂട്ട്യാ കൂടൂലെങ്കി ഇജ്ജ് ഓളെ ഒയ്വാക്കിക്കൊട്ക്ക്. ബേറെ നല്ല ആങ്കുട്ട്യേളെ കിട്ടും ഓള്‍ക്ക്. ഇജ്ജ് ഒയ്വാക്ക്യാല്‍ ആ ഡോക്ട്ര് തന്നെ കെട്ടിക്കോളാന്ന് പറഞ്ഞിറ്റുംണ്ട്. അപ്പോ പിന്നെ ചികിത്സ ഒന്നും വേണ്ടിവരില്ല." "അപ്പം ഇങ്ങളും ആ ഡോക്ട്രും കൂടിള്ള ഒത്തുകള്യാണ് അല്ലേ. ഇങ്ങളോട് പടച്ചോന്‍ പെറുക്കൂല്ല." "എടാ ഹംക്കെ. മലയാളം പറഞ്ഞാല്‍ അനക്ക് തിരിയൂലേ. ഇജ്ജ് ഓളെ തലാക്ക് ചൊല്ലീല്ലെങ്കി ഓളെന്നെ ഫസ്ഖ് ചൊല്ലും. ഒന്നുകി ഇജ്ജാ ഡോക്ട്രെ വര്ത്ത്. അല്ലെങ്കി ഓളെ ഒയ്വാക്ക്" "ഒയ്വാക്ക്യാല്‍ ഞമ്മളെ പെണ്ണ്ങ്ങളെ എണ്ണം കൊറയൂലേ. അത് പറ്റൂല്ല. പെണ്ണ്ങ്ങള് നാലെണ്ണം തന്നെ വേണം. മച്ച്യാണെങ്കിലും ഓള് മൊഞ്ചത്ത്യാ" "മൊഞ്ച്ള്ള പെണ്ണുങ്ങള് പെറാതെ നിക്ക്ണത് കൊയ്പ്പാണെടാ. അനക്ക്പ്പം എന്താ വേണ്ടത്. നാല് പെണ്ണു വേണം അത്രല്ലേള്ളു. പൊന്നാനീലെ ബീവ്യന്നെ വേണംന്നൊന്നൂല്ലല്ലോ. ഇജ്ജ് വയനാട്ന്ന് കേട്ട്ക്ക്ണോ? പനിക്കുമ്പം കട്ടില്. പൊതപ്പിന് കമ്പിളി. കുളിര്മ്പം കുടിക്കാന്‍ നെയ്യില് വറുത്ത കാപ്പി. അവടൊരു പെണ്ണ്ണ്ട്. കോയിക്കാട്ടെ ഒരു കൂട്ടര് നിക്കാഹ് ഒറപ്പിച്ചതേയ്നി. പക്കേങ്കില് ചെക്കന്റെ ആള്‍ക്കാര് എടങ്ങേറാക്കി. ഓള്‍ക്ക് മൊഞ്ച്ല്ല്യാന്ന്. കാട്ടിലെ കറുമ്പി ആദിവാസിയാണെന്ന്. ഓന് ഞമ്മളെ കോയിക്കോട്ടെ ബീവീനെ വേണംന്ന്. ഓന് ഞമ്മള് വെച്ച്ട്ടിണ്ട്." "ഞമ്മള് വയനാട്ടില്‍പോയാല്‍ ഓന്റെ ആള്‍ക്കാര് വന്ന് പിത്തന ഉണ്ടാക്കൂലേ." "അത് അവുട്ത്തെ കാര്യം. ഇജ്ജ്പ്പം ഇവുട്ന്ന് ഒയിവാക്കീല്ലെങ്കി പിത്തന ഇണ്ടാക്ക്ണത് ഞമ്മളേയ്ക്കാരം. ഇജ്ജ് സമ്മതിച്ചാലും ഇല്ലെങ്കിലും ആ ഡോക്ട്ര് ചികിത്സിക്കാന്‍ തയ്യാറാണ്. ചികിത്സേമ്മ്ല് മൂപ്പര്ക്കും ഹരം കേറീക്ക്ണ്. ഒരു കാര്യം കൂടി കേട്ടൊ. അന്റെ ബീവിക്കും മൂപ്പരെ ഇസ്റ്റാണ്. ഇജ്ജ് നോയ്ക്കോ. ഇക്കാലം മുയ്മന്‍ അന്റെ കൂടെ കയിഞ്ഞിട്ടും പെറാത്ത പെണ്ണിനെ ആ ഡോക്ട്ര് പത്ത് മാസം വേണ്ട, അയിന്റീം മുപ്പട്ട് പെറീക്കും." "അതെങ്ങനെ ഇക്കാക്ക" "ഇജ്ജ് ഇന്നെക്കൊണ്ടൊന്നും പറീക്കണ്ടെ ഹംക്കേ. ഓളൊന്നു പെറണംന്ന് വിജാരിക്കാത്ത ആര്ണ്ട് ഇന്നാട്ടില്. ഞമ്മക്കൂംണ്ടെടാ ആ പൂതി. ആ ഡോക്ട്രെ ചടങ്ങ് നിക്കല് കയിഞ്ഞാല്‍ ഓള് പിന്നെ ഞമ്മളെ കെട്ട്യോളാണ്‍ഡാ. ഓള് മച്ച്യല്ലാന്ന് ഞമ്മള് തെളിയിക്കും. അതിന് ഡോക്ട്രെങ്കി ഡോക്ട്ര്. മോല്യാരെങ്കി മോല്യാര്. ഓള് പെറ്റാല്‍ പൊന്നാനീല് നേര്‍ച്ച നടത്തും ഞമ്മള്." "ഈ ഇക്കാന്റ്യൊരു ബുദ്ദി. വയനാട്ടിലെ ബീവി പെറ്റില്ലെങ്കില്‍ ഡോക്ട്രേം കൊണ്ട് അവിടേം വര്വോ ഇക്ക. ഓളേം ഞമ്മള് മൊയി ചൊല്ലണ്ട്യരോ."

വാലറ്റം: പൊന്നാനി വിട്ടുകൊടുത്തപോലെ ഇനി വയനാട് വിട്ടുകൊടുക്കില്ല്യ. സി.പി. ഐ കമന്റ്: നല്ല കുറേ പര്‍ദ്ദ കൂടി വാങ്ങാന്‍ നോക്ക്.

സെസ് വേണോ വിപ്ളവം വേണോ

2008-09-30T09:25:00.003+05:30

എല്ലാ കാര്യത്തിലും വിപ്ളവം വേണം എന്ന് ശഠിക്കരുത്. അതെല്ലാം അവനവന്റെ സൌകര്യം പോലെയാണ്. പിന്നെ, സാഹചര്യങ്ങളനുസരിച്ചും. വിപ്ളവത്തിന് വേണ്ടിയാവരുത് വിപ്ളവം. അത് ലോകം നന്നാക്കാനുള്ള ഒറ്റമൂലിയാണ്. വിപ്ളവം ഇല്ലാതെ തന്നെ ലോകം നന്നാവുകയാണെങ്കിലോ? എങ്കില്‍ അതല്ലേ നല്ലത്. വിപ്ളവം അല്പം കുറഞ്ഞാലും കുഴപ്പമില്ലെന്ന് പിണറായി വിജയനെപ്പോലെ പരിണിത പ്രത്യയശാസ്ത്രജ്ഞനായ ഒരു വിപ്ളവകാരി വെറുതെ പറയുമോ? അപ്പോള്‍ വിപ്ളവത്തേക്കാള്‍ വില കൂടിയ ചില ചരക്കുകള്‍ നമ്മുടെ നാട്ടിലുണ്ട്. അതിലൊന്നാണ് സെസ്. സെസ് വേണോ വിപ്ളവം വേണോ എന്ന് ചോദിച്ചാല്‍ സെസ് മതി എന്നാണ് പറയേണ്ടത്. സെസ് വരുന്നത് എന്തിനാണ്? ലോകാസമസ്താ സുഖിനോ ഭവന്തു: അതെ, അതിനുതന്നെ. സമസ്ത ലോകത്തിനും സുഖം നല്‍കാന്‍. പ്രജാക്ഷേമതല്പരനായ മാവേലിയാണ് സെസ്. 21 മാവേലിമാരാണ് കേരളത്തിലേക്ക് കാലെടുത്തുകുത്താന്‍ വരിവരിയായി ക്യൂ നില്‍ക്കുന്നത്. പത്തെണ്ണമെങ്കിലും നടപ്പാക്കണം. 60,000 കോടി രൂപയാണ് ഒഴുകിയെത്തുന്നത്. പിന്നെ നാസിക്കിലെ സെക്യൂരിറ്റി പ്രസ്സോ കൊണ്ടോട്ടിയിലെ കുഴല്‍പ്പണമോ ഒന്നും വേണ്ട. സെസ് നോക്കിക്കോളും ബാക്കി കാര്യം. ഈ മാസം മുപ്പതിനുള്ളില്‍ സെസ്സിന്റെ അപേക്ഷകള്‍ ഡല്‍ഹിയിലെത്തിച്ചാല്‍ ആണവകരാറിന്റെ കൂട്ടത്തില്‍ അതുംകൂടി ഒപ്പിട്ട് നല്‍കാമെന്ന് മന്‍മോഹന്‍ ബുഷ് സമ്മതിച്ചിട്ടുണ്ട്. ഇതൊന്നും അറിയാത്തവരല്ല സി.പി. ഐക്കാര്‍. അവരും വിപ്ളവം ഉണ്ടാക്കാനായി സംഭവാമിയായവരാണല്ലൊ. സെസ്സെന്ന് കേള്‍ക്കാന്‍ തുടങ്ങിയ ദിവസംതൊട്ട് ചര്‍ച്ച തുടങ്ങിയതാണ്. എക്സിക്യുട്ടീവില്‍. സംസ്ഥാന കമ്മിറ്റിയില്‍. എ.കെ.ജി സെന്ററില്‍ ഒറ്റക്കും കൂട്ടായും. സി.പി. എമ്മിന്റെ പി.ബി പോലും ഒന്നര മിനിറ്റുകൊണ്ട് സെസ്സിന്റെ കാര്യം പാസാക്കിയതാണ്. എന്നിട്ടും കേരളത്തിലെ സി.പി. ഐക്ക് നേരം പുലരുന്നില്ല. വിപ്ളവം മതി, സെസ് വേണ്ട എന്ന് അവരങ്ങ് തീരുമാനിക്കുന്നു. എന്നാല്‍ അത് എല്‍.ഡി. എഫ് മീറ്റിംഗില്‍ പറഞ്ഞുകൂടേ? അവിടെയിരിക്കുമ്പോള്‍ പച്ചക്കൊടി. മന്ത്രിസഭയില്‍ ചെന്നാല്‍ ചെങ്കൊടി. ഇതെന്തു നയം? ഇതെന്ത് ന്യായം? ഏത് തോമസ് ഐസക്കും ചോദിച്ചുപോവും "നിങ്ങടെ പാര്‍ട്ടിക്ക് ഒരു നയമുണ്ടോ"? ഇത് കേട്ടാല്‍ ഏത് ദിവാകരനും ചൂടായിപ്പോവുകയും ചെയ്യും. "പോളണ്ടിനെപ്പറ്റി മാത്രം ഒരക്ഷരം ഇനി പറഞ്ഞുപോവരുത്" എന്ന് ചൂടാവുന്ന ശ്രീനിവാസന്റെ റോള്‍ എടുത്തുപോവും. കുറ്റം പറഞ്ഞിട്ട് കാര്യമില്ല. നമുക്കൊക്കെ അറിയാം. സി.പി. ഐക്ക് ശക്തവും വ്യക്തവുമായ നയമുണ്ട്. യഥാര്‍ത്ഥ കമ്മ്യൂണിസ്റ്റ് പാര്‍ട്ടി സി.പി. എം അല്ലെന്നും സി.പി. ഐ മാത്രമേ അസ്സല്‍ വിപ്ളവം ലക്ഷ്യം വയ്ക്കുന്നുള്ളൂ എന്നും ജനങ്ങളെ ബോധ്യപ്പെടുത്തണം. അതാണ് സി.പി. ഐയുടെ നയം. ഈ നയം നടപ്പിലാവണമെങ്കില്‍ സി.പി. എമ്മിന്റേത് പ്രതിവിപ്ളവമോ വിപ്ളവ വായാടിത്തമോ ആണെന്ന് വരുത്തണം. അങ്ങനെ വരുത്തുന്ന നടപടിയെ പ്രതികാര വിപ്ളവം എന്നും പറയാം. അതെന്തായാലും വിപ്ളവത്തിന്റെ പക്ഷത്താണ് സി.പി. ഐ. സെസ്സിന്റെ പേരില്‍ വിപ്ളവത്തെ ബലി കൊടുക്കാനോ വിപ്ളവത്തിന്റെ ഡോസ് കുറയ്ക്കാനോ പാര്‍ട്ടി തയ്യാറല്ല. സെസ്സിന് അപേക്ഷ നല്‍കി കാത്തിരിക്കുന്നത് സാന്റിയാഗോ മാര്‍ക്സ് ആയാലും ഫാരിസ് അബൂഗല്‍സ് ആയാലും സേവി മനോവ്സ്കിയായാലും എടുപിടീന്ന് ഒപ്പിട്ട് നല്‍കാന്‍ സി.പി. ഐ തയ്യാറല്ല. സെസ് വന്നാല്‍ വിപ്ളവത്തിന് സ്കോപ്പുണ്ടാവണം. തൊഴില്‍ നിയമങ്ങള്‍ ഒന്നുമില്ലാത്ത ഒരു പ്രദേശത്ത് വര്‍ഗസമരം അസാധ്യമായേക്കും. എന്നാലും ചില പഴുതുകളുണ്ട്. ഇവിടാണ് നമ്മള്‍ വലിയേട്ടനെ കണ്ട് പഠിക്കേണ്ടത്. ഒന്നും നോക്കാതെ സെസ്സങ്ങ് അനുവദിക്കുക. അംബാനിയോ ഫാരിസോ ഭൂസ്വാമിയോ ആര് വേണമെങ്കിലും സെസ്സില്‍ പണി തുടങ്ങട്ടെ. ചുവന്ന കൊടിക്കാണോ ക്ഷാമം. സിംഗൂര്‍ ഉണ്ടല്ലോ മോഡലായിട്ട്. മുതലാളിത്തത്തിലൂടെ സോഷ്യലിസം നടപ്പാക്കാമെന്ന് കണ്ടുപിടിച്ച ജ്യോതിബസുവിന്റെ ബംഗാളിലെ സെസ്സില്‍ നിന്ന് കുറ്റി പറിച്ച് ഓടാനിരിക്കുകയാണ് സാക്ഷാല്‍ ടാറ്റ. വിപ്ളവം നടപ്പാക്കുന്നത് മമതാ ബാനര്‍ജിയാണെന്ന് മാത്രം. ആരായാലെന്ത്? വിപ്ളവം നടന്നാല്‍ പോരേ?

വാലറ്റം: സെസ് അനുവദിക്കാന്‍ കേരളത്തില്‍ പ്രത്യേക നിയമനിര്‍മ്മാണം നടത്തണം. വെളിയം ഭാര്‍ഗവന്‍

കമന്റ്: ഇല്ലെങ്കില്‍ 10 സെസ്സില്‍ മൂന്നെണ്ണമെങ്കിലും സി.പി. ഐക്ക് അനുവദിക്കണം.

ഓവിന്റകത്തെ മില്ലത്ത്

2008-09-22T11:56:00.003+05:30

അങ്ങനെ അഹമ്മദ് സായ്വ് ലീഗിന്റെ അഖിലേന്ത്യാ മില്ലത്തായി. ആര്‍. എസ്. പിയുടെ ചന്ദ്രചൂഢനും സി.പി. എമ്മിന്റെ പ്രകാശ്കാരാട്ടും കഴിഞ്ഞാല്‍ അഖിലേന്ത്യാ തലത്തില്‍ കേരളത്തില്‍ നിന്ന് ഒരാള്‍കൂടി.പക്ഷേ, ലീഗിന്റെ കാര്യത്തില്‍ ചില വ്യത്യാസമൊക്കെയുണ്ട്. അഖിലേന്ത്യനായാലും അന്താരാഷ്ട്രനായാലും കാര്യങ്ങള്‍ തീരുമാനിക്കുന്നത് സംസ്ഥാനതലത്തില്‍പ്പോലുമല്ല. മലപ്പുറം ജില്ലാ തലത്തിലാണ്.അതുകൊണ്ടാണ്് അഖിലേന്ത്യാ പ്രസിഡന്റായ അഹമ്മദ് സായ്വാണോ സംസ്ഥാന പ്രസിഡന്റായ ശിഹാബ് തങ്ങളാണോ ഇമ്മിണി ബല്യ ഒന്ന് എന്ന ചോദ്യമുയരുന്നത്.നമുക്കൊക്കെ അറിയാം.ബല്യ ഒന്ന് ശിഹാബ് തങ്ങളാണ്.അഹമ്മദ് സായ്വിനും അതറിയാം. ദേശീയ പ്രസിഡന്റിന്റെ തൊപ്പിയണിയുമ്പോഴും പാണക്കാട് തങ്ങളാണ് തന്റെ നേതാവെന്ന് സായ്വ് തുറന്നു പറയുന്നത് അതുകൊണ്ടാണ്.എന്നാല്‍ അതുകൊണ്ടും വലിയ പ്രയോജനമൊന്നുമില്ല. തങ്ങളാണ് നേതാവെന്ന് പറഞ്ഞുനടന്ന കാലത്തുതന്നെയാണ് 1991ല്‍ നാടുകടത്തപ്പെട്ടത്. സംസ്ഥാന മന്ത്രിസഭയിലെ രണ്ടാമനും ഉപമുഖ്യമന്ത്രിയുമൊക്കെയായി മുസ്ളീംലീഗിന്റെ സോള്‍ പ്രൊപ്രൈറ്റര്‍ ആവാനിരുന്ന സമയത്താണ് സംസ്ഥാന ലീഗില്‍ വേറൊരു കുട്ടി ലീഡര്‍ ഉണ്ടായതും സായ്വിനെ കോണിയുടെ ചില പടവുകള്‍ കൂടി കയറ്റി ഡല്‍ഹിക്ക് അയച്ചതും.ജീവനാംശബില്ലും മറ്റുമായി ഇന്ത്യ കണ്ട മികച്ച പാര്‍ലമെന്ററി പെര്‍ഫോമന്‍സ് നടത്തിയ ബനാത്ത്വാലയ്ക്ക് ടിക്കറ്റ് നിഷേധിച്ചാണ് ഈ കൊടുംകൃത്യം ചെയ്തത്. അന്ന് ലീഗിന്റെ അഖിലേന്ത്യാ ജനറല്‍ സെക്രട്ടറിയായിരുന്നു ബനാത്ത്വാല.അടുത്ത പാര്‍ലമെന്റ് തിരഞ്ഞെടുപ്പായപ്പോഴേക്കും ലീഗിന്റെ അഖിലേന്ത്യാ പ്രസിഡന്റിനും ടിക്കറ്റില്ലാതായി. മെഹബൂബെ മില്ലത്ത് എന്ന് സ്നേഹപ്പേരിട്ട് കുട്ടിസായ്പന്മാര്‍ വിളിച്ചുപോന്നിരുന്ന ഇബ്രാഹിം സുലൈമാന്‍ സേട്ട് വേറെന്തോ മില്ലത്തായി.ലീഗിന്റെ കോണി അങ്ങനെയാണ്.ഓരോ പടിയും ചവിട്ടിക്കയറി മുകളിലോട്ട് പോവുന്തോറും താഴത്തെ പടികള്‍ ഇളക്കിക്കളഞ്ഞിട്ടുണ്ടാവും. പിന്നെ, തിരിച്ചിറങ്ങാന്‍ പറ്റില്ല. ഒറ്റ വീഴ്ചയാണ്. പാമ്പിന്റെ വായിലകപ്പെട്ട് ഐ. എന്‍. എല്‍. ഉണ്ടാക്കുകയോ വരാത്ത വാലയാകുകയോ ആവാം. മൂത്ത ലീഗില്‍ മാത്രമല്ല യൂത്ത്ലീഗിലും ഇതുതന്നെയാണ് ഗതി. യൂത്ത്ലീഗിന്റെ സംസ്ഥാന ജനറല്‍ സെക്രട്ടറിയായിരിക്കെയാണ് കെ.ടി.ജലീലിനെ അഖിലേന്ത്യാ കണ്‍വീനറാക്കി നാടുകടത്തിയത്. തനിക്ക് സംസ്ഥാന പ്രസിഡന്റ് ആയാല്‍ മതിയെന്ന് ജലീല്‍ ആവുന്നതും പറഞ്ഞുനോക്കി.പിന്നെ നമ്മള്‍ കാണുന്നത് ആ ജലീല്‍ കുറ്റിപ്പുറത്ത് കുഞ്ഞാലിക്കുട്ടിക്കെതിരെ കുറ്റിച്ചൂലാവുന്നതും കുഞ്ഞാപ്പയുടെ വ്യവസായം ലോക്ക് ഔട്ട് ചെയ്യുന്നതുമാണ്.മൂത്ത ലീഗില്‍ ഇനി എന്താണ് സംഭവിക്കുകയെന്നേ നോക്കാനുള്ളൂ. കയറാനുള്ള പടിയൊക്കെ സായ്വ് കയറിക്കഴിഞ്ഞു. എം. എസ്. എഫിന്റെ സ്ഥാപക പ്രസിഡന്റായിട്ടാണ് തുടക്കം. ലീഗിന്റെ കണ്ണൂര്‍ ജില്ലാ പ്രസിഡന്റ്, സംസ്ഥാന ജോയിന്റ് സെക്രട്ടറി, വൈസ് പ്രസിഡന്റ്, ട്രഷറര്‍..... അങ്ങനെ കുഞ്ഞാലിക്കുട്ടിയിരുന്ന സംസ്ഥാന ജനറല്‍ സെക്രട്ടറി പദവി വരെയെത്തി. തങ്ങളെക്കൊണ്ട് നിര്‍ണ്ണായക തീരുമാനങ്ങള്‍ എടുപ്പിക്കുന്ന പദവിയാണത്.അഖിലേന്ത്യാ തലത്തിലാണെങ്കില്‍ ജോയിന്റ് സെക്രട്ടറിയില്‍ തുടങ്ങി ജനറല്‍ സെക്രട്ടറി വഴി ഇപ്പോള്‍ പ്രസിഡന്റ് പദവിയില്‍.ഇനിയാണ് യഥാര്‍ത്ഥ പദവി വരാനിരിക്കുന്നത്. പ്രസിഡന്റായിക്കഴിഞ്ഞാല്‍ ഒരു സ്നേഹപ്പേര് വേണം. ഇസ്മായില്‍ സാഹിബ് ഖായിദെ മില്ലത്ത് ആയിരുന്നു. സേട്ടുസാഹിബ് മെഹബൂബെ മില്ലത്തായിരുന്നു. സേട്ടുവിന്ശേഷം പ്രസിഡന്റായ ബനാത്ത്വാലയാകട്ടെ ശഹീറെ മില്ലത്തായിരുന്നു.സമുദായത്തിന്റെ തോഴനെന്നും സമുദായത്തിന്റെ അളിയനെന്നും മറ്റും അര്‍ത്ഥം വരുന്ന പലതരം പദവികളാണിത്. സമുദായത്തിന്റെ ലിക്വിഡേറ്റര്‍ എന്ന അര്‍ത്ഥം വരുന്ന ഒരു മില്ലത്തുണ്ട്. അത് വേറെ ചിലര്‍ക്ക് വേണ്ടി നേരത്തെത്തന്നെ സംവരണം ചെയ്ത് കഴിഞ്ഞതാണ്. ഓവിന്റകത്ത് അബ്ദുള്‍ ഖാദര്‍ ഹാജിയുടെയും എടപ്പകത്ത് നഫീസ ബീവിയുടെയും മകനായി പിറന്ന അഹമ്മദിന് തറവാട്ടുപേരില്‍ തന്നെ മില്ലത്ത് പദവിക്ക് സ്കോപ്പുണ്ട്. ഓവിന്റകത്തെ മില്ലത്ത്. എടപ്പകത്തെ മില്ലത്ത്. വല്ല മുസീബത്തെ മില്ലത്തുമാക്കി കോണിയുടെ മുകളില്‍ നിന്ന് താഴോട്ട് തട്ടും മുമ്പ് നല്ല വല്ല മില്ലത്തും തരപ്പെടുത്തുന്നത് നന്ന്.ഒരാള്‍ക്ക് ഒരു പദവി എന്നൊക്കെ പറയുന്നവരുണ്ട്. മില്ലത്ത് പദവിയും കേന്ദ്രമന്ത്രി പദവിയുംകൂടി ഒരാള്‍ വഹിക്കുന്നത് ശരിയല്ല. ഇസ്മായില്‍ സാഹിബോ സേട്ടുസാഹിബോ ബനാത്ത്വാല സാഹിബോ ഇങ്ങനെ ചെയ്തിട്ടില്ല. ആണവകരാര്‍ ഇസ്ളാമിനെ മാത്രമായി ബാധിക്കുന്ന പ്രശ്നമല്ലാഞ്ഞിട്ടുകൂടി അഹമ്മദ് മന്ത്രിസ്ഥാനം രാജിവെക്കണമെന്ന് ആവശ്യപ്പെട്ടവരുള്ള നാടാണിത്. പക്ഷേ, അമേരിക്കക്ക് ചികിത്സയ്ക്ക് പോവാന്‍ ഒരു കേന്ദ്രമന്ത്രി (അതും വിദേശകാര്യ സഹമന്ത്രി) കയ്യിലുണ്ടാവുന്നത് നല്ലതായതിനാല്‍ തല്‍ക്കാലം രക്ഷപ്പെട്ടെന്നുമാത്രം. രാവുള്ളപ്പോഴേ നിലാവ് കാണാന്‍ പറ്റൂ എന്ന് ഏതോ ഒരു കിത്താബില്‍ പറഞ്ഞിട്ടുണ്ട്.

വാലറ്റം: ലീഗ് അഖിലേന്ത്യാ പ്രസിഡന്റ് ഇ. അഹമ്മദിന്റെ നേതാവ് സംസ്ഥാന പ്രസിഡന്റ് ശിഹാബ് തങ്ങള്‍ -വാര്‍ത്ത

കമന്റ്: ലീഗ് അഖിലേന്ത്യാ ജനറല്‍ സെക്രട്ടറി ഖാദര്‍ മൊഹ്യുദ്ദീന്റെ നേതാവ് ഡി. എം.കെ. പ്രസിഡന്റ് മുത്തുവേല്‍ കരുണാനിധിയും.

മൌലികാവകാശം

2008-09-04T18:02:00.002+05:30

ബുദ്ധനെന്ന് പേരിട്ടതുകൊണ്ടായില്ല.
ബുദ്ധി വേണം.
അല്ലെങ്കില്‍പ്പിന്നെ, കാറല്‍മാര്‍ക്സ് മൂലധനം രചിച്ച ദിവസംതൊട്ട് വര്‍ഗ ബഹുജന സംഘടനകളിലെ സഖാക്കളെല്ലാം എല്ലാ ദിവസവും ഉരുവിട്ട് മനഃപാഠമാക്കിയ ഒരു ഡയലോഗ് ബുദ്ധദേവന്‍ മാത്രം മറന്നുപോകുന്നതെങ്ങനെ?
'സമരം ചെയ്യാനുള്ള അവകാശം തൊഴിലാളി വര്‍ഗത്തിന്റെ മൌലികാവകാശമാണ്'.
ഈ ഡയലോഗ് പ്രത്യേക പത്രക്കുറിപ്പായി സി.പി.എം പോളിറ്റ് ബ്യൂറോയ്ക്ക് പുറത്തിറക്കേണ്ടിവന്നിരിക്കുന്നു. ബുദ്ധദേവന്റെ ബുദ്ധിമോശം കൊണ്ടു മാത്രം.
മൂപ്പിലാന്‍ പറഞ്ഞത് മറ്റൊന്നാണ്.
"പാര്‍ട്ടി ആഹ്വാനം ചെയ്താല്‍ പോലും ഹര്‍ത്താലുകളെയും ബന്ദുകളെയും ഞാന്‍ എതിര്‍ക്കും."
ഈ പറയുന്ന പാര്‍ട്ടിയുടെ പരമാചാര്യന്മാരിലൊരാളാണ് ടിയാന്‍. പി.ബി മെമ്പര്‍. നമ്മുടെ വി. എസിനെയും പിണറായിയെയും പോലെ. നമുക്ക് സങ്കല്‍പ്പിക്കാന്‍ പറ്റുമോ, വി.എസും പിണറായിയും മറ്റും ഇതുപോലെ ബുദ്ധിമോശം പറയുമെന്ന്.
പാര്‍ട്ടിയെ സംബന്ധിച്ച് പ്രാണവായുവാണ് സമരം. പാര്‍ട്ടി അവതരിച്ചതുതന്നെ സമര സംസ്ഥാപനാര്‍ത്ഥമാണ്. സംഭവാമിയൊക്കെ വഴിയെ വന്നോളും. സോഷ്യലിസം പോലെ.
ഇതൊക്കെ നന്നായറിയുന്ന ബുദ്ധദേവന്‍ കൊല്‍ക്കത്തയിലെ വാണിജ്യ സംഘടനയായ 'അസോച്ച'ത്തിന്റെ വേദിയില്‍ കയറിച്ചെന്ന് എന്തൊക്കെയാണ് വിളിച്ചുപറഞ്ഞത്?
"ഞാനൊരു രാഷ്ട്രീയ പാര്‍ട്ടി അംഗമാണ്. ഇതുവരെ നിശ്ശബ്ദത പാലിച്ചു. പക്ഷേ, ഇനി ബന്ദിനെതിരെ സംസാരിക്കും. ഘേരാവോ രൂപത്തിലുള്ള സമരമാര്‍ഗം പശ്ചിമ ബംഗാളില്‍ അനുവദിക്കില്ല."
ഹിറ്റ്ലറോ മുസോളിനിയോ സഞ്ജയ് ഗാന്ധിയോ സര്‍ സി.പിയോ ഒക്കെ ആവേശിച്ചാലെന്നപോലെ.
ഇതുപോലുള്ള പ്രതിവിപ്ളവ വായാടിത്തം (പിണറായി വിജയനോട് കടപ്പാട്) ഇതിനുമുമ്പ് ഒരു പീബി മെമ്പറും നടത്തിയിട്ടില്ല.
കേരളീയരായ നമ്മള്‍ ഭാഗ്യവാന്മാര്‍.
ഏതോ ഒരു ടാറ്റ വന്ന് സിംഗൂരില്‍ നിന്ന് ടാറ്റ പറയും എന്നു ഭീഷണിപ്പെടുത്തിയപ്പോഴേക്കും സമരവും ബന്ദും നിര്‍ത്തി ബൂര്‍ഷ്വാസിക്ക് പാദസേവ ചെയ്യുന്ന അഞ്ചാംപത്തിയും അവസരവാദിയും സാമ്രാജ്യത്വത്തിന്റെ പിണിയാളുമാവാന്‍ നമ്മുടെ മന്ത്രിമാരെ കിട്ടില്ല.
ടാറ്റയോ അംബാനിയോ കേരളത്തിലേക്ക് വരില്ലെന്നല്ലേയുള്ളു. ആ കുഴപ്പം നമ്മളങ്ങ് സഹിച്ചു. ഹര്‍ത്താല്‍ നടത്താനാവാതെ ശ്വാസംമുട്ടി മരിക്കുന്നതിലും നല്ലതാണോ അംബാനിയുടെ ചെരിപ്പ് നക്കി ജീവിക്കുന്നത്?
നാലു മാസം മുമ്പ് ആഭ്യന്തര വകുപ്പില്‍ നിന്ന് ലഭ്യമായ കണക്കുകള്‍ വെളിപ്പെടുത്തിക്കൊണ്ട് ആഭ്യന്തര മന്ത്രി കോടിയേരി ബാലകൃഷ്ണന്‍ അഭിമാനപൂര്‍വ്വം പറഞ്ഞു: "ഈ സര്‍ക്കാര്‍ അധികാരത്തില്‍ വന്നശേഷം 74 ഹര്‍ത്താലുകള്‍ നടത്തിക്കഴിഞ്ഞു."
ഇപ്പോള്‍ അത് സെഞ്ച്വറി കഴിഞ്ഞിരിക്കാനാണ് സാദ്ധ്യത. മറ്റേതെങ്കിലും നാട്ടിലെ മന്ത്രിക്ക് ഇങ്ങനെ നെഞ്ചുവിരിച്ച് പറയാന്‍ പറ്റുമോ?
അതുകൊണ്ട്
കേരളമെന്ന് കേട്ടാലോ? അഭിമാന
പൂരിതമാകണമന്തരംഗം
ഹര്‍ത്താലെന്ന് കേട്ടാലോ തിളക്കണം
ചോര നമുക്ക് ഞരമ്പുകളില്‍.
ഹര്‍ത്താലിനെ വിമര്‍ശിക്കുന്ന ചില ക്ഷുദ്രജീവികള്‍ നമ്മുടെ നാട്ടിലുമുണ്ട്. ബുദ്ധദേവനെപ്പോലെ. അവര്‍ പറയുന്നതുകേട്ടാല്‍ തോന്നും വ്യവസായം വരാത്തതിന് കാരണം ഹര്‍ത്താലാണെന്ന്.
വാസ്തവത്തില്‍ ധര്‍ണയും ഘരാവോയും പിക്കറ്റിംഗും ഒക്കെ വ്യവസായത്തിന് നല്ലതാണ്. പണച്ചെലവില്ലാതെ സ്ഥാപനത്തിന്റെ പരസ്യം നടന്നുകിട്ടും. പ്ളാച്ചിമടയില്‍ കൊക്കകോള ഉണ്ടാക്കുന്ന കാര്യം നമ്മളെല്ലാം അറിഞ്ഞത് എങ്ങനെയാണ്? അവിടെ അഹോരാത്രം നടക്കുന്ന കല്‍പ്പാന്തകാല സമരം കാരണമല്ലേ?
അതുകൊണ്ട് സമരത്തിനെതിരെ സംസാരിച്ച് മൂരാച്ചിയാവരുത് നമ്മള്‍. സര്‍ഫിന്റെ പരസ്യംപോലെ കറ നല്ലതാണ്, സമരവും നല്ലതാണ്.
വാലറ്റം: ബന്ദ് തെറ്റാണെന്ന് ബുദ്ധദേവ് പറഞ്ഞിട്ടുണ്ടെങ്കില്‍ അതാണ് തെറ്റ്- മുഖ്യമന്ത്രി വി. എസ്. അച്യുതാനന്ദന്‍.
കമന്റ്: അതാണ് ശരി.

ഒളിയമ്പും ഒളിമ്പിക്സും

2008-08-25T16:25:00.002+05:30

ഈയിടെ ഒളിയമ്പിലാണ് എല്ലാവര്‍ക്കും ശ്രദ്ധ. ഈ ഒളിയമ്പുകളുമായി ഒളിമ്പിക്സിനെങ്ങാന്‍ പോയിരുന്നെങ്കില്‍ ആദ്യത്തെ പത്ത് സ്ഥാനമെങ്കിലും നമുക്കാവും തീര്‍ച്ച.
ചില സാമ്പിളുകള്‍ നോക്കുക:
'സെസിനെ എതിര്‍ക്കുന്നത് കയ്യടി നേടാന്‍: ഡി.വൈ. എഫ്. ഐ'
' വിപ്ളവ വായാടിത്തം മതിയാക്കൂ: പിണറായി'.
കേട്ടാല്‍ എന്താണ് വിചാരിക്കുക.
സെസിനെ എതിര്‍ക്കുന്നത് സോണിയാഗാന്ധിയോ ഉമ്മന്‍ചാണ്ടിയോ ആണെന്ന്. വിപ്ളവ വായാടിത്തം നടത്തുന്നത് ഗൌരിഅമ്മയോ എം.വി.രാഘവനോ ആണെന്ന്.
ഇവിടാണ് ഒടിവിദ്യയുടെ പ്രാക്ടീസ്.
ആളെ നമുക്ക് കാണാനാവില്ല. എന്നാല്‍ ആളിന്റെ സാന്നിധ്യം അനുഭവപ്പെടും.
അതായത്, സെസ് ( ഇനി മുതല്‍ ഈ കുറിപ്പില്‍ സെക്സ്) ഏതിര്‍ക്കപ്പെട്ടുകൊണ്ടിരിക്കും. വിപ്ളവവായാടിത്തം തുടര്‍ന്നുകൊണ്ടിരിക്കുകയും ചെയ്യും.
ആരാണ് ഇത് ചെയ്യുന്നതെന്ന് ഡിഫിയുടെ പ്രസിഡണ്ടായ എം.ബി രാജേഷ് പറയില്ല. സെക്രട്ടറിയായ ടി.വി.രാജേഷും പറയില്ല. പാര്‍ട്ടി സെക്രട്ടറിയായ രാജേഷല്ലാത്ത പിണറായി വിജയനും പറയില്ല.
അതുകൊണ്ട് നമുക്കൊരു കാര്യം ചെയ്യാം. ആരാണ് സെക്സിനെ എതിര്‍ത്ത് കയ്യടി നേടുന്നത് എന്ന് സ്വന്തം നിലയില്‍ അന്വേഷിക്കാം.
സെക്സ് എന്നാല്‍ പ്രത്യേക സാമ്പത്തിക മേഖല. മലയാളത്തില്‍ പറഞ്ഞാല്‍ സ്പെഷല്‍ ഇക്കണോമിക് സോണ്‍. ഒരു പ്രദേശത്തെ ഈ ഗണത്തില്‍ ഉള്‍പ്പെടുത്തിയാല്‍പ്പിന്നെ ഭസ്മാസുരന് വരം കൊടുക്കുന്നപോലെയാണ്. അവന്‍ വച്ച നിലയാണ്.
അവനാകും രാജാവ്.
കൊല്ലിനും കൊലയ്ക്കും അധികാരം.
നികുതി നല്‍കേണ്ടതില്ല.
കൂലി കൊടുക്കാതെ ജോലി ചെയ്യിക്കാം.
ചോദിക്കാനും പറയാനും ആളില്ല.
ആ നാട്ടില്‍ തൊഴിലാളി ഇല്ല; അടിമയെ ഉള്ളൂ. ഇക്വിലാബ് എന്നുപോയിട്ട് ' ഇ' എന്നുപോലും ഉച്ചരിക്കാന്‍ അവകാശമുണ്ടാവില്ല.
ഇങ്ങനെ സാമ്രാജ്യങ്ങള്‍ സ്ഥാപിച്ചുകിട്ടാന്‍ 21 പേര്‍ സി.പി. എം സംസ്ഥാനകമ്മിറ്റി വഴി, സംസ്ഥാന സെക്രട്ടറിയേറ്റ് വഴി, സംസ്ഥാന സെക്രട്ടറി വഴി അപേക്ഷ നല്‍കിയിട്ടുണ്ട്. ഈ 21 പേരും പാര്‍ട്ടി സെക്രട്ടറിക്ക് വേണ്ടപ്പെട്ടവരാണ്.
ഫാരിസ് അബൂബക്കറിനെപ്പോലെ
ലാവ്ലിന്റെ അളിയനെപ്പോലെ.
സെക്സ് വന്നാല്‍ ഐ.ടി വരും.
ഐ.ടി. വന്നാല്‍ വികസനം വരും.
വികസനം വന്നാല്‍ വികസന വിരുദ്ധര്‍ക്ക് പനി വരും. ആ പനി മൂര്‍ച്ഛിച്ച് ആള്‍ വടിയാവും. ടിയാന്‍ കിടന്ന കട്ടില്‍ ഒഴിയും.
ഇങ്ങനെ ഒട്ടനവധി പരിപ്രേക്ഷ്യങ്ങള്‍ അടങ്ങിയതാണ് സെക്സ്.
എന്നാല്‍ മുഖ്യമന്ത്രിയുടെ ഓഫീസില്‍ കെട്ടിക്കിടപ്പാണ് 21 അപേക്ഷകളും. മുഖ്യമന്ത്രി 'ശൂ' എന്നുവരച്ച് കേന്ദ്രത്തിന് അയച്ചാലേ സെക്സ് നടന്നുകിട്ടൂ.
മൂപ്പിലാനാകട്ടെ പണ്ടേ സെക്സ് വിരുദ്ധനാണ്. വരട്ടു തത്വവാദിയാണ്. മറ്റെന്തൊക്കെയോ ആണ്.
പാര്‍ട്ടി സെക്രട്ടറി തെക്കോട്ട് നടക്കാന്‍ പറഞ്ഞാല്‍ വടക്കോട്ട് ഓടുന്നതാണ് ശീലം.
എ.ഡി.ബിയുടെ വായ്പയിലും.
മൂന്നാറിലെ പൂച്ചയിലും.
കൊച്ചിയിലെ ദളിത് കണ്‍വെന്‍ഷനിലും.
എന്നുവേണ്ട ഏത് വിഷയത്തിലും അതാണ് ലൈന്‍. അതുകൊണ്ട്, പിണറായി വിജയന്റെ മച്ചമ്പിമാരായ 21 പേര്‍ കുറച്ചുകാലംകൂടി കോള്‍ഡ് സ്റ്റോറേജില്‍ ഇരിക്കേണ്ടിവരും.
ഐ.ടി, ഐ.ടി എന്നുപറഞ്ഞ് സ്ഥലം വാങ്ങാം. സെക്സിന്റെ ആനുകൂല്യം പറ്റി 1000 രൂപയുടെ നിര്‍മ്മാണം 200രൂപ കൊണ്ട് തീര്‍ക്കാം. എന്നിട്ട് ഫ്ളാറ്റുണ്ടാക്കി 70 ലക്ഷത്തിന് വില്‍ക്കാം. അങ്ങനെ ഭൂസ്വാമിമാരാവാം.
ഇങ്ങനെയൊക്കെ മനപ്പായസമുണ്ടെങ്കില്‍ വല്ല അഷ്ടചൂര്‍ണ്ണമോ മറ്റോ കഴിച്ച് വിരേചനത്തിന് വഴി നോക്കുക.
സെക്സിന്റെ കാര്യത്തില്‍ ചില നയമൊക്കെയുണ്ട്. ഈ 21 അപേക്ഷകള്‍ വന്ന വഴിയേത്? താമസിച്ച സ്ഥലമേത്? എന്നൊക്കെ നോക്കാതെ 'ശൂ' വരയ്ക്കാന്‍ പറ്റില്ല.
സംസ്ഥാന കമ്മിറ്റിക്ക് എന്തും തീരുമാനിക്കാം. എന്നാല്‍ ആന്റണിക്ക് പറ്റിയ അബദ്ധം തനിക്ക് പറ്റരുതെന്ന് വി. എസിന് നിര്‍ബന്ധമുണ്ട്. എന്നെ പറ്റിച്ചേ എന്നു കരഞ്ഞുവിളിക്കാന്‍ അച്ചുമാമനെ കിട്ടില്ല.
അതുകൊണ്ടാണ് സെക്സിന് തടയിടുന്നത്.
എന്നാല്‍ സ്റ്റണ്ട് എത്രയുമാവാം.
ആരുമായിട്ടുമാവാം.
അതിനുപിന്നില്‍ ഒരാദര്‍ശമുണ്ട്.
എതിരാളിയുണ്ട്.
തോല്‍വിയോ ജയമോ ഉണ്ട്. തല്‍ക്കാലം സ്റ്റണ്ടില്‍ തൃപ്തിപ്പെടുന്നതാണ് നല്ലത്.
വാലറ്റം: ആന്റണിക്ക് പറ്റിയതുപോലുള്ള അബദ്ധം പറ്റരുത്. വി. എസ്.
കമന്റ്: ചരിത്രപരമായ എന്നതാണല്ലോ അംഗീകൃത വിശേഷണം.

തീവ്രവാദിയും റിവിഷനിസ്റ്റും.

2008-08-19T16:03:00.001+05:30

ചേരുവയില്ലാത്ത ചിലതുണ്ട്.
മോരും മുതിരയും.
കടലും കടലാടിയും
ഒറ്റ നോട്ടത്തില്‍ തന്നെ വേര്‍തിരിച്ചറിയാന്‍ പറ്റും. എന്നാല്‍ വേറെ ചിലതുണ്ട്. എളുപ്പത്തില്‍ തിരിച്ചറിയാന്‍ പറ്റില്ല. ആ ഗണത്തില്‍പ്പെട്ടതാണ് പട്ടിയും പേപ്പട്ടിയും.
വിദഗ്ദ്ധ പരിശോധന നടത്തിയാലേ പേപ്പട്ടിയെ തിരിച്ചറിയാന്‍ കഴിയൂ. ഈ ലിസ്റ്റില്‍ വരുന്ന മറ്റൊന്നാണ് തീവ്രവാദിയും റിവിഷനിസ്റ്റും.
സാധാരണക്കാരായ നമുക്കൊന്നും ഇവരെ തിരിച്ചറിയാന്‍ പറ്റില്ല. കണ്ടാല്‍ കമ്യൂണിസ്റ്റാണെന്നേ തോന്നൂ.
പ്രത്യയശാസ്ത്രം, പാര്‍ലമെന്ററി വ്യാമോഹം, ഇരുമ്പുലക്ക, കൊട്ടടക്ക തുടങ്ങി കമ്മ്യൂണിസ്റ്റ് നാമാവലികളേ നാവില്‍ നിന്ന് വരൂ.
വേഷം കണ്ടാലും തിരിച്ചറിയാന്‍ പറ്റില്ല.
ഖദര്‍ ജുബ്ബയോ മല്ല് മുണ്ടോ ഒക്കെയാവും.
ഡി. എന്‍. എ ടെസ്റ്റ് നടത്തിയാല്‍പ്പോലും തിരിച്ചറിയാന്‍ പറ്റിയെന്ന് വരില്ല.
ഇത് സാധാരണക്കാരായ നമ്മുടെ കാര്യം.
എന്നാല്‍ ഒറ്റനോട്ടത്തില്‍തന്നെ ഇവരെ തിരിച്ചറിയാന്‍ കഴിയുന്ന ചിലരുണ്ട്. പൊലീസിനെ കണ്ടാല്‍ കള്ളനും കള്ളനെ കണ്ടാല്‍ പൊലീസിനും തിരിച്ചറിയാന്‍ കഴിയുന്നപോലെ. പട്ടി പിടുത്തക്കാരനെ കണ്ടാല്‍ ഏത് ആള്‍ക്കൂട്ടത്തില്‍വച്ചും പട്ടിക്ക് തിരിച്ചറിയാന്‍ കഴിയും.
തീവ്രവാദികളെ ഭയമാണ് റിവിഷനിസ്റ്റുകള്‍ക്ക്. അതിനാല്‍ ഒരുത്തന്‍ തീവ്രവാദിയാണോ എന്ന് ആദ്യം തിരിച്ചറിയുക തൊട്ടടുത്ത് നില്‍ക്കുന്ന റിവിഷനിസ്റ്റ് ആണ്.
തോമസ് ഐസക് ഏത് ഗണത്തില്‍പ്പെടുമെന്ന് അച്യുതാനന്ദനും അച്യുതാനന്ദന്‍ ഏത് ഇനത്തില്‍പ്പെടുമെന്ന് തോമസ് ഐസക്കിനും അറിയാം.
നമ്മെ സംബന്ധിച്ച് രണ്ടുപേരും കമ്യൂണിസ്റ്റാണ്. രണ്ടുപേരും മന്ത്രിമാരുമാണ്. ഒരാള്‍ ഡി.ജി.പി.യെങ്കില്‍ മറ്റേയാള്‍ എ.ഡി.ജി.പി. അത്രയേ വ്യത്യാസമുള്ളൂ. സീനിയോറിട്ടിയിലെ വ്യത്യാസം.
എന്നാല്‍ റിവിഷണിസ്റ്റാദി സാങ്കേതിക കാര്യങ്ങള്‍ തിരിച്ചറിയണമെങ്കില്‍ ആ മേഖലയില്‍ അറിവുണ്ടാകണം. ഉദാഹരണത്തിന് ഭൂപരിഷ്കരണം. ഒന്നാം ഭൂപരിഷ്കരണമേ കമ്മ്യൂണിസ്റ്റുകാരന് പറഞ്ഞിട്ടുള്ളൂ. രണ്ടാം ഭൂപരിഷ്കരണം രണ്ടാംകെട്ടുപോലെതന്നെ മ്ളേച്ഛമാണ്. രണ്ടാം കെട്ടിനൊരുങ്ങുന്നവന്‍ തീവ്രവാദിയാണ്.
ഒന്നാം ഭൂപരിഷ്കരണത്തില്‍തന്നെ ചില ഉപവിഭാഗങ്ങളുണ്ട്. എല്ലാവര്‍ക്കും കൃഷിഭൂമി എന്നതല്ല കമ്യൂണിസ്റ്റ് നയ പരിപാടി. എല്ലാവര്‍ക്കും കിടപ്പാടം എന്നതാണ്. കൃഷി പാര്‍ട്ടി നടത്തും. അണികള്‍ കിടന്നാല്‍ മതി.
ഭൂമാഫിയ, ഭൂസ്വാമി തുടങ്ങിയ സംജ്ഞകളും പാര്‍ട്ടി വിരുദ്ധമാണ്. ഇത്തരം വാക്കുകള്‍ കൂടെക്കൂടെ ഉച്ചരിക്കുന്നവന്‍ തീവ്രവാദിയാണ്. സെസ് എന്നുകേട്ടാല്‍ സെക്സ് എന്ന് തെറ്റിദ്ധരിക്കുന്ന ചിലരുണ്ട്. അവരും തീവ്രവാദികളാണ്.
ലക്ഷണശാസ്ത്രപ്രകാരം വേറെയും ചില സംഗതികളുണ്ട്. പാര്‍ട്ടിയിറക്കുന്ന പത്രക്കുറിപ്പും സംസ്ഥാനകമ്മിറ്റിയുടെ മിനുട്ട്സും അവര്‍ ഒത്തുനോക്കും. വ്യത്യാസമുണ്ടെങ്കില്‍ മൈക്കുകെട്ടി വിളിച്ചുപറയും.
അങ്ങനെ വിളിച്ചുപറയുന്ന കൂട്ടത്തില്‍ വായില്‍വന്ന മറ്റു ചില കാര്യങ്ങളും കൂടി പറയും. അടച്ചുവെച്ച അധ്യായം തുറക്കും. തുടച്ചുമാറ്റിയ വിഭാഗീയത വീണ്ടും വലിച്ചിടും.
ഇതൊക്കെ കാണുമ്പോള്‍ ഭയപ്പെടുകയും കേന്ദ്രനേതൃത്വത്തിന് ഫാക്സ് അയയ്ക്കുകയും ചെയ്യുന്നവരെ റിവിഷനിസ്റ്റ് എന്നുവിളിക്കും.
ഭയമാണ് അവരുടെ മുഖമുദ്ര.
അവര്‍ വാദിയെ തീവ്രവാദിയാക്കും.
വികസന വിരോധിയെന്നു വിളിക്കും.
എന്നിട്ട് ടിക്കറ്റ് നിഷേധിക്കും.
പക്ഷേ ഭയം മാറില്ല. ക്ഷുദ്രമോ മാരണമോ ചെയ്ത് മുന്നണിയെ തോല്‍പിക്കുമെന്ന് ഭയന്ന് സ്നേഹം ഭാവിച്ച് ടിക്കറ്റ് നല്‍കും. ചതിയിലൂടെ മാരാരിക്കുളത്തോ മലമ്പുഴയിലോ മുക്കിക്കൊല്ലാന്‍ നോക്കും.
പക്ഷേ തീവ്രവാദിയുണ്ടോ ചാവുന്നു.
ഫീനിക്സിന് കഞ്ഞി വെച്ചവനാണ് തീവ്രവാദിയുടെ ആള്‍ദൈവം. ചെങ്കോട്ടയത്തെ മഹാഹവനത്തില്‍ ചുട്ടുകരിച്ച് ചാരമാക്കിയാല്‍ പോലും വിഭാഗീയതയുടെ ചുടുചാരം ദേഹത്ത് പൂശി ചുടലനൃത്തമാടും. റിവിഷനിസ്റ്റുകളെ ഒന്നൊന്നായി ചൂണ്ടിക്കാട്ടും.
അപ്രകാരം റിവിഷനിസ്റ്റുകളും തീവ്രവാദികളും മാത്രമേ പാര്‍ട്ടിയില്‍ ഉള്ളുവെന്നും കമ്മ്യൂണിസ്റ്റുകളെല്ലാം പാര്‍ട്ടിക്കും പടിക്കും പുറത്താണെന്നും തിരിച്ചറിയുന്ന ഘട്ടത്തില്‍ വേതാളം വിക്രമാദിത്യ രാജാവിനോട് ചോദിക്കും.
" പ്രായോഗിക ബാധ്യതകള്‍ ഒന്നുമില്ലാതെ രണ്ടാം ഭൂപരിഷ്ക്കരണം എന്ന് മുദ്രാവാക്യം മുഴക്കുന്ന തീവ്രവാദികളാണോ അതോ പാര്‍ട്ടി വളര്‍ത്താന്‍ സാധ്യമായ സകല അടവും നയവും പരീക്ഷിക്കുന്ന റിവിഷനിസ്റ്റുകളാണോ സര്‍ക്കാരിന്റെ ജനക്ഷേമകരമായ കാര്യങ്ങള്‍ ജനങ്ങളില്‍ എത്തിക്കേണ്ടത്?
ഇതിന് ഉത്തരം പറഞ്ഞാല്‍ പാര്‍ട്ടിവിരുദ്ധ പ്രവര്‍ത്തനത്തിന് അച്ചടക്കനടപടി സ്വീകരിക്കും. ഉത്തരം പറഞ്ഞില്ലെങ്കിലും നടപടി ഉണ്ടാകും. പട്ടിയെ പേപ്പട്ടിയാക്കാനും വാദിയെ തീവ്രവാദിയാക്കാനും വ്യവസ്ഥയുള്ള പാര്‍ട്ടിയാണ് നാട് ഭരിക്കുന്നത്.
വാലറ്റം: രണ്ടാം ഭൂപരിഷ്ക്കരണമെന്ന നിലപാട് സി.പി.എം. ഒരിക്കലും സ്വീകരിച്ചിട്ടില്ല: ധനമന്ത്രി തോമസ് ഐസക്.
കമന്റ്: മുഖ്യമന്ത്രിയുടെ അറിവിലേക്ക് ധനമന്ത്രി ബോധിപ്പിക്കുന്നത്.

അരിയെത്ര? പയറഞ്ഞാഴി

2008-08-04T15:06:00.002+05:30

കേരളത്തിന് അരി നല്‍കുന്ന ഏര്‍പ്പാട് കേന്ദ്രം പൂര്‍ണ്ണമായും നിര്‍ത്തലാക്കി. നന്ദിയാരോടു ചൊല്ലേണ്ടൂ.
അരിയില്ലാതെ നമുക്കെന്താഘോഷം എന്നാവും കേന്ദ്രത്തിന്റെ ചിന്ത. അതെല്ലാം പണ്ട്. ഇപ്പോള്‍ മുട്ടയും പാലുമാണ് മുഖ്യാഹാരം. ഓണത്തിന് ക്യൂ നില്‍ക്കുന്നത് മാവേലിസ്റ്റോറിലല്ല, ബീവറേജസിന് മുന്നിലാണ്.
കേന്ദ്രം വിചാരിച്ചാലൊന്നും നമ്മുടെ ആഘോഷം മുടക്കാനാവില്ല.
എന്നാലും ചില ന്യായവിചാരങ്ങള്‍ വേണ്ടതുണ്ട്. കേന്ദ്രം രാഷ്ട്രീയം കളിക്കുകയാണത്രെ! ആണവകരാറില്‍ മാത്രമല്ല അരിയിലുമുണ്ട് രാഷ്ട്രീയം. കളിക്കുന്നത് ആരെന്നോ കളിപ്പിക്കുന്നത് ആരെന്നോ നമുക്കൊന്നും അറിയില്ലെന്ന് മാത്രം.
റേഷന്‍ ഷാപ്പില്‍ ചെന്നാല്‍ നമുക്ക് അരി കിട്ടിയിരുന്നു. അതാണ് ഈ ഓണക്കാലം തൊട്ട് ഇല്ലാതാവുന്നത്. മാവേലിയെന്നോ വാമനനെന്നോ വ്യത്യാസമില്ല. മാനുഷരെല്ലാരുമൊന്നുപോലെ.
മുഖ്യമന്ത്രി വി. എസ്സും പ്രതിപക്ഷനേതാവ് ഉമ്മന്‍ചാണ്ടിയും ഒരുപോലെ! ഭക്ഷ്യമന്ത്രി ദിവാകരനും കെ.പി.സി.സി പ്രസിഡണ്ട് രമേശ് ചെന്നിത്തലയും ഒരുപോലെ!!
ഇവരൊന്നും വിചാരിച്ചാല്‍ നമുക്ക് അരി കിട്ടാന്‍ പോവുന്നില്ല. ആര് എന്ത് പറഞ്ഞാലും അരി തരില്ലെന്ന് കട്ടായം പറഞ്ഞിരിക്കുകയാണ് കേന്ദ്രം.
'പ്രതികാര മനോഭാവത്തോടെയാണ് കേന്ദ്രസര്‍ക്കാര്‍ പെരുമാറരുത്. അരി ചോദിക്കുമ്പോള്‍ രാഷ്ട്രീയം കളിക്കരുത്. റേഷന്‍ പുനഃസ്ഥാപിക്കാനായി കേന്ദ്രത്തില്‍ സത്യാഗ്രഹമിരിക്കും. മുഖ്യമന്ത്രിക്ക് താല്പര്യമുണ്ടെങ്കില്‍ അദ്ദേഹത്തെയും സത്യാഗ്രഹമിരിക്കാന്‍ കൂട്ടും' - ഇങ്ങനെ പോവുന്നു ഭക്ഷ്യമന്ത്രിയുടെ പ്രസ്താവനകള്‍.
ഈ പോയിന്റ് നമുക്കൊന്ന് വിശകലനം ചെയ്യാം. മുഖ്യമന്ത്രിക്ക് 'താല്പര്യമുണ്ടെങ്കില്‍' എന്ന് ഒരു വികല്പ പ്രയോഗം എന്തിനാണ്. അദ്ദേഹമല്ലേ ഇപ്പോഴത്തെ കേരള മാവേലി. ആ സ്ഥിതിക്ക് അദ്ദേഹത്തിനല്ലേ താല്പര്യമുണ്ടാവേണ്ടത്?
മാത്രമല്ല, ഭക്ഷ്യമന്ത്രി ദിവാകരനെപ്പോലെത്തന്നെ ഉത്തരവാദിത്തം മറ്റ് നേതാക്കള്‍ക്കുമില്ലേ. എന്‍.സി.പി ജനറല്‍ സെക്രട്ടറി ടി.പി. പീതാംബരന്‍ മാസ്റ്റര്‍ പോളണ്ടുകാരനൊന്നുമല്ല. പക്കാ മലയാളിയും മൂക്കുമുട്ടെ അരി ഭക്ഷണം കഴിക്കുന്ന ആളുമാണ്.
അങ്ങേര് പറയുന്നത് കൂടി കേള്‍ക്കുക. 'കേരളത്തിനുള്ള അരിവിഹിതം വെട്ടിക്കുറച്ചെന്ന വാദം അടിസ്ഥാന രഹിതമാണ്'. ഇതാണ് ശരിക്കും അടിസ്ഥാനമുള്ള വാദം.
ഭരണത്തിലോ പ്രതിപക്ഷത്തോ ഇടമില്ലാഞ്ഞിട്ടുപോലും കേരളത്തിലെ എന്‍.സി.പിക്കാര്‍ ഒരാളും അരി കിട്ടാതെ പട്ടിണി കിടക്കുന്നില്ല.
അതുകൊണ്ട്,
കണ്ണു തുറന്ന് യാഥാര്‍ത്ഥ്യം മനസ്സിലാക്കുക, അടിസ്ഥാനമുള്ള വാദം ഉന്നയിക്കാന്‍ പഠിക്കുക, കേരളത്തിന് അരി കിട്ടാതായത് എന്തുകൊണ്ടാണ്?
കാലവര്‍ഷം ചതിച്ചതുകൊണ്ടാണോ?
ഇടുക്കി ഡാം വറ്റിയതുകൊണ്ടാണോ?
ഇടിവെട്ടോ സുനാമിയോ ഉണ്ടായതുകൊണ്ടാണോ?
ഒന്നുമല്ല.
കെ.മുരളീധരന്‍ എന്ന നിരുപദ്രജീവിയെ ഇടതുമുന്നണിയില്‍ എടുക്കാത്തതുകൊണ്ട് മാത്രമാണ്. രോഗമറിഞ്ഞുവേണം ചികിത്സ നടത്താന്‍.
സത്യാഗ്രഹം ഇരുന്നാലോ സമരം നടത്തിയാലോ അരി കിട്ടില്ല.
140 എം. എല്‍. എമാരെയും കൊണ്ട് ഡല്‍ഹിക്ക് പോവുന്നത്ര ജോലിയില്ല എം. എല്‍. എയോ, എം.പി.യോ ഒന്നുമല്ലാത്ത മുരളിയെ എ.കെ.ജി സെന്ററില്‍ വിളിച്ച് ലോഹ്യം പറയുന്നതിന്. ഒരു മിനിട്ട് മതി വാഗണ്‍ കണക്കിന് അരി കേരളത്തിലേക്കൊഴുകാന്‍.
ഇതേ ലൈനില്‍ തന്നെയാണ് വൈദ്യുതിയുടെയും പോക്ക്. കര്‍ക്കടകത്തിലും പവര്‍കട്ട് ഏര്‍പ്പെടുത്തുന്ന ഒരു സംസ്ഥാനമാണ് ആണവകരാറിനെതിരെ ഹാലിളകി നടക്കുന്നത്. ഭാഗ്യത്തിന് മുലായവും കുതിരകളും സഹായിച്ചതിനാല്‍ കേന്ദ്രം മറിഞ്ഞുവീണില്ല.
കേന്ദ്ര ഗ്രിഡില്‍ നിന്ന് വൈദ്യുതി കിട്ടിയില്ലെന്ന് പറഞ്ഞ് ദിവാകരന്റെ പിറകെ എ.കെ. ബാലനും ഡല്‍ഹിക്ക് വച്ചടിക്കാം. സത്യാഗ്രഹമോ സമരമോ നടത്താം. കേന്ദ്രം ഒന്ന് രണ്ട് ഇലക്ട്രിക് ബാറ്റ് വാങ്ങി വെച്ചിട്ടുണ്ട്. സമരക്കാരെ ഷോക്കടിപ്പിക്കാന്‍.
വാലറ്റം: മുഖ്യമന്ത്രിക്ക് താല്പര്യമുണ്ടെങ്കില്‍ സത്യാഗ്രഹമിരിക്കാന്‍ അദ്ദേഹത്തെയും കൂട്ടും. ഭക്ഷ്യമന്ത്രി ദിവാകരന്‍.
കമന്റ്: എന്നിട്ട് സി.ദിവാകരന്‍ സിന്ദാബാദ് എന്ന് വിളിപ്പിക്കും.

ചീറ്റര്‍ജിയും അഹമ്മദും

2008-07-29T09:31:00.003+05:30

കുതിരയുടെ വില എത്രയെന്ന് കുതിരയല്ല നിശ്ചയിക്കാന്‍. അതിന്റെ ആവശ്യക്കാരാണ്. കേന്ദ്രത്തിന്റെ ശ്വാസം നേരെയാവാന്‍ എത്ര കുതിര വേണ്ടിവന്നുവെന്നും എത്ര മു'ലായ'ങ്ങള്‍ പണിയേണ്ടിവന്നുവെന്നും മന്‍മോഹന്‍സിംഗിനോ അമര്‍സിംഗിനോ പോലും അറിയില്ല. അതിന്റെയെല്ലാം കണക്ക് വേറെ ചില അംബാനിമാരുടെ കയ്യിലാണ്.
അപ്പോള്‍പ്പിന്നെ സാധാരണക്കാരായ നമ്മള്‍ അതിന്റെ പിറകെ പോയിട്ട് ഒരു കാര്യവുമില്ല. നമുക്ക് പോവാന്‍ പറ്റിയ വേറൊരു റൂട്ടുണ്ട്. സോമനാഥ് ചാറ്റര്‍ജിയുടെ വഴി.
ലോകസഭയും വിശ്വാസവോട്ടെടുപ്പും ഒന്നുമല്ല വിഷയം. വേറെ ചിലതാണ്.
39-ാം വയസ്സില്‍ സി.പി. എം അംഗമായ ആള്‍.
ലോകസഭാ സ്പീക്കറാവുന്ന ആദ്യ കമ്മ്യൂണിസ്റ്റുകാരന്‍
രണ്ടു പതിറ്റാണ്ടുകാലം ലോകസഭയിലെ കക്ഷി നേതാവ്.
പത്തുതവണ പാര്‍ലമെന്റംഗമായ ആള്‍.
മികച്ച പാര്‍ലമെന്റേറിയനായി തിരഞ്ഞെടുക്കപ്പെട്ട ആള്‍.
77 വയസ്സിനിടെ പഞ്ചായത്തില്‍പോലും അധികാരം കയ്യാളാത്ത ആള്‍. ഹിന്ദുമഹാസഭയുടെ അധ്യക്ഷനായിരുന്ന നിര്‍മ്മല്‍കാന്ത് ചാറ്റര്‍ജിയുടെ മകനായി പിറന്നിട്ട് കമ്മ്യൂണിസത്തെ പ്രാണവായുവാക്കി എട്ട് പതിറ്റാണ്ട് ജീവിച്ച ആള്‍.
അതെ, കറകളഞ്ഞ കമ്മ്യൂണിസ്റ്റ്.
ഇങ്ങനെയൊക്കെ ആയ ഒരാളെപ്പറ്റി നമ്മുടെയെല്ലാം ധാരണയെന്താണ്?
ഇനി പ്രത്യേകിച്ച് മുക്കുടിയോ മുക്താരിഷ്ടമോ കുടിപ്പിച്ച് ദഹനക്കേട് തീര്‍ക്കാന്‍മാത്രം പാര്‍ലമെന്ററി വ്യാമോഹം അദ്ദേഹത്തിനുണ്ടെന്ന് പറഞ്ഞാല്‍ ആരാണ് വിശ്വസിക്കുക.
പക്ഷേ,
സംഭവിച്ചത് അതാണ്.
പൊട്ടിവീഴാറായ പാര്‍ലമെന്ററി വ്യാമോഹത്തിന്റെ മരക്കൊമ്പില്‍ ഒരു നിമിഷമെങ്കില്‍ ഒരു നിമിഷം കൂടി കടിച്ചുതൂങ്ങി കിടക്കുക! കിട്ടിയ അധികാരം ഉപേക്ഷിക്കുന്നത് ചരിത്രപരമായ വിഡ്ഢിത്തമാണെന്ന് സ്വയം വിലയിരുത്തുക. പി.ബി. മെമ്പര്‍മാരെ കാണുമ്പോള്‍ വക്രിച്ച ചിരി ചിരിക്കുക. സോണിയാഗാന്ധിയുടെയും മന്‍മോഹന്‍സിംഗിന്റെയും മച്ചമ്പിയാവുന്നതില്‍ ആത്മനിര്‍വൃതിയടയുക.
കമ്മ്യൂണിസ്റ്റുകാര്‍ വായിക്കാന്‍ വേണ്ടിയല്ല ഇത് എഴുതുന്നത്. അവര്‍ വായിക്കണമെന്നില്ല. അവര്‍ക്ക് വിവരമുണ്ട്.
എന്നാല്‍ മുസ്ളീംലീഗിന്റെ കാര്യം അങ്ങനെയല്ല.
വായനാശീലം കുറവാണ്.
പുസ്തകം കത്തിക്കുന്നതാണ് അവരുടെ പരിപാടി. അധ്യാപകനെ ചവിട്ടിക്കൊല്ലുന്നതാണ് അവരുടെ ആക്ഷന്‍. അവര്‍ ഇത് വായിക്കണം.
സോമനാഥിന്റെ പ്രൊഫൈല്‍ ഹൃദിസ്ഥമാക്കണം. എന്നിട്ട് ഒരു ചോദ്യം സ്വയം ചോദിക്കണം.
അല്ലെങ്കില്‍ വേണ്ട.
സി.പി. എമ്മിന്റെ മുഖപത്രത്തില്‍ വന്ന ഒരു സിംഗിള്‍ കോളം തലക്കെട്ടിലെ കൊച്ചുവാര്‍ത്ത വായിക്കണം.
'ചാറ്റര്‍ജിയെ സി.പി. എമ്മില്‍ നിന്ന് പുറത്താക്കി', കാരണം മറ്റൊന്നുമല്ല. 'പാര്‍ട്ടി നിലപാടുകള്‍ ശത്രുക്കള്‍ക്ക് അടിയറ വച്ചതിന് പാര്‍ട്ടി ഭരണഘടനയിലെ 19-ാം ഖണ്ഡികയുടെ 13-ാം അനുച്ഛേദം അനുസരിച്ചാണ് നടപടി. ഗുരുതരമായ പാര്‍ട്ടിവിരുദ്ധമായ പ്രവര്‍ത്തനം നടത്തുന്നവര്‍ക്കെതിരെ അസാധാരണമായ സാഹചര്യത്തിലെടുക്കുന്ന നടപടിയാണ് ഇത്.
കമ്മ്യൂണിസം അരച്ചുകലക്കികുടിച്ച ആള്‍.
വിവരവും വിദ്യാഭ്യാസവുമുള്ള ആള്‍.
പക്ഷേ അനുച്ഛേദമോ അനുസ്വാരമോ അറിയില്ല.
പതിറ്റാണ്ടുകളായി ബംഗാളിലെ പരിപ്പുവടയായ ഉണക്കി റൊട്ടി തിന്നും, കട്ടന്‍ ചായ കുടിച്ചും കെട്ടിപ്പടുത്ത പാര്‍ട്ടിയെ അരനാഴിക നേരത്തെ സ്പീക്കര്‍ പദവിക്കുവേണ്ടി ശത്രുക്കള്‍ക്ക് അടിയറവെച്ചില്ലേ?
അതാണ് കാണേണ്ടത്.
അതാണ് പഠിക്കേണ്ടത്.
ഏഴാംക്ളാസിലെ സാമൂഹ്യശാസ്ത്രത്തില്‍ അന്‍വര്‍ റഷീദിന്റെ ചെക്കന് ജീവനെന്ന് പേരിട്ടതുകൊണ്ടാണെന്നും ഇന്നാട്ടില്‍ കമ്മ്യൂണിസം പൂത്തുലയില്ലെന്ന് ഇനിയെങ്കിലും മനസ്സിലാക്കണം.
അരനാഴിക നേരത്തെ സ്പീക്കര്‍ പദവി കണ്ടാല്‍ കമ്മ്യൂണിസം ഉപേക്ഷിക്കുന്ന സോമനാഥ് ചാറ്റര്‍ജിമാരുടെ നാട്ടില്‍ ഏഴാം ക്ളാസില്‍വെച്ച് എസ്. എഫ്. ഐ ആവുന്ന മതേതര ജീവനെ മാര്‍ഗം കൂട്ടാന്‍ എന്തൊക്കെ വഴിയുണ്ട്. മാമോദീസ മുക്കുകയോ പൊന്നാനിയില്‍ കൊണ്ടുപോവുകയോ ആവാം.
അതുകൊണ്ട്
കഴിഞ്ഞത് കഴിഞ്ഞു
പാഠപുസ്തകം കത്തിച്ചു
അധ്യാപകനെ ചവിട്ടിക്കൊന്നു.
ഇനിയും അവിവേകമൊന്നും കാണിക്കരുത്.
അഹമ്മദ് ആത്മഹത്യ ചെയ്യരുത്.
ഇന്ത്യാ ചരിത്രത്തില്‍ ആദ്യമായാണ് ഒരു മുസ്ളീംലീഗുകാരന്‍ കേന്ദ്രത്തില്‍ മന്ത്രിയാവുന്നത്. സി.പി. എമ്മിനെപ്പോലെ വിവരക്കേട് കാട്ടരുത്. അങ്ങനെ വല്ലതും കാട്ടാന്‍ മുസ്ളീംലീഗിന്റെ പി.ബിയായ കുഞ്ഞാലിക്കുട്ടിക്ക് തോന്നിയാല്‍തന്നെ അഹമ്മദ് സോമനാഥ് ചാറ്റര്‍ജിയായി ഉയര്‍ന്ന് മാതൃക കാട്ടണം.
സ്പീക്കറാവുന്നതോടെ ഒരാള്‍ സഖാവല്ലാതായി മാറും. അതുപോലെതന്നെ മന്ത്രിയാവുന്നതോടെ മറ്റൊരാള്‍ ലീഗും അല്ലാതാവും.
ഇതെല്ലാം മനസ്സിലാക്കാനള്ള ബുദ്ധി, പ്രത്യയശാസ്ത്രം പഠിച്ചിട്ടില്ലാത്തതിനാല്‍ നമുക്കുണ്ട്. അല്ലെങ്കിലും, നാലുവര്‍ഷക്കാലം കണ്ണിലെകൃഷ്ണമണിപോലെ കാത്തു സൂക്ഷിച്ച ഒരു സര്‍ക്കാരിനെ ബി.ജെ.പിയുമായി കൂടിച്ചേര്‍ന്ന് അട്ടിമറിക്കാന്‍ എത് കമ്മ്യൂണിസ്റ്റുകാരനാണ് കഴിയുക.
അതാണ് പറഞ്ഞത്.
പാഠപുസ്തകത്തില്‍ എത്ര ചിത്രകഥകള്‍ രചിച്ചാലും കമ്മ്യൂണിസ്റ്റല്ലാതാവാന്‍ ഒരു സെക്കന്‍ഡ് മതി.
വാലറ്റം: സോമനാഥ് ചാറ്റര്‍ജിക്ക് ചരിത്രത്തിലുള്ള സ്ഥാനം പാര്‍ട്ടി വഞ്ചകന്‍ എന്നതായിരിക്കും: പിണറായി വിജയന്‍.
കമന്റ്: പാര്‍ട്ടി ലിക്വിഡേറ്റര്‍ സ്ഥാനം ആര്‍ക്കും വിട്ടുകൊടുക്കരുത്.

മതമേതായാലും മനുഷ്യന്‍ കമ്മ്യൂണിസ്റ്റായാല്‍ മതി

2008-07-21T12:57:00.001+05:30

'മോന്റെ പേരെന്താ'?
'പേരില്ല'
'നല്ല കുട്ടിയല്ലേ, തറുതല പറയല്ലേ'
'എനിക്ക് പേരില്ലെന്ന് പറഞ്ഞില്ലേ'
'അതെന്താ അങ്ങനെ?'
'ഉണ്ടാക്കിയവരോട് ചോദിക്ക്'
ഉത്തരം കേട്ട ഹെഡ്മാസ്റ്റര്‍ ശരിക്കും വിയര്‍ത്തുപോയി. അപേക്ഷ പൂരിപ്പിക്കാനെടുത്ത പേന തിരിച്ച് ടോപ്പിലിട്ടു.
മോനാരാ മോന്‍!
നിരവധി സമരങ്ങള്‍ അതിജീവിച്ചും കരിക്കുലം കമ്മിറ്റിയില്‍ കാത്തുകിടന്നും ഉപസമിതിയുടെ തിരുത്തലുകള്‍ക്ക് വിധേയമായും മറ്റും തീയില്‍ കുരുത്ത വിത്തല്ലേ?
ജീവനെന്ന പേര് വെട്ടിമാറ്റിയതുകൊണ്ടൊന്നും ഏഴാംക്ളാസിലെ പാഠപുസ്തകത്തില്‍ നിന്ന് പുറത്തുപോവാന്‍ ഉദ്ദേശിച്ചിട്ടില്ല അവന്‍.
ഹെഡ്മാസ്റ്റര്‍ വിയര്‍ക്കുന്നത്കണ്ട് അവന്‍ പറഞ്ഞു:
'അതല്ല ഞാന്‍ ഉദ്ദേശിച്ചത്. പാഠപുസ്തകം ഉണ്ടാക്കിയ കരിക്കുലം കമ്മിറ്റിയോട് ചോദിക്കൂ'!
'അപ്പോള്‍ വളര്‍ന്ന് വലുതായാല്‍ ആളുകള്‍ മോനെ എന്ത് വിളിക്കും'? ഹെഡ്മാസ്റ്റര്‍ സംശയം പ്രകടിപ്പിച്ചു.
അച്ഛന് ഇടപെടാതിരിക്കാന്‍ വയ്യെന്നായി. " ഇട്ട പേരുകള്‍ തന്നെ ആളുകള്‍ വിളിക്കുമെന്ന് എന്താണുറപ്പ് സാര്‍. സാറിന്റെ കാര്യം തന്നെ നോക്കുക. അച്ഛനമ്മമാര്‍ ഇട്ട പേരിലല്ലല്ലോ സാര്‍ സ്കൂളില്‍ അറിയപ്പെടുന്നത്. ഇരട്ടപ്പേരിലല്ലേ?"
ഹെഡ്മാസ്റ്റര്‍ ഇപ്പോള്‍ കൂടുതല്‍ വിയര്‍ത്തു. ജാള്യത പുറത്തുകാണിക്കതെ ഹെഡ്മാസ്റ്റര്‍ വീണ്ടും ചോദിച്ചു. അപേക്ഷാഫോറം പൂരിപ്പിക്കാതെ കുട്ടിയെ സ്കൂളില്‍ ചേര്‍ക്കാന്‍ പറ്റില്ലല്ലോ
'അച്ഛന്റെ പേരെന്താ?'
ചെക്കനാണ് പറഞ്ഞത്: " അന്‍വര്‍ റഷീദ് എന്നായിരുന്നു"
ഹെഡ്മാസ്റ്റര്‍ക്ക് പൊരുള്‍ മനസ്സിലായില്ല. അദ്ദേഹം വീണ്ടും ചോദിച്ചു. " അച്ഛന്റെ പേര് എന്ന കോളത്തില്‍ ഞാന്‍ എന്ത് പേരാണ് എഴുതേണ്ടത്?"
" അച്ഛന്‍ ആരെന്ന് തീര്‍ച്ചയായിട്ട് എഴുതാം. അച്ഛന്റെ പേര് ഇപ്പോള്‍ തര്‍ക്കത്തിലാണ്''
'' എങ്കില്‍ അമ്മയുടെ പേര് പറയൂ. അമ്മയും രക്ഷിതാവാണല്ലോ''
'' ലക്ഷ്മീദേവിയായിരുന്നു അമ്മ''
" ഇപ്പോള്‍?"
" ഇപ്പോഴും അവര്‍ തന്നെ. പക്ഷേ ഇപ്പോഴത്തെ പേര് അതല്ല"
ഹെഡ്മാസ്റ്റര്‍ പ്യൂണിനെ വരുത്തി ഒരു ഗ്ളാസ് വെള്ളം വരുത്തി കുടിച്ചു.
ഇതുപോലൊരു ചെക്കനെ ആദ്യമായാണ് സ്കൂളില്‍ ചേര്‍ക്കുന്നത്.
" ആട്ടെ, മോന്റെ മതമെന്താ?"
" ഇത് പള്ളിയാണോ പള്ളിക്കൂടമാണോ?" ചെക്കന് ഹെഡ്മാഷിന്റെ ചോദ്യം ഒട്ടും രസിച്ചില്ല.
" സാറ്, ഈ നാട്ടിലൊന്നുമല്ലേ ജീവിക്കുന്നത്. ആ ചോദ്യം അങ്ങനെ ചോദിക്കാന്‍ പാടില്ല സാറേ. മോന്റെ വിശ്വാസമെന്ത് എന്നാണ് ചോദിക്കേണ്ടത്"
" ശരി. മോന്റെ വിശ്വാസമെന്താണ്?"
"കമ്മ്യൂണിസം"
ദൈവമേ! ഈ ചെക്കന്‍ സ്കൂള് കുട്ടിച്ചോറാക്കും. ഇങ്ങനെയുള്ള ചെക്കന്മാരെയാണല്ലോ വിദ്യാഭ്യാസമന്ത്രി ശുപാര്‍ശകത്തും നല്‍കി സ്കൂളില്‍ ചേര്‍ക്കാന്‍ അയച്ചിരിക്കുന്നത്. മനസ്സില്‍ തികട്ടിവന്ന ചിന്തകള്‍ പുറത്തുവരാതെ സൂക്ഷിച്ച ഹെഡ്മാസ്റ്റര്‍ വീണ്ടും ചോദിച്ചു.
"നിനക്ക് തന്തയും തള്ളയും ആരുമില്ലേ" ചെക്കന്‍ ദേഷ്യംകൊണ്ട് ചുവന്നുതുടുത്തു.
"സാറിന് അറിയാന്‍ പാടില്ലാഞ്ഞിട്ടാണ്. ജീവന്‍ എന്നായിരുന്നു എന്റെ പേര്. അന്‍വര്‍ റഷീദിന്റെയും ലക്ഷ്മീദേവിയുടെയും മോന്‍. എനിക്ക് പേരില്ലാതാക്കിയത് നിങ്ങളൊക്കെത്തന്നെയാണ്. അച്ഛന്‍ ഇസ്ളാമും അമ്മ ഹിന്ദുവും ആയ സ്ഥിതിക്ക് വളര്‍ന്ന് വലുതാവുമ്പോള്‍ ക്രിസ്ത്യാനിയാവാമെന്നാണ് ഞാന്‍ വിചാരിച്ചത്. നമ്മുടെ മതേതരത്വം ഉയര്‍ത്തിപ്പിടിക്കുകയുമാവാം.
ഇപ്പോള്‍ കരിക്കുലം കമ്മിറ്റി പറയുന്നത് മിശ്രവിവാഹിതരുടെ മതം വെളിപ്പെടുത്തരുതെന്നാണ്. മക്കളുടെ പേര് പറയരുതെന്നാണ്. മതസ്വാതന്ത്യ്രത്തിനുപകരം വിശ്വാസസ്വാതന്ത്യ്രം എന്ന് ചേര്‍ക്കണമെന്നാണ്. ഞാന്‍ എനിക്ക് ഇഷ്ടമുള്ളത് വിശ്വസിക്കും സാറേ.
സാറ് ഈ പുസ്തകത്തില്‍ പലതും എഴുതിവെച്ചിട്ടുണ്ടല്ലോ. മതമേതായാലും മനുഷ്യന്‍ നന്നായാല്‍ മതിയെന്നും മറ്റും. നന്നാവാനുള്ള വഴിയൊക്കെ എനിക്കറിയാം സാറേ. ഇപ്പോള്‍ ഭരിക്കുന്നത് കമ്മ്യൂണിസ്റ്റുകാരാണ്. അതുകൊണ്ട് ഞാന്‍ ബേബിസാറിന്റെ പാര്‍ട്ടിയാണ്. മതമേതായാലും മനുഷ്യന്‍ കമ്മ്യൂണിസ്റ്റായാല്‍ മതിയെന്ന് സഖാവ് കാറല്‍ മാര്‍ക്സും പറഞ്ഞിട്ടുണ്ട്. സാറ് ഏത് സംഘടനയിലാ? കെ. എസ്.ടി. എയില്‍ തന്നല്ലേ? സാറെന്നെ വേഗം സ്കൂളില്‍ ചേര്‍ക്കാന്‍ നോക്ക്. എന്നിട്ടുവേണം എനിക്ക് പഠിപ്പുമുടക്കി പ്രകടനം നടത്താന്‍.
ഇന്‍ക്വിലാബ് സിന്ദാബാദ്
ലാല്‍ സലാം
വാലറ്റം: മതമില്ലാത്ത ജീവന്‍ എന്ന തലക്കെട്ട് വിശ്വാസസ്വാതന്ത്യ്രം എന്നാക്കി മാറ്റാന്‍ കരിക്കുലം കമ്മിറ്റി യോഗം തീരുമാനിച്ചു.
കമന്റ്: ആമേന്‍

ബുദ്ധി അ്‍ള്ള തന്നെ കൊടുക്കണം

2008-07-14T11:27:00.002+05:30

പള്ളീലെ കാര്യം അള്ളായ്ക്കേ അറിയൂ. അള്ളാന്റെ കാര്യമോ? അതു അറിയുന്ന ഒരേ ഒരാളേയുള്ളൂ. ഈ ആലം ദുനിയാവില്‍ - ടി.കെ. ഹംസ മുസ്ള്യാര്‍. മഞ്ചേരിയില്‍നിന്നുള്ള നമ്മുടെ പാര്‍ലമെന്റംഗം.
കഴിഞ്ഞ ആഴ്ച മലപ്പുറത്ത് ഹംസ ഒരു മതപ്രസംഗം നടത്തി. ലീഗിന്റെ അക്ഷരവിരോധത്തിനെതിരെ ഡി.വൈ.എഫ്.ഐ നടത്തിയ കൂട്ടായ്മയില്‍. ചാനലായ ചാനലൊക്കെ അത് നന്നായി കവര്‍ ചെയ്തു.
"അള്ള ലീഗുകാര്‍ക്ക് ബുദ്ധികൊടുത്തില്ല. അതുകൊണ്ടാണ് അവര്‍ കിത്താബ് കത്തിക്കുന്നത്." കായ് ഇല്ലെങ്കിഞമ്മക്ക് കൊട്ക്കാം. തുണീം കുപ്പായോ വാങ്ങിക്കൊട്ക്കാം. പക്ഷേ, അക്ഷരവും ബുദ്ധിയും - അത് അള്ളതന്നെ കൊടുക്കണം."
ഇങ്ങനെ പോയി മുസ്ള്യാരുടെ വാക്കുകള്‍. ഹംസയ്ക്ക് ബുദ്ധികൊടുക്കുന്ന കാര്യത്തില്‍ അള്ള ഒട്ടും പിശുക്ക് കാണിച്ചില്ലെന്ന് പ്രസംഗം കേട്ടവര്‍ക്ക് ബോധ്യമായിക്കാണും. പ്രസംഗത്തില്‍ മാത്രമല്ല, പ്രവൃത്തിയിലും ബുദ്ധി തെളിയിച്ച ആളാണ് ഹംസ.
ആര്യാടന്റെ ആട്ടും തുപ്പും സഹിച്ച് കോണ്‍ഗ്രസുകാരനായി കഴിയുന്നതിലും നല്ലത് സി.പി. എമ്മിനുവേണ്ടി അരിവാള്‍ സുന്നിയാവുന്നതാണെന്ന് അള്ള തന്നെയാണല്ലോ ഹംസയെ ഉപദേശിച്ചത്. അതുകൊണ്ടാണല്ലോ ഡി.സി.സി പ്രസിഡന്റ് ആയിരിക്കെ ആര്യാടന് എതിരെ ഹംസ റബലായത്.
അതിനു ഗുണമുണ്ടായി,
എം.എല്‍.എ ആയി,
ചീഫ് വിപ്പ് ആയി,
മന്ത്രിയായി.
പാര്‍ലമെന്റംഗവുമായി.
പക്ഷേ, അതുകൊണ്ടൊന്നും ലീഗിന്റെ ബുദ്ധിയളക്കാനുള്ള ഐ.ക്യു മീറ്റര്‍ ലഭിക്കില്ല. ഹംസ സി.പി.എമ്മിന്റെ മദ്രസയില്‍ ഓതാന്‍ തുടങ്ങുന്നതിനുമുന്‍പ് സി.പി.എമ്മിന്റെ കളരിയില്‍ മുസ്ള്യാക്കന്മാരായവരാണ് ലീഗുകാര്‍. സി.പി. എമ്മിനെപ്പോലെ ബുദ്ധിരാക്ഷസന്മാര്‍ നയിക്കുന്ന ഒരു പാര്‍ട്ടിയുമായി ചേര്‍ന്ന് ബിസിനസ് നടത്തി ലാഭമുണ്ടാക്കാന്‍ കുറച്ചൊന്നും ബുദ്ധി പോരാ.
അതുകൊണ്ട്, ലീഗിന് ബുദ്ധിയില്ലെന്നു മാത്രം പറയരുത്. അതിന്റെ പേരില്‍ അള്ളാന്റെ മെക്കിട്ട് കയറുകയും ചെയ്യരുത്. ബുദ്ധി അളക്കാനുള്ള ഏത് ഐ.ക്യു. ടെസ്റ്റിലും എ പ്ളസ് നേടുന്ന പാര്‍ട്ടിയാണ് ലീഗ്.
അന്‍വര്‍ റഷീദുമാരുടെ മക്കളെയെല്ലാം മതമില്ലാത്ത നിര്‍ജീവന്മാരാക്കി വളര്‍ത്തിയാല്‍ ലീഗിന്റെ കച്ചവടം പൂട്ടിക്കാമെന്ന് എം.എ. ബേബി കരുതുന്നുണ്ടാവും. ബേബിയുടെയും സി.പി.എമ്മിന്റെയും സൂത്രം മനസ്സിലാക്കാന്‍ വലിയ ബുദ്ധിയൊന്നും വേണ്ട. പാണക്കാട്ടെ മദ്രസയില്‍ ഓതിപ്പഠിച്ചാല്‍ മാത്രം മതി.
ബുദ്ധിയുള്ളതുകൊണ്ടാണ് ലീഗുകാര്‍ പുസ്തകം കത്തിച്ചത്. ഇബിലീസിനെ ഇബിലീസായിത്തന്നെ കാണാനുള്ള ബുദ്ധിയൊക്കെ അള്ള ലീഗുകാര്‍ക്ക് കൊടുത്തിട്ടുണ്ട്.
അതുകൊണ്ട്, ബുദ്ധിയില്ലാത്തവരെന്നു മാത്രം ലീഗിനെപ്പറ്റി പറയതരുത്. ഹംസയുടെ പാര്‍ട്ടി വോട്ടുകിട്ടാന്‍വേണ്ടി സദ്ദാം ഹുസൈനെ ഇറക്കി; യാസര്‍ അരാഫത്തിനെ ഇറക്കി; കാന്തപുരം മുസ്ള്യാരെ ഇറക്കി; ബുഖാരിതങ്ങളെ ഇറക്കി. എന്നാല്‍, പാണക്കാട് തങ്ങളെ മാത്രം ഇറക്കിക്കളിച്ച പാര്‍ട്ടിയാണ് ലീഗ്. ലീഗിന് കൊടുത്ത ബുദ്ധിതന്നെയാണ് ലീഗിനു വോട്ടുചെയ്യുന്നവര്‍ക്കും അള്ള കൊടുത്തിട്ടുള്ളത്. ഐ. എ.എസ് പരീക്ഷ എഴുതിക്കാനൊന്നുമല്ലല്ലോ അണികളെ പാര്‍ട്ടിയിലേക്ക് റിക്രൂട്ട് ചെയ്യുന്നത്.
സാമൂഹ്യപാഠം കത്തിച്ച് ബുദ്ധിമോശം കാണിക്കുന്ന ലീഗ് ബുദ്ധിജീവികളുടെ വിഷയമായ ആണവകരാറിന്റെ കാര്യത്തില്‍ എന്തു നിലപാട് സ്വീകരിക്കുമെന്നും ഹംസയുടെ പാര്‍ട്ടി ചോദിക്കുന്നുണ്ട്.
ബുദ്ധിയുള്ള ഒരാളും ചോദിക്കാത്ത ചോദ്യമാണത്. എല്ലാകാലത്തേയും എല്ലാ ചോദ്യങ്ങള്‍ക്കും കൂടി ആയിരം വട്ടമെങ്കിലും ലീഗ് ഉത്തരം പറഞ്ഞിട്ടുണ്ട്. 'തക്കസമയത്ത് യുക്തമായ തീരുമാനമെടുക്കും.' ഏതു കാര്യത്തിലും അതാണ് ലീഗിന്റെ നിലപാട്.
നോമ്പും നിസ്കാരവുംപോലെ ഇസ്ളാമിന്റെ പരിധിക്കുള്ളില്‍ വരുന്ന ഒന്നല്ല ആണവകരാര്‍. അതുകൊണ്ട് തക്കസമയത്തുപോലും ലീഗ് യുക്തമായ തീരുമാനം എടുക്കണമെന്നില്ല.
ബാബ്റി മസ്ജിദ് തകര്‍ത്തിട്ടുപോലും കൈക്കൊള്ളാത്ത തീരുമാനം ആണവകരാറിന്റെ പേരില്‍ കൈക്കൊള്ളാന്‍ മാത്രം ബുദ്ധിയില്ലാത്ത പാര്‍ട്ടിയല്ല ലീഗ്. അതിനൊക്കെയുള്ള ബുദ്ധി നല്‍കിയശേഷമാണ് അള്ള ലീഗിന്റെ പടപ്പ് പൂര്‍ത്തിയാക്കിയത്.
വേറെയും പലതരം ബുദ്ധി ലീഗിനുണ്ട്. യു.ഡി. എഫില്‍നിന്നുകൊണ്ട് എല്‍.ഡി.എഫിലെ സി.പി. എമ്മുമായി അടവുനയം ഉണ്ടാക്കാനുള്ള ബുദ്ധി.
ലീഗിന്റെ ബുദ്ധി പരീക്ഷിക്കാനാണ് ആണവകരാറിലെ ചോദ്യങ്ങള്‍ ചോദിക്കുന്നതെങ്കില്‍ യാ റബ്ബേ എന്നേ പറയാനുള്ളൂ. ലീഗിനു വോട്ടുചെയ്യുന്നവരുടെ ഐ.ക്യു ആണ് പരീക്ഷിക്കുന്നതെങ്കില്‍ വേറൊരു ചോദ്യമുണ്ട് ചോദിക്കാന്‍. 'നാലുവര്‍ഷം കേന്ദ്രത്തില്‍ മന്ത്രിയായിരുന്നിട്ടും ആ മസ്ജിദിനുവേണ്ടി എന്തു ചെയ്തു.' അങ്ങനെ 'ബുദ്ധി' മുട്ടിക്കുന്ന ചില ചോദ്യങ്ങളുണ്ടല്ലോ ചോദിക്കാന്‍.
വാലറ്റം: ആണവകരാറില്‍ ലീഗിന്റെ വികാരം മാനിച്ചില്ലെങ്കില്‍ കടുത്ത നിലപാട് സ്വീകരിക്കും. കേന്ദ്രമന്ത്രി ഇ. അഹമ്മദ്.
കമന്റ്: ശിഹാബ്തങ്ങളെ ചുമതലപ്പെടുത്തുമെന്ന് പറയുന്നതിന്റെ പര്യായം.

പാണക്കാട് പാക്കേജ്

2008-07-07T12:08:00.002+05:30

തെങ്ങിന് ഉപയോഗിക്കുന്ന തളപ്പല്ല കവുങ്ങിന് ഉപയോഗിക്കുക. വണ്ണം കുറഞ്ഞതുകൊണ്ട് തെങ്ങ് കവുങ്ങാവുകയോ മറിച്ചായതുകൊണ്ട് കവുങ്ങ് തെങ്ങാവുകയോ ഇല്ല. ഈ തളപ്പ് സിദ്ധാന്തം തെങ്ങുകയറ്റ പ്രവര്‍ത്തനത്തില്‍ മാത്രമല്ല രാഷ്ട്രീയ പാര്‍ട്ടികള്‍ക്കും ബാധകമാണ്.
ഇല്ലെങ്കില്‍ അദ്ധ്വാനം പാഴാവും.
വയലാര്‍ രവി പാണക്കാട്ട് വന്നതുപോലെയാവും.
ആര്യാടന്‍-ലീഗ് പ്രശ്നത്തില്‍ ശരിയായ തളപ്പല്ല കോണ്‍ഗ്രസ് ഹൈക്കമാന്‍ഡ് ആദ്യം ഉപയോഗിച്ചത്. അതുകൊണ്ടാണ് ആ പ്രശ്നം ആദ്യമെല്ലാം പരിഹരിക്കപ്പെടാതെ കിടന്നത്. ശരിയായ തളപ്പ് പ്രയോഗിച്ചപ്പോള്‍ എത്ര പെട്ടെന്നാണ് അത് പരിഹരിച്ചത്. മലപോലെ വന്നത് എലിപോലെ പോയി.
ആര്യാടന്മാരായ ബാപ്പയും മോനും ചേര്‍ന്ന് എന്തൊക്കെയോ പറഞ്ഞു.
കോണ്‍ഗ്രസ് കഠിനാദ്ധ്വാനം ചെയ്താല്‍ മലപ്പുറത്ത് ലീഗിനെ മറികടക്കാനാവുമത്രെ. അങ്ങനെ കഠിനാദ്ധ്വാനം ചെയ്യരുതെന്ന് കോണ്‍ഗ്രസിന്റെ ഭരണഘടനയിലുമുണ്ട്. മലപ്പുറത്തെ കോണ്‍ഗ്രസുകാര്‍ ലീഗിനെ ശക്തിപ്പെടുത്താനാണ് കഠിനാദ്ധ്വാനം ചെയ്യേണ്ടത്. മുട്ടിപ്പടി തങ്ങള്‍, കോട്ടപ്പടി തങ്ങള്‍, സ്വലാത്ത് തങ്ങള്‍, ബുഖാരി തങ്ങള്‍ തുടങ്ങി മുട്ടിന്മുട്ടിന് തങ്ങള്‍മാരും സിദ്ധന്മാരുമുള്ള നാടാണ് മലപ്പുറം. ഏതെങ്കിലും തങ്ങളെ ചീത്തപറയണമെങ്കില്‍ പേരെടുത്തുപറയണം. മലപ്പുറത്തെ തങ്ങള്‍ എന്ന് പറഞ്ഞ് 'ഫിത്തന' ഉണ്ടാക്കുന്നതിനും കോണ്‍ഗ്രസ് ഹൈക്കമാന്റ് എതിരാണ്.
തങ്ങള്‍മാരുടെ കോലായ ആര്‍ക്കും കേറി നെരങ്ങാവുന്നതല്ല. ചാനലുകളില്‍ വെള്ളപ്പൊക്കമുണ്ടായി; പത്രങ്ങളില്‍ മഷിയൊലിച്ചുതൂവി. മുസ്ളീംലീഗിന് തുമ്മാന്‍ മുട്ടി.
മൂക്കെങ്ങാന്‍ തെറിച്ചുപോയാലോ?
ഹൈക്കമാന്‍ഡിനു പേടിയായി
ലോകസഭാ തിരഞ്ഞെടുപ്പാണ് വരാന്‍ പോകുന്നത്. ജയിച്ചില്ലെങ്കില്‍ പോകട്ടെ. വട്ടപ്പൂജ്യത്തിന്റെ മാനക്കേടില്‍നിന്നെങ്കിലും രക്ഷപ്പെടണം. അതുകൊണ്ടാണ് പാണക്കാട്ടെ മൂക്ക് വിറക്കുന്നത് കണ്ട് ഹൈക്കമാന്‍ഡ് തന്നെ നേരിട്ടിറങ്ങിയത്.
ഹൈക്കമാന്‍ഡിന്റെ പ്രത്യേക ദൂതനായി കാബിനറ്റ് റാങ്കുള്ള വയലാര്‍ രവി തന്നെ പാണക്കാട്ട് പറന്നെത്തി. മുറിയടച്ച് ചര്‍ച്ചയും ഭക്ഷണവും നടത്തി. മലപ്പുറത്തുതന്നെയുണ്ടായിരുന്ന ആര്യാടന്മാരെ കാണാതെ മടങ്ങുകയും ചെയ്തു.
കര്‍ണ്ണാടകം ഒന്നടങ്കം കൈവിട്ടുപോയപ്പോള്‍പോലും ഹൈക്കമാന്‍ഡ് ഇത്രത്തോളം സീരിയസ്സായി ഇടപെട്ടിട്ടില്ല. ആര്യാടന്‍-ലീഗ് തര്‍ക്കം അവിടെ തീരേണ്ടതായിരുന്നു.
പക്ഷേ,
തീര്‍ന്നില്ലെന്ന് മാത്രമല്ല വളര്‍ന്ന് വലുതാവുകയും ചെയ്തു. ഹൈക്കമാന്‍ഡ് ഇടപെട്ടിട്ടുപോലും തീരാത്ത പ്രശ്നം പരിഹരിക്കാന്‍ പിന്നെ കെ.പി.സി.സി. എന്ന നിലയിലാണ് ഇടപെട്ടത്. ചില കാര്യത്തില്‍ അങ്ങനെയാണ്. ആയിരത്തെക്കാള്‍ വലുത് തൊള്ളായിരമായെന്നുവരും. ലീഗിലൊക്കെ അഖിലേന്ത്യാപ്രസിഡണ്ടുമാരെ നിയമിക്കുന്നതും പുറത്താക്കുന്നതും തള്ളിപ്പറയുന്നതും സംസ്ഥാനകമ്മിറ്റിയാണ്. ഇത്തരത്തില്‍ നിരവധി തവണ നിര്‍ണ്ണായകമായി തീരുമാനമെടുത്തപാര്‍ട്ടിയാണത്.
കെ.പി.സി.സി ഏറ്റെടുത്ത് ചര്‍ച്ച ചെയ്യാന്‍ തീരുമാനിച്ചപ്പോള്‍തന്നെ പ്രശ്നത്തിന് അല്പമൊരു അയവുവന്നു. അങ്ങനെയാണ് വേണ്ടപ്പെട്ടവര്‍വേണം ഇടപെടാന്‍. പക്ഷേ, അല്പം പിഴച്ചു. ബാപ്പയോട് ചോദിക്കേണ്ട ചോദ്യം മോനോട് ചോദിച്ച് പ്രശ്നം അവസാനിപ്പിച്ചതായി കെ.പി.സി.സി പറഞ്ഞു.
അത് ശരിയല്ലല്ലോ.
പ്രശ്നം അവസാനിച്ചുവോ ഇല്ലയോ എന്ന് പറയേണ്ടത് കോണ്‍ഗ്രസല്ല ലീഗാണ്. അവര്‍ അവരുടെ ഹൈപവര്‍ കമ്മിറ്റി ചേര്‍ന്നു. പ്രശ്നം അവസാനിപ്പിച്ചിട്ടില്ലെന്ന് കട്ടായമായി പറയുകയും ചെയ്തു.
വീണ്ടും ചാനലുകളില്‍ വെള്ളപ്പൊക്കം.
പത്രങ്ങളില്‍ മഷിയൊഴുക്ക്.
ഖിയാമം നാള്‍ അടുത്തുവരുന്നതുപോലെ.
കോഴിക്കോട് കടപ്പുറത്ത് സുനാമിത്തിരയുടെ അല.
എന്തൊക്കെയോ സംഭവിക്കുമെന്നു കരുതി ഏവരും മുന്‍കരുതലുകള്‍ തുടങ്ങി. കെ. എം. മാണി തൊട്ട് കെ.ബി. ഗണേഷ്കുമാര്‍ വരെയുള്ള ഘടകകക്ഷികള്‍ പാണക്കാട്ടെത്തി തങ്ങളുടെ അനുഗ്രഹം വാങ്ങി.
എന്തും സംഭവിക്കാം.
ഉദ്വേഗപൂര്‍ണ്ണമായ ദിനങ്ങള്‍.
പാനല്‍ ചര്‍ച്ചകള്‍, രാഷ്ട്രീയ നിരീക്ഷകരുടെ പ്രവചനങ്ങള്‍. കൂലിയെഴുത്തുകാരുടെ ലേഖനങ്ങള്‍.
അപ്പോഴാണ്.
ഉമ്മന്‍ചാണ്ടിയും രമേശ് ചെന്നിത്തലയും പി.പി. തങ്കച്ചനും കൂടി പാണക്കാട്ട് ചെന്നത്. അവര്‍ കൊടപ്പനക്കല്‍ തറവാട്ടില്‍ കയറി. ചായ കുടിച്ചു. അണ്ടിപ്പരിപ്പ് തിന്നു. ഹലുവാകഷ്ണം തിന്നു. ടവ്വലെടുത്തു ചിറി തുടച്ചു. തങ്ങളുടെ കൈ പിടിച്ചു മുത്തി. ആലിംഗനം ചെയ്തു.
ആര്യാടന്‍ ഇനിയും ഇതുപോലെങ്ങാന്‍ പറഞ്ഞാല്‍ വീണ്ടും വരാമെന്ന് പറഞ്ഞു.
' ഇന്‍ഷാ അള്ളാ'
അങ്ങനെ വീണ്ടും വരാനും കാണാനും പരമകാരുണികനും ദയാനിധിയുമായ അള്ളാഹു അനുഗ്രഹിക്കട്ടെ.
ഇതുപോലെ ശുഭപര്യവസായിയായ ഒരു പാക്കേജ് തയ്യാറാക്കാന്‍ എല്‍.ഡി. എഫിന് കഴിയുമോ? അസൂയ നന്നല്ല. സ്വന്തമായി പ്രാക്ടീസ് ചെയ്യുകയാണ് വേണ്ടത്.
പാണക്കാട്ടെ അണ്ടിപ്പരിപ്പ് തിന്നേണ്ടത് വയലാര്‍ രവിയല്ല. വയലാര്‍ രവി കെ.പി.സി.സി പ്രസിഡണ്ടായിരുന്ന കാലത്ത് യൂത്ത് കോണ്‍ഗ്രസ് പ്രസിഡണ്ടായിരുന്ന ചെന്നിത്തല വേണം അത് തിന്നാന്‍. കോണ്‍ഗ്രസ് ഹൈക്കമാന്‍ഡ് പോലും ചികിത്സ നടത്തി പരാജയപ്പെട്ട ആര്യാടന്റെ അരയില്‍ കെട്ടാനുള്ള ഉറുക്ക് ഏല്പിക്കേണ്ടതും ചെന്നിത്തലയെ ആവണം.
അതാണ് ആദ്യമേ പറഞ്ഞത് ഓരോന്നിനും ഓരോ തളപ്പുണ്ടെന്ന്.
വാലറ്റം: ഉമ്മന്‍ചാണ്ടിയുടെ സ്കൂളില്‍ ഏഴാം ക്ളാസിലെ സാമൂഹ്യപാഠം പഠിപ്പിക്കുന്നില്ല: വാര്‍ത്ത.
കമന്റ്: ഹൈബി ഈഡന്റെ സത്യാന്വേഷണ പരീക്ഷകള്‍ പഠിപ്പിച്ചാലോ?

സഖാവ് ജീവന്‍ കമ്മ്യൂണിസ്റ്റാവില്ല

2008-06-30T11:40:00.001+05:30

സഖാവ് ജീവന്‍ കമ്മ്യൂണിസ്റ്റാവില്ല

കുഞ്ഞൂഞ്ഞും കുഞ്ഞാടുകളും ഭയപ്പെടുന്നതു വെറുതെയാണ്. ഈ ഏഴാം ക്ളാസിലെ കൊച്ചന്‍, മതമില്ലാത്ത ജീവനുണ്ടല്ലോ-അവന്‍ വളര്‍ന്നു വലുതായാല്‍ അത്യാപത്തൊന്നും സംഭവിക്കില്ല. മറിച്ച് ചിലതാണ് സംഭവിക്കുക.
മിശ്രവിവാഹിതരായ ഏതോ ലക്ഷ്മിക്കുട്ടിയുടെയും ജോസഫിന്റെയും മോന് ജിവനെന്ന് പേരിട്ടെന്നും മതമില്ലാതെ വളര്‍ത്തിയെന്നുമാണല്ലൊ ആക്ഷേപം.അതിന്റെ പേരിലൊന്നും സമരത്തിനിറങ്ങേണ്ട ഒരു കാര്യവുമില്ല. മതമില്ലാതെ അവനെ വളര്‍ത്തിയെടുത്താല്‍ അവന്‍ നിരീശ്വരവാദിയാവുമെന്നും മതവിരുദ്ധനും മാര്‍ക്സിസ്റ്റുമാവുമെന്നും കേരളം ബംഗാള്‍ ആവുമെന്നും ഓരോ വിളക്കുകാലിലും കമ്മ്യൂണിസം പൂത്തുലയുമെന്നുമൊക്കെ ഭയന്ന് ഉമ്മന്‍ചാണ്ടിയും കൂട്ടരും ഉറുക്കെഴുതി കെട്ടാന്‍ നോക്കുകയാണ്.
ഒന്നും വേണ്ട.
ജീവനെ അവന്റെ പാട്ടിനു വിടുക.
അവന്‍ വളര്‍ന്നു വലുതാവട്ടെ.
ഉമ്മന്‍ ചാണ്ടിയോ കത്തോലിക്കസഭയോ എന്‍.എസ്.എസോ മുസ്ള്യാക്കന്മാരോ ഭയക്കുന്ന പോലെ ഒന്നും സംഭവിക്കില്ല.
ഇപ്പോഴത്തെ നിലവാരം വെച്ച് നോക്കിയാല്‍ അവന്‍ വളര്‍ന്ന് വലുതായാല്‍ നല്ല മുരത്ത വിശ്വാസിയായി മാറും.അമ്മയുടെ അമ്പലത്തില്‍ മാത്രമല്ല അചഛന്റെ പളളിയിലും പോവും.എന്നിട്ടും അവന്റെ പ്രശ്നങ്ങള്‍ പരിഹരിക്കപ്പെടുന്നില്ലെങ്കില്‍ അന്നത്തെ സന്തോഷ് മാധവന്റെ ശിഷ്യനാവും.ഹിമവല്‍ തോക്കാനന്ദയുടെ ആശ്രമത്തില്‍ അന്തേവാസിയാവും. തങ്കു ബ്രദറിന്റെ പ്രഘോഷണം കേട്ട് രോഗശാന്തി ശുശ്രുഷ വരുത്തും .തങ്ങള്‍മാരുടെ സ്വലാത്തിനും പോവും.
എന്തെന്നാല്‍,
അവനറിയാം,അവന് ജീവനെന്ന് പേരിട്ടതു പോലും ആളെ പറ്റിക്കാനാണെന്ന്.അവനെ പാഠപുസ്തകത്തില്‍ പ്രതിഷ്ഠിച്ച അവന്റെ വിദ്യാഭ്യാസ മന്ത്രി എം.എ ബേബി സത്യക്രിസ്ത്യാനിയും അച്ചന്റെ അരമനയില്‍ ആശിര്‍വാദത്തിന് പോകുന്നവനുമാണെന്ന്.ഈശോ മിശിഹായ്ക്ക് സ്തൂതിയായിരിക്കട്ടെ!(എം.എ.ബേബി ക്രിസ്ത്യാനിയെ തന്നെയാണ് മിന്നുകെട്ടിയതെന്ന് അവനെ ജി.എസ്.ടി.യുക്കാരന്‍ പഠിപ്പിച്ചിട്ടുണ്ട്.കെ.എസ്.ടി.എ മാത്രമല്ലല്ലൊ അധ്യാപകരായിട്ടുളളത്).
മാത്രമല്ല.
സാമൂഹ്യപാഠമാണല്ലൊ, അവന്‍ പഠിക്കുന്നത്. സമൂഹത്തിലെ നേര്‍ക്കാഴ്ചയാണല്ലൊ അവന്‍ കാണുന്നത്.പാര്‍ടി എം.പി. ഉംറ വിസയെടുത്ത് ഉംറക്ക് പോവുന്നു. ലബൈക്കല്ലാഹുമ്മ ല്ലബ്ബൈക്ക്! ലക്ഷോപലക്ഷം സഖാക്കള്‍ ഇരുമുടിക്കെട്ടുമായി മലചവിട്ടുന്നു. സ്വാമി ശരണം!!
'പ്രശ്നാധിഷ്ഠിത ബോധനരീതി'യും 'വിമര്‍ശനാധിഷ്ഠിത വിശകലന പരിപ്രേക്ഷ്യ'വും പഠിപ്പിച്ചുവിട്ട ബേബി സഖാവിന് ലാല്‍ സലാം.
എന്തൊക്കെയാണ് അവന്‍ കാണുന്നത്?
തലശ്ശേരിയിലുളള ബാലകൃഷ്ണനാമധാരികള്‍ പോലും ശത്രുസംഹാരത്തിന് കാടാമ്പുഴയില്‍ പൂമൂടുന്നു.(കാടാമ്പുഴ ഭഗവതി ഈ സഖാവിന്റെ വീടിനു ഐശ്വര്യം.)
കമ്മ്യൂണിസ്റ്റുകാരന്‍ ദേവസ്വം മന്ത്രിയാവുന്നു.ക്ഷേത്രജീവനക്കാര്‍ക്ക് സി.ഐ.ടി.യുവിന്റെ ട്രേഡ്യൂണിയനുണ്ടാക്കുന്നു.കമ്മ്യൂണിസ്റ്റുകാരി മെഹറു സ്വീകരിച്ച് ഇസ്ളാമിക ചിട്ടയൊപ്പിച്ച് നിക്കാഹ് ചെയ്യുന്നു.പാര്‍ട്ടി സമ്മേളനത്തിന് കണ്ണേറു തട്ടാതിരിക്കാന്‍ കുമ്പളങ്ങയില്‍ കുട്ടിച്ചാത്തനെ വരച്ച് സ്വാഗതകമാനത്തില്‍ കെട്ടിത്തൂക്കുന്നു.
പിന്നെയോ?
ദിക്റ് ഹല്‍ഖ.കുത്ത്റാത്തീബ് സ്വലാത്ത്.ഖിറാഅത്ത് .സമസ്തകേരള ജംഇയ്യത്തൂല്‍ ഉലമ(മാര്‍ക്സിസ്റ്റ്)സമ്മേളനത്തില്‍ സഖാവേത് സഖാഫിയേത് എന്നു തിരിച്ചറിയാനാവാത്ത വിധം സമന്വയം.
അവിടെയും തീര്‍ന്നില്ല.
ഭാര്യയുടെ വിശ്വാസം കാക്കാന്‍ അമ്പലത്തില്‍ ശയനപ്രദക്ഷിണം.ജീവിച്ചിരിക്കെ ചെയ്ത പാപം തീരാന്‍ മരിച്ച ശേഷം കന്യാകുമാരിയില്‍ ഒഴുക്കിവിടല്‍.ഇങ്ക്വിലാബിന് ശക്തിപോരാഞ്ഞ് 'ഓം ഇങ്ക്വിലാബായ നമ:' എന്ന് മന്ത്രവാക്യഘോഷണം.വടിയാവാന്‍ നേരത്ത് തൊണ്ടക്കുഴിലൊഴിക്കാന്‍ ഗംഗാതീര്‍ഥത്തിന്റെ സ്റ്റോക്ക്.സംസം വെളളത്തിന്റെ വീപ്പ. സ്വര്‍ഗത്തിലേക്കുളള ടിക്കറ്റ് ഉറപ്പുവരുത്താന്‍ ബാധാവേര്‍പ്പാടും തിലഹോമവും.
മതമില്ലാത്ത കൊച്ചന്‍, ജീവന്‍ ഇതെല്ലാം കാണുന്നുണ്ട്. നമ്മളേക്കാള്‍ വിവരമുള്ളവരാണ് ഇപ്പൊഴത്തെ കുട്ടികള്‍. പാഠപുസ്തകത്തില്‍ മതമില്ലാത്തവനാക്കിയാലും ജീവിതപാഠത്തില്‍ നിന്നും കിട്ടുന്ന ശിക്ഷണം ഇതൊക്കെയാണ്. ജീവനല്ല, ജീവന്റെ അപ്പന്‍ പോലും അസ്സല്‍ സത്യവിശ്വാസിയായി മാറും.
യു.ഡി.എഫിനകത്തെ കമ്മ്യൂണിസ്റ്റായ എം.വി രാഘവന്‍ പറഞ്ഞതാണ് ശരി. 75 വര്‍ഷം കമ്മ്യൂണിസം പഠിപ്പിച്ചിട്ടും റഷ്യ തകര്‍ന്നില്ലേ? പിന്നാണോ രണ്ടും മൂന്നും കോടി കൈക്കൂലി വാങ്ങുന്ന ഇവിടത്തെ ചിലര്‍ ഏഴാം ക്ളാസില്‍ കമ്മ്യൂണിസം എഴുതി വച്ചാല്‍? രാഘവന്‍ ചോദിക്കുന്നു. അദ്ദേഹത്തിന് ബുദ്ധിയുണ്ട്. അന്നും ഇന്നും കമ്മ്യൂണിസ്റ്റായതിനാല്‍ തലക്കകത്ത് കിഡ്നിയുണ്ട്.
കേരളത്തില്‍ മതം ഇല്ലാതാവണമെങ്കില്‍ കമ്മ്യൂണിസ്റ്റുകാര്‍ നിരീശ്വരവാദികളാവണം. ദൈവം സഹായിച്ച് അവര്‍ക്കിപ്പോള്‍ സദ്ബുദ്ധി തോന്നിയ സമയമാണ്. പള്ളികളിലും അമ്പലങ്ങളിലും എത്തുന്നവരില്‍ നല്ലൊരു പങ്കും അവരാണ്. കമ്മ്യൂണിസ്റ്റില്ലാത്ത ഒരു അമ്പലക്കമ്മിറ്റി കാണണമെങ്കില്‍ സൌദിയിലോ മറ്റോ പോവണം.
ഉമ്മന്‍ചാണ്ടിക്കിപ്പോള്‍ എന്താവേണ്ടത്?
എന്തിന്റെയെങ്കിലും പേരില്‍ സമരം ചെയ്യണം.
തല്ലുവാങ്ങിക്കണം. അത്രയല്ലേ വേണ്ടൂ. അതിന് വേറെന്തൊക്കെ വഴിയുണ്ട്? മിഥുന മാസത്തില്‍ പവര്‍ക്കട്ട് ഏര്‍പ്പെടുത്തിയതായി ഇതിനുമുമ്പ് കേട്ടിട്ടുണ്ടോ? പോയി ട്രാന്‍സ്ഫോര്‍മര്‍ മറിച്ചിടാന്‍ നോക്ക്.

വാലറ്റം: അച്യുതാനന്ദനും പിണറായിയും കമ്മ്യൂണിസം പഠിപ്പിക്കാന്‍ ഇറങ്ങിയാല്‍ കമ്മ്യൂണിസം തകരും- എം.വി രാഘവന്‍.
കമന്റ്: വെളിയമുണ്ടല്ലോ.

പ്രതികരണങ്ങള്‍

ഗോള്‍ഫ് കളി: എല്ലാറ്റിനും സ്വാതന്ത്യ്രമുള്ള നാട്ടില്‍ ഞങ്ങള്‍ വല്യേട്ടനും കുഞ്ഞേട്ടനും ഒന്ന് ഗോള്‍ഫ് കളിക്കാന്‍ സ്വാതന്ത്യ്രമില്ലേ?- ജീജ, 9744637503
പൊടിയിടല്‍: ഈ സമരം ജനങ്ങളുടെ കണ്ണില്‍ പൊടിയിടാന്‍-അഷ്റഫ്, ഇരിക്കൂര്‍, 9387530825
വഴിപാട്: ഞാന്‍ അമ്പലത്തില്‍ 50 പൈസ ഇട്ടു പ്രാര്‍ത്ഥിച്ചു "എനിക്കു ഒരു നല്ല ഫ്രണ്ടിനെ തരണമേ" ദൈവം നിന്നെ തന്നിട്ടു പറഞ്ഞു "ഈ നക്കാപ്പിച്ചക്ക് ഇതുമതി"- അയച്ചു തന്നത് 9744084294

പ്രതികരണങ്ങള്‍ എസ്.എം.എസ് ചെയ്യുക 9946108225

ഇഷ്ടമില്ലാത്ത അച്ചി തൊട്ടാല്

2008-06-23T11:38:00.001+05:30

ചില കാര്യങ്ങള്‍ അങ്ങനെയാണ്
ശീലിച്ചുകഴിഞ്ഞാല്‍ നിര്‍ത്താന്‍ പ്രയാസമാണ്
അത്തരത്തിലൊന്നാണ് സമരം. എവിടെയെങ്കിലും ചെന്ന് കല്ലേറോ തീവയ്പോ നടത്തിയില്ലെങ്കില്‍ ഉറക്കം കിട്ടില്ല. അതുകൊണ്ടാണ്, വയനാട് ഡി. എഫ്. ഒ ഓഫീസ് അടിച്ചു തകര്‍ത്ത സി. ഐ. ടി. യു ക്കാരെ നാം കുറ്റപ്പെടുത്താത്തത്.
പിന്നെ,
ദോഷം മാത്രം തിരയുന്നവര്‍ക്ക് എവിടെയും ചില ദോഷം കാണാന്‍ പറ്റും.വനം വകുപ്പ് ഭരിക്കുന്നത്സി. പി. ഐ. ആയതുകൊണ്ടാണ് സി. പി. എമ്മിന്റെ തൊഴിലാളി ശി ങ്ക ങ്ങള്‍ വനം വകുപ്പ് ഓഫീസിനു നേരെ തിരിഞ്ഞതെന്ന് ആക്ഷേപിക്കാം. സി.പി. ഐയോട് തോറ്റതിന് വനം വകുപ്പിനോട് എന്നോ മറ്റും പഴഞ്ചൊ
ല്ലുമുണ്ടത്രെ!
അടിയന്തരവസ്ഥക്കാലത്ത് വനം വകുപ്പ് പിടിച്ചെടുത്ത ഒരു സ്വകാര്യവ്യക്തിയുടെ ഭൂമി വിട്ടുകൊടുക്കാന്‍ മന്ത്രിസഭായോഗം തിരുമാനിച്ചിരുന്നു എന്നത് നേര്. ആ മന്ത്രിസഭായോഗത്തില്‍ സി.പി. ഐ മന്ത്രിമാര്‍ പങ്കെടുത്തതും നേര്.
മന്ത്രി സഭായോഗത്തില്‍ തീരുമാനിച്ചപോലെ കാര്യങ്ങള്‍ നടത്തിയതിനാണ് റവന്യുമന്ത്രി കെ.പി.രാജേന്ദ്രന്‍ ഗോള്‍ഫിന്റെ കുഴിയില്‍ വീണുപോയത്.നിവേദിത ഹരന്‍ പുലിവാലുപിടിക്കുന്നതും മന്ത്രി സഭായോഗം നടപ്പാക്കിയതുകൊണ്ടാണ്.
മന്ത്രിസഭ ഒന്നു തീരുമാനിക്കും, എന്നിട്ട് , മറ്റൊന്നു നടപ്പാക്കാന്‍ ഫോണിലുടെ നിര്‍ദേശം നല്‍കും.പത്രത്തില്‍ അച്ചടിച്ചുവരുന്നതും നാട്ടില്‍ നടക്കുന്നതും തമ്മില്‍ കളളും എളളും തമ്മിലുളള ബന്ധം പോലും ഉണ്ടാവാത്തത് അതുകൊണ്ടാണ്. സംസ്ഥാനത്ത് അനധികൃത പവര്‍കട്ട് ഇല്ല എന്ന് പ്രഖ്യാപിച്ചാല്‍ അതേ ഉള്ളൂ എന്നാണര്‍ത്ഥമെന്ന് ഏതു കണ്‍സ്യൂമര്‍ക്കും അറിയാം.
അതുപോട്ടെ.
മന്ത്രിസഭ തീരുമാനിച്ച കാര്യങ്ങള്‍ നടപ്പാക്കിയതിനാണ് മൂന്നാറില്‍ മുഖ്യമന്ത്രി ക്ഷ വരച്ചത്. എലിയെ പിടിക്കാന്‍ മലയിലേക്കയച്ച പൂച്ചകള്‍ സിംഹത്തിന്റെ വായിലകപ്പെട്ടു എന്നാണ് ഒടുവില്‍ കേട്ടത്.
മന്ത്രിസഭ തീരുമാനിച്ച കാര്യം തന്നെയായിരുന്നു ഗോള്‍ഫുകളിക്കാരെ പിടികൂടണമെന്നതും. അതു നടപ്പാക്കിയ റവന്യൂവകുപ്പിന്റെ പ്രിന്‍സിപ്പല്‍ സെക്രട്ടറി കളളിയോ കളളം പറഞ്ഞവരോ കളളസത്യം ചെയ്തവരോ ആയി.
ഈ സാഹചര്യത്തില്‍ വനം മന്ത്രി ബിനോയ് വിശ്വം എടുത്ത തീരുമാനം ശ്ളാഘനീയമാണ്. മന്ത്രിസഭാ തീരുമാനത്തിന് എതിരെ നിലപാടെടുക്കുക.വയനാട്ടിലെ ഭൂമി വിട്ടുകൊടുക്കാനാണ് മന്ത്രിസഭ തീരുമാനിച്ചതെങ്കില്‍ അതു കയ്യേറി പിടിച്ചെടുക്കുകയാണ് വനം മന്ത്രി ചെയ്യേണ്ടത്. ചെയ്തതും അതാണ്.
പക്ഷേ, ഇപ്പോള്‍ അതിന്റെ പേരിലാണ് സമരം. തിരുവനന്തപുരത്ത് ഒരു നയം; വയനാട്ടില്‍ മറ്റൊരു നയം. ഇതെവിടത്തെ നയമാണ്. എന്തുന്യായമാണ്?
അതാണ് ആദ്യം പറഞ്ഞത്. സമരം ചെയ്തുശീലിച്ചാല്‍ എളുപ്പത്തിലൊന്നും നിര്‍ത്താന്‍ പറ്റില്ലെന്ന്. കിടക്കാന്‍ സിമന്റ് ബഞ്ചും കുടിക്കാന്‍ കട്ടന്‍ചായയും കഴിക്കാന്‍ പരിപ്പുവടയും വലിക്കാന്‍ ദിനേശ് ബീഡിയും വിളിക്കാന്‍ ഇന്‍ക്വിലാബും നഷ്ടപ്പെടാന്‍ കൈവിലങ്ങും മാത്രമായിരുന്ന കാലത്ത് ശീലിച്ചതാണ് സമരം.
ഭരണം കിട്ടുമെന്നൊന്നും അന്നു കരുതിയതല്ല.
കഷ്ടകാലത്തിന് ഭരണം കിട്ടി.
അപ്പോഴാണ് ഭരണവും സമരവും എന്ന അടവുനയം ആവിഷ്കരിച്ചത്. കേരളത്തില്‍ ഭരണം കിട്ടിയാലും കേന്ദ്രത്തോട് സമരം ചെയ്യാം. കേന്ദ്രവിരുദ്ധസമരം മടുത്താല്‍ സാമ്രാജ്യത്വ വിരുദ്ധമാവാം. അതും മടുത്താല്‍ ഘടകകക്ഷി വിരുദ്ധമാവാം. ഇപ്പോള്‍ നടക്കുന്നത് അതാണ്. മൂന്നാര്‍ മുതല്‍ അതാണ് നയം. ഭരണത്തിനു ഭരണം; സമരത്തിനു സമരം.
ഇഷ്ടമില്ലാത്ത അച്ചിയുടെ നേരെയായാല്‍ സമരവും ചെയ്യാം മുടിയും മിനുക്കാം. സി.പി.ഐ ഭരിക്കുന്ന വകുപ്പുകള്‍ക്ക് നേരെയായാല്‍ വാര്‍ത്താപ്രാധാന്യം കൂടുകയും ചെയ്യും.
ഇപ്പോള്‍ വയനാട്ടിലെ വനംവകുപ്പുകാര്‍ സി.പി.എം കാരെ ഭയന്ന് പൊലീസ് സംരക്ഷണം ആവശ്യപ്പെട്ടിരിക്കുകയാണ്. വനംമന്ത്രിയെ പിടികൂടാന്‍ ഇതിലും പറ്റിയ അവസരമില്ല.
ഗോള്‍ഫിന്റെ കാര്യത്തില്‍ റവന്യു വകുപ്പിനും വയനാട്ടിന്റെ കാര്യത്തില്‍ വനംവകുപ്പിനും പറ്റിയപോലുള്ള അക്കിടിയൊന്നും ഭക്ഷ്യവകുപ്പിന് പറ്റിയില്ല. ഭക്ഷ്യസുരക്ഷാ പദ്ധതിയെന്നു കേട്ടപ്പോള്‍തന്നെ അതിനു പിറകെ പുറപ്പെട്ടിരുന്നെങ്കില്‍ അതുമതി പ്രശ്നമാവാന്‍. ഇതിപ്പോള്‍ ആര്‍ക്കും തര്‍ക്കമില്ല. ഭക്ഷ്യ പദ്ധതി തുടങ്ങിക്കഴിഞ്ഞെന്നു മുഖ്യമന്ത്രിക്കും സി.പി.എമ്മിനും പറയാം. അങ്ങനെയൊരു പദ്ധതിയെക്കുറിച്ച് കേട്ടുകേള്‍വി പോലുമില്ലെന്ന് ഭക്ഷ്യമന്ത്രി ദിവാകരനും പറയാം. ആര്‍ക്കും ആര്‍ക്കെതിരെയും സമരം ചെയ്യാം. മന്ത്രിസഭയുടെ കൂട്ടുത്തരവാദിത്തം എന്നത് ഇങ്ങനെ വേണം നിറവേറ്റാന്‍.
ഇതാണ് ശരിയായ കമ്മ്യൂണിസ്റ്റ് ലൈന്‍. കമ്മ്യൂണിസം നടപ്പായാല്‍ പോലും കമ്മ്യൂണിസ്റ്റ് മുതലാളിത്തത്തിനെതിരെ ഒരു പ്രോലിറ്റേറിയന്‍ സമരത്തിന് സാധ്യത കാണന്നം. ഗോള്‍ഫിലും വയനാട്ടിലും മാത്രം പോരാ. മുഖ്യമന്ത്രിയുടെ കട്ടൌട്ട് വെക്കുന്ന സഖാവിനെതിരെ പോലും സമരം നടത്താന്‍ സ്വാതന്ത്യ്രമുള്ള നാട്ടിലാണ് നാം ജീവിക്കുന്നത്
വാലറ്റം: ആലപ്പുഴയില്‍ കോണ്‍ഗ്രസ് ഓഫീസിനു നേരെ ആക്രമണം.
കമന്റ്: സി.പി.ഐ ഓഫീസാണെന്ന് വിചാരിച്ചു കാണും.

കള്ള വാങ്മൂലം

2008-06-16T10:04:00.001+05:30

കള്ള വാങ്മൂലം

ശ്രീശാന്തും ഹര്‍ഭജനുമൊക്കെ അരയും ഹെല്‍മറ്റും മുറുക്കി നിന്നാലും ക്രിക്കറ്റില്‍ ചിലപ്പോള്‍ മഴയാവും കളിക്കുക.
എന്നാല്‍ ഗോള്‍ഫില്‍ അങ്ങനെയല്ല.
കുഴിയാണ് ഗോള്‍ഫിലെ മാന്‍ ഓഫ് ദ മാച്ച്. ചതിക്കുഴിയെന്ന് ഓമനപ്പേര്.
വേദപുസ്തകം തൊട്ട് സത്യം ചെയ്ത് ഗോള്‍ഫിന്റെ പേരില്‍ ഒരു സത്യവാങ്മൂലം ഫയല്‍ ചെയ്താല്‍ നേരം പുലരും മുമ്പ് അത് കള്ളവാങ്മൂലമായി മാറും.
അതുകൊണ്ടാണ് കളിക്കണ്ട കളിയല്ല ഗോള്‍ഫ് എന്നു പറയുന്നത്. അതു മറ്റു ചിലതാണ്.
മുഖ്യമന്ത്രി വി.എസ് അച്യുതാനന്ദനോ,
റവന്യു മന്ത്രി കെ.പി രാജേന്ദ്രനോ,
രാജേന്ദ്രന്റെ പ്രിന്‍സിപ്പാള്‍ നിവേദിതയോ ഗോള്‍ഫ് കളിക്കാരല്ല.
എന്നിട്ടും ഇവരെ കൊണ്ട് ആരൊക്കെയോ കളിപ്പിക്കുന്നു.
എന്നിട്ടോ, കളത്തിന്റെ അങ്ങേയറ്റത്തുള്ള കുഴിയില്‍ വീഴുകയും ചെയ്യുന്നു.
വാസ്തവത്തില്‍ ആരു തമ്മിലാണ് കളി?
കോടതിയില്‍ കള്ളവാങ്മൂലം നല്‍കിയെന്ന് സര്‍ക്കാര്‍ പറയുന്ന നിവേദിതയുടെ കാര്യം എടുക്കാം.
ബംഗാളില്‍ നിന്ന് സര്‍ക്കാരുദ്യോഗം കിട്ടി റവന്യു വകുപ്പില്‍ പ്രിന്‍സിപ്പാളായി തിരുവനന്തപുരത്തെത്തിയ നിവേദിതയ്ക്ക് മൂന്നാര്‍ പൊളിച്ചാലും ഗോള്‍ഫ് കളിച്ചാലും ഒരു പോലാണ്.
അവരുടെ അമ്മായിഅപ്പന്റെ വകയല്ല ഇതു രണ്ടും. മൂന്നാറില്‍ കളിക്കാനിറങ്ങിയതും ഗോള്‍ഫില്‍ കളി നിര്‍ത്താന്‍ തീരുമാനിച്ചതും മന്ത്രിസഭയാണ്.
മന്ത്രിസഭാ തീരുമാനത്തിന്റെ ചുവട്ടില്‍ ചീഫ് സെക്രട്ടറി 'ശൂ' എന്നു വരച്ചാല്‍ അതു നടപ്പാക്കലാണ് ഈ പ്രിന്‍സിപ്പാളുമാരുടേയും സെക്രട്ടറിമാരുടേയും ജോലി.
ഗോള്‍ഫ് എന്ന തലസ്ഥാനത്തെ പട്ടഷാപ്പ് രായ്ക്കുരാമാനം ഏറ്റെടുക്കണം എന്നു തീരുമാനിച്ചത് സര്‍ക്കാരാണ് .
അതു ചെയ്യേണ്ടത് റവന്യു വകുപ്പാണ്.
അതിന്റെ മന്ത്രി സി.പി.ഐാണ്.
ടിയാന്‍ കെ.പി രാജേന്ദ്രനാണ്.
മേപ്പടിയാന്റെ സെക്രട്ടറി നിവേദിതയാണ്. അപ്പോള്‍ ഗോള്‍ഫ് പിടിച്ചെടുക്കേണ്ടത് ഇവരുടെ പണിയാണ്. സിംപിള്‍ ആണ് ഈ ലോജിക്ക്.
എന്നാല്‍ നിയമ വകുപ്പ് സി.പി. എമ്മിനാണ്.
അതിന്റെ മന്ത്രി വിജയകുമാറാണ്.
ടിയാന്റെ അണ്ടറിലുള്ള സെക്രട്ടറിയാണ് വി. ഷാജിമോനാണ്.
റവന്യുവകുപ്പും അതിന്റെ മന്ത്രിയും മന്ത്രിയുടെ പ്രിന്‍സിപ്പാളും നിയമത്തിന്റെ വഴിക്കാണോ പോകുന്നത് എന്ന് നോക്കാനുള്ള കൂട്ടുത്തരവാദിത്തം സി.പി. എമ്മിനും, അതിന്റെ മന്ത്രിക്കും മന്ത്രിയുടെ സെക്രട്ടറിക്കും ഉണ്ട്.
ഭക്ഷ്യസുരക്ഷ സി.പി. ഐയുടെ മാത്രം ഉത്തരവാദിത്തമാണെങ്കില്‍ നിയമം തലനാരിഴ കീറി പരിശോധിച്ച് വ്യാഖ്യാനിക്കേണ്ടതും റവന്യു വകുപ്പ് മന്ത്രിയുടെ സെക്രട്ടറി നല്‍കുന്ന സത്യവാങ്ങ്മൂലത്തെ കള്ളവാങ്ങ്മൂലമാക്കേണ്ടതും സി.പി. എമ്മിന്റെ കടമയാണ്. അവകാശമാണ്.
സി.പി. ഐക്ക് ഇനിയും സ്കോപ്പുണ്ട്. ഹൈക്കോടതി മുമ്പാകെ ഇപ്പോള്‍ നിരവധി വാങ്ങ്മൂലങ്ങളുമുണ്ട്. ഏതാണ് ഒറിജിനല്‍ കള്ളവാങ്ങ്മൂലമെന്നും ഏതാണ് തെറ്റായ സത്യവാങ്ങ്മൂലമെന്നും അറിയാനാവാത്ത അവസ്ഥ.
നിയമവകുപ്പിന്റെ അണ്ടര്‍ സെക്രട്ടറി നല്‍കിയതാണ് കള്ളവാങ്ങ്മൂലമെന്ന് കാണിച്ച് മറ്റൊരു സത്യവാങ്ങ്മൂലം റവന്യുവകുപ്പിന്റെ മന്ത്രിക്കുതന്നെ സമര്‍പ്പിക്കാവുന്നതാണ്. വേണമെങ്കില്‍ കാബിനറ്റ് മീറ്റിംഗിന്റെ മിനുട്ട്സും സമര്‍പ്പിക്കാം.
റവന്യു മന്ത്രി അപ്രകാരമൊരു സത്യവാങ്ങ്മൂലം നല്‍കിയാല്‍ മുഖ്യമന്ത്രിക്ക് അതിലും വലിയൊരു സത്യവാങ്ങ്മൂലത്തിന് സാധ്യതയുണ്ട്. മുഖ്യമന്ത്രിയാണ് തലതൊട്ടപ്പന്‍. മൂപ്പിലാന്‍ പറയുന്നതാണ് മന്ത്രിസഭയുടെ കാര്യത്തില്‍ അവസാനവാക്ക്.
അപ്പോഴും കളി അവസാനിക്കണമെന്നില്ല. അതിനെതിരെ വാളെടുക്കാന്‍ ഇപ്പുറത്ത് വെളിച്ചപ്പാടുണ്ട്. വെളിയം ഭാര്‍ഗ്ഗവന്‍ സന്യാസി ആയിട്ടില്ല, ആവാന്‍ നോക്കിയിട്ടേയുള്ളൂ.
ഇപ്പോള്‍ മനസ്സിലായില്ലെ കളിക്കേണ്ട കളിയല്ല ഗോള്‍ഫെന്ന്. സി.പി.എമ്മും സി.പി.ഐയും തമ്മില്‍ ഒരക്ഷരത്തിന്റെ മാത്രം വ്യത്യാസമല്ല ഉളളതെന്ന്.കമ്മ്യൂണിസ്റ്റ് പുനരേകീകരണം കമ്മ്യൂണിസ്റ്റ് ഭരണം പോലെ ഒരു സ്വപ്നവുമാണെന്ന്.
വാലറ്റം:ഭക്ഷ്യ സുരക്ഷാ പദ്ധതിയെന്നൊരു സാധനം കേരളത്തില്‍ ഉണ്ടോയെന്ന് അറിയില്ല-ഭക്ഷ്യമന്ത്രി ദിവാകരന്‍
കമന്റ്:ഉണ്ടിരിക്കുമ്പം തോന്നുന്ന വിളി

പ്രതികരണങ്ങള്‍
..............................

കൊള്ളാം: ഹര്‍ത്താല്‍ നടത്തുകയല്ലാതെ എന്താ വഴി?- ഫസല്‍
മാങ്ങയേറ്: കഴിഞ്ഞലക്കം പൊടിപ്പും തൊങ്ങലും കേരളത്തില്‍ പ്രകാശ് കാരാട്ട് നടത്തിയ ആ ഏറ് കലക്കി മാഷേ.-പ്രവീണ്‍ പെരുമ്പാവൂര്‍ (00973) 39556987.
എല്ലാ ആഴ്ചയും: ഹര്‍ത്താല്‍ ആഴ്ചയില്‍ ഒന്നു വീതം നടത്തിയാല്‍ പെട്രോള്‍ ലാഭിക്കാം
-രാധാകൃഷ്ണന്‍, ഇറ്റാനഗര്‍.
സിന്ദാബാദ്: എണ്ണവില കൂടിയാലെന്ത്? ഹര്‍ത്താല് വിജയിച്ചില്ലെ സഖാക്കളെ
-എസ് ഹരി, നെടുമങ്ങാട്, 9446848640.
താങ്ങുകൂലി: ഇടതന്മാര്‍ക്ക് മാസാമാസം താങ്ങുകൂലി കൊടുക്കാന്‍ എണ്ണവില കൂടാതെ പറ്റുമോ?
- എസ്.സന്തോഷ് കുമാര്‍, മലയന്‍കീഴ് 9995361620.
നാട്ടിലെങ്ങും വട്ടായി: റേഡിയോ ഹര്‍ത്താല്‍ കേട്ട് നാട്ടിലെങ്ങും വട്ടായി
-സമീദ് കാറല്‍മണ്ണ 9947651511.
കാരാട്ടച്ചോ?: ങ്ങള് പോണുണ്ടെങ്കില് ബേഗങ്ങ് പോയാട്ടേ. ഞമ്മക്ക് സ്വസ്ഥായിട്ടന്ന് ഭരിക്കണം- സീരു വി.പി, കീഴ്മാടം, കണ്ണൂര്‍, 9995786888

പ്രതികരണങ്ങള്‍ എസ്.എം.എസ് ചെയ്യുക 9946108225

ഹര്‍ത്താലാണു ലാഭം

2008-06-09T14:32:00.003+05:30

ഹര്‍ത്താല്‍ ലാഭമാ‍വുന്നതു ഇങ്ങ്ഗ്ങനെയാണ്ണു

സി.പി.ഐയുടെ പത്തായത്തില് നിന്ന്

2008-05-26T11:49:00.003+05:30

വച്ച് വിളമ്പാന് സി.പി.എം. അരി സി. പി. ഐയുടേത്

എ പ്ലസ്സുകാരന്

2008-05-19T12:09:00.001+05:30

90 ശതമാനം മാര്‍ക്ക് നേടിയ വിദ്യാര്‍ഥി എ പ്ലസ്സുകാരന്
അപ്പോള് 92 ശതമാനം കുട്ടികളെ ജയിപ്പിക്കൂന്ന വിദ്യാഭ്യാസമന്ത്രിയോ?

വിതക്കുന്നതും കൊയ്യുന്നതും

2008-04-29T09:36:00.000+05:30

വിതക്കുന്നതും കൊയ്യുന്നതും
വിതക്കാന് സി.പി.ഐ
കൊയ്യാന് സി.പി.എം
ഉണ്ണാനോ?

വിതക്കുന്നതും കൊയ്യുന്നതും

2008-04-29T09:31:00.002+05:30

വിതക്കാന് സി.പി.ഐ

കൊയ്യാന് സി.പി.എം

ഉണ്ണാനോ?

അന്നം മുട്ടിക്കുന്ന ചോദ്യം

2008-04-21T13:05:00.002+05:30

അന്ന ദാതാവായ പൊന്നു തമ്പുരാന് ആരെന്നു ഇപ്പോള് മനസ്സിലായില്ലേ?

കൊടിയേറുന്ന മൂന്നാം വിഭാഗീയത

2008-04-08T14:26:00.003+05:30

പാര്‍ട്ടിയില് ഒന്നാമനോ രണ്ടാമനോ ഇല്ല എന്നു കോടിയേരി പറയുന്നു.
മൂന്നാമനേയുള്ളൂ. കോടിയേരി പറയാത്ത ഒന്നുണ്ട്. പിണറായി പിണങ്ങാറായി എന്ന കാര്യം.

നക്ഷത്രപ്പിരിവുകളുടെ കാലം

2008-03-31T12:14:00.002+05:30

പിരിക്കാ‍നുള്ള പാത്രം ബക്കറ്റ് മാത്രമായിരുന്നു ഒരു കാലത്ത്.
ഇതു നക്ഷത്രങ്ങളില് ചെന്ന് പിരിക്കുന്ന കാലം. ഇതിനുള്ള പാത്രം ഏതാണ്‍?

മഴയോ? മാര്‍ക്സിസിറ്റ് പാര്‍ട്ടിയോ?

2008-03-24T16:16:00.003+05:30

കൃകൃഷി നശിപ്പിച്ചതു ആരാണ്‍?

മുന്നണി മര്യാദ സിന്ദാബാദ്

2008-03-17T12:07:00.002+05:30

ഓരോ മണ്ഡലത്തിലും ഓരോ അമ്പലം.

അമ്പലം വേണോ അമ്പലം?

സഖാവിന്റെ മുഖലക്ഷണം

2008-03-10T12:34:00.002+05:30

ഒരു സഖാവു മറ്റൊരു സഖാവിനെ കണ്ടാല് സഖാവേ എന്നു വിളിക്കും.
വെളിയം അതു ചെയ്യാറില്ലെന്നും അതു കൊണ്ടു സഖാവല്ലെന്നും സുധാകരന്റെ കണ്ടുപിടുത്തം. ചിലരെ കണ്ടപ്പോള് സുധാകരന്‍ പട്ടി എന്നു വിളിച്ചു. മറ്റു ചിലരെ കണ്ടപ്പോള് എമ്പോക്കിയെന്നു വിളിച്ചു. അപ്പോള് സുധാകരന്യായം വച്ചു സുധാകരന് അരാവണം?
അഭിപ്രാ‍യം രേഖപ്പെടുത്താം ഇവിടെ.

നാക്കിന്റെ മാസവാടക

2008-03-03T10:50:00.002+05:30

നാക്കു വാടകക്കു കൊടുത്താല് കൊല്ലത്തും കിട്ടും.
എന്നാല് അഖിലേന്ത്യാ തലത്തിലാണെങ്കില് ഇപ്പോള് നല്ല വാടകയുണ്ട്.
അല്പം ഹിന്ദി പഠിച്ചാല് കുശാലായി

വിഭക്തിയാണെനിക്കിഷ്ടം

2008-02-25T10:58:00.001+05:30

ദേവസ്വം മന്ത്രി നാടു ഭരിക്കുമ്പോള്
പൂന്താനം വേറെ വേണമോ ഭക്തരായ്

kallu kudathile bhuuthabaadha

2008-02-18T12:40:00.003+05:30

വൈരുധ്യാല്‍മക ജനാധിപത്യം

2008-02-11T16:46:00.000+05:30

ജനാധിപത്യത്തിലെ ഏറ്റവും പ്രധാന സംഗതി ചിലരെ തോല്‍പ്പിച്ചു വിടാമെന്നതു തന്നെയാണു. എന്നാല് തോല്‍പ്പിച്ചവരെ വീണ്ടും അകത്തു കയറ്റണമെന്നു പരഞ്ഞാലോ? പിന്നെന്തിനു വോട്ടു ചെയ്യുന്നു? സമവായ ജനാധിപത്യത്തില് ഇങ്ങനെയാണു

ലാന്ഡ് കേരള സെല്ലിംഗ് ഫെസ്റ്റിവല്‍

2008-02-04T09:35:00.000+05:30

ലാന്ഡ് കേരള സെല്ലിംഗ് ഫെസ്റ്റിവന്‍ഡ്‌ കേരള ഷൂപ്പിംഗ്‌ ഫെസ്റ്റിവല്‍ കഴിഞ്ഞഞഞ്ച്.ഇനി അടുതത സെല്ലിംഗ് ഫെസ്റ്റിവല്‍ എവിടെയാവുമ് ?

പുനരൈക്യം മഹാശ്ചര്യം!

2008-01-28T14:31:00.000+05:30

കമ്മ്യൂണിസ്റ്റ് പാര്‍ട്ടികള് തമ്മിലുള്ള പുനരൈക്യത്തിനു തടസ്സം വെളിയത്തിനെ പോലുള്ള വെളിവു സി.പി.എമ്മിനു ഉണ്ടായിട്ടില്ല എന്നതു മാത്രമാണു. അതു ഉണ്ടാവണമെങ്കില് സി.പി.എമ്മിനകത്ത് ഐക്യം ഉണ്ടാവണം.

കമ്മ്യൂണിസ്റ്റ് ദിവ്യദര്‍ശനം

2008-01-21T13:37:00.000+05:30

ആരുടെ വോട്ടും സ്വീകരിക്കാം. ആര്. എസ്. എസ്സിന്റ്റേതു പോലും.
എന്നാല് വോട്ടു ചെയ്യുന്നതു അങനെയല്ല. അതില് പലതും നോക്കാനുണ്ട്.
ഗ്രൂപ്പ് പോലും. അതു പോലെ തന്നെയാണ്‍ ഭഗവത് കടാക്ഷത്തിന്റെ കാര്യവും. ഭഗവാന്റ്റെ കടാക്ഷം സ്വീകരിക്കാം. എന്നാല് ഭഗവാനെ തിരിച്ചു കടാക്ഷിക്കുന്നതു തെറ്റാണു. കമ്മ്യൂണിസ്റ്റ്ജ്കാരന് ഒരിക്കലും അതു ചെയ്യാന്‍ പാടില്ല.

മുതലാളിത്ത സോഷ്യലിസം

2008-01-14T14:43:00.000+05:30

ഒറ്റ ദിവസം കൊണ്ട് സോഷ്യലസം നടപ്പാവില്ലെന്ന് എല്ലാവരും പറയുന്നു.
എന്നാല് എന്ന് നടപ്പാവുമെന്നു പറയാന് ആയിരം നാവുള്ള അനന്തനും പറ്റില്ല.സോഷ്യലസം എന്തെന്നു ശരിക്കു നിര്‍വചിക്കാന് പറ്റില്ലെന്നു സുപ്രീം കോടതി. അപ്പോള് പിന്നെ ഇതു നടപ്പാക്കുന്നതെങനെ?സ്വര്‍ഗ്ഗരാജ്യം പോലെ ഇതും ഒരു കാലത്ത് വരുമെന്നു വിശ്വക്കുന്നതാണു എല്ലാവര്‍ക്കും ഗുണകരം

തലയിണയും തഴപ്പായയും

2008-01-07T10:59:00.000+05:30

വാടകക്കെടുത്ത ഹോട്ടലില് നിന്നു തറ തുരന്നു ബാങ്കിലെത്താം. ലോ കമാന്‍ഡില് നിന്ന് തട്ടു തുരന്നു മുകളിലെത്താന് എന്താനു വഴി. തല കടന്നു കിട്ടിയാല് കുട്ടിയും പശുവും എല്ലാം അകത്തെത്തും.

പിന്നത്തെ കളിയാ‍ണു കളി

വാര്‍ഷിക വിളവെടുപ്പ്

2007-12-31T11:12:00.000+05:30

മാന് ഓഫ് ദ ഇയര് ആരെന്ന കാര്യത്തില് പലര്‍ക്കും തര്‍ക്കം കാണും. എന്നാല് തര്‍ക്കിച്ചു നില്‍ക്കാന് സമയമില്ല.സോണിയാജി വിളിക്കുന്നുണ്ട്.

തര്‍ക്കം പിന്നെ, ഇപ്പോള് കാര്യം നടക്കട്ടെ.

സ്വാമിയെ കണ്ടാല്?

2007-12-24T12:15:00.000+05:30

സ്വാമിയെ കണ്ടാല്?

മോക്ഷം കിട്ടും.

എന്നാല് അരവണ കിട്ടാന്

സുധാകരനെത്തന്നെ കാണേണ്ടിവരും

പയറെത്ര? അരിയഞ്ഞാഴി

2007-12-17T11:19:00.000+05:30

കോഴിക്കു മുല വന്നില്ലെങ്കിലെന്താ? മുലക്കുപ്പി ഉണ്ടായാലും മതിയല്ലൊ!!

അച്ഛനെ തല്ലിയാലും രണ്ടുണ്ടു പക്ഷം

2007-12-10T12:44:00.000+05:30

അച്ഛനെ തല്ലിന്നതിനും ഉണ്ടു ചില ന്യായങ്ങള്.

അതു എന്തെല്ലാമെന്നു പറയാന് മുരളീധരനു കഴിയും

ഖദറിട്ട വെറിയും ഗ്രൂപ്പ് ചൊറിയും

2007-12-04T15:53:00.000+05:30

വിഭാഗീയതയും ഗ്രൂപ്പിസവും ഒന്നാണോ?

വ്യത്യാസം കണ്ടു പിടിക്കാമോ?

മോരും മുതിരയും

2007-11-30T17:57:00.000+05:30

മോരും മുതിരയും

പലര്‍ക്കും ഒരു ധാരണയുണ്ട്.

കോണ്‍ഗ്രസ് മാതിരിയുള്ള ഒരു പാര്‍ട്ടി തന്നെയാണു സി.പി.എമ്മും.

തീര്‍ത്തും തെറ്റാണ്‍.

സിന്‍ഡിക്കേറ്റുകാരുടെ കഥകള് കേട്ട് ചെവിയില് ഗീബത്സു കയറിക്കൂടിയതിന്റെ ലക്ഷണമാണത്.

കോണ്‍ഗ്രസ്സുമായി ഒരു താരതമ്യമേ സാധ്യമല്ല.

ഇപ്പോള് തന്നെ നോക്കുക.

വിഭാഗീയതയെന്നു മണിക്കൂറില് നൂറു തവണയെങ്കിലും കേള്‍ക്കുന്നു. കേട്ടു കേട്ട് കോണ്‍ഗ്രസ്സിലെ ഗ്രൂപ്പിസം തന്നെയാണു സി.പി.എമ്മിലെ വിഭാഗീയതയും എന്നു നാമങ്ങു തീരുമാനിച്ചു.

ഇവിടാണു പിഴച്ചത്.

സംഗതി രണ്ടും ഇസം തന്നെയാണ്‍.

എന്നാല് വിഭാഗീയത ഗ്രൂപ്പിസമേയല്ല.

ജന്മം കൊണ്ടും കര്‍മ്മം കൊണ്ടൂം രണ്ടും രണ്ടാണ്‍.

ഗ്രൂപ്പിസം അധികാര മോഹത്തില് നിന്നാണ്‍ ഉണ്ടാവുന്നത്.ഖദറിടാന് തുടങ്ങിയാല് താനേ ചൊറിഞ്ഞു പൊന്തുന്നതാ‍ണ്‍ അത്.

എന്നാല് വിഭാഗീയത ഉണ്ടാവുന്നതു അധികാര ദുര്‍മ്മോഹത്തില് നിന്നല്ല,പാര്‍ലമെന്ററി വ്യാമോഹത്തില് നിന്നാണ്‍.

ഒരാള്‍ക്കു അധികാര ‍മോഹം പിടിപെട്ടാല് എളുപ്പം തിരിച്ചറിയാന് പറ്റും.രാത്രി കരുണാകരന്റെ എച്ചിലിലയില് അത്താഴമുണ്ണുകയും ഒന്നിച്ചു കിടക്കാന് പോവുകയും ചെയ്ത ആളെ രാവിലെ പ്രാതലിനു വിളിക്കുമ്പം കണികാണാന് കിട്ടില്ല.ആള് ഉമ്മന് ചാണ്ടിയുടെ അടുക്കളപ്പുറത്തായിരിക്കും.

ഏതാണ്ടു ജൂദാസിന്റെ ലൈന്.

സി.പി.എമ്മില് ഇതു അത്രക്കു പച്ചമലയാളത്തില് പ്രയോഗിക്കാറില്ല.സംസ്കൃതീകൃതമാണ്‍.പ്രത്യയശാസ്ത്രവ്യതിയാനമാണ്‍. ചില സിദ്ധാന്തങ്ങളൊക്കെ അതിനുമുണ്ട്.

ഒരാള് വിഭാഗീയനാണോ എന്നറിയാന് ലിറ്റ്മസ് ടെസ്റ്റ് നടത്തുന്നത് ഈ സിദ്ധാന്തങ്ങളുടെ പിന്‍ബലത്തിലാണ്‍.

മൂക്ക് താഴോട്ടായ മനുഷ്യര്‍ക്കെല്ലാം കാര്യം പിടി കിട്ടിയാലും മൂക്കു മേലോട്ടായ പാര്‍ട്ടി മെഷിനറിക്കു വിഭാഗീയനെ കണ്ടെത്താ‍ന് കുറച്ചൊന്നുമല്ല പങ്കപ്പാട്.

രാവും പകലും ഉറക്കമൊഴിച്ചിരുന്ന് അയാളുടെ ഫോണ് ചോര്‍ത്തണം. ആയത് ഏരിയാ കമ്മറ്റി വഴി മേല് ഘടകത്തില് സമര്‍പ്പിക്കണം.മേല് ഘടകം വീണ്ടും അതിന്റെ മേല് ഘടകത്തിനയക്കും.

അങ്ങനെ അപ്പനപ്പൂപ്പന്മാരായിട്ടുള്ള ഒരു മാതിരി എല്ലാ മേല് ഘടോല്‍ക്കചന്മാരും പരിശോധിക്കും. ആ പരിശോധനയുടെ റിപ്പോര്‍ട്ട് കണ്ട്രോള് കമ്മീഷനു സമര്‍പ്പിക്കും.കണ്ട്രോള് കമ്മീഷന് ഡല്‍ഹിയിലും കല്‍ക്കത്തയിലും അറ്റ്കൈക്കു ഉപ്പിന് കലത്തിലും യോഗം ചേരും.

എന്നിട്ടു വിഭാഗീയനെന്ന ഇഷ്ടന് ഇഷ്ടമില്ലാത്ത അച്ചിയാണോ എന്നു തീരുമാനുക്കും.

യെസ് എന്നാണ്‍ ഉത്തരമെങ്കില് അയാളുടെ നീക്കങ്ങള് പ്രത്യയശാസ്ത്ര വ്യതിയാനം എന്ന പട്ടികയില് ഉള്‍പ്പെടുത്തും.

കോണ്‍ഗ്രസ്സുകാരുടെ അവസരവാദം പോലെ ഉളുപ്പില്ലാത്ത ഏര്‍പ്പാടല്ല ഇത്.

അവസര വാദത്തിനു മരുന്നില്ല; എന്നാല്,പ്രത്യയശാസ്ത്രവ്യതിയാനത്തിനു അതുണ്ട്.

ശ്രീമദ് മൂലധനത്തിന്റെ പ്രഥമ സ്കന്ദം തൊട്ട് പുനര്‍വായന നടത്തുക.പറ്റുമെങ്കില് പുനര്‍വിദ്യാഭ്യാസവും നേടുക.

പി.ജിയെപോലഉള്ള സൈദ്ധാന്തികര് തൊട്ട് പി.ബിയിലെ ഉന്നത മേമ്പ്രന്മാര് വരെ ഈ ചികിത്സ കഴിഞ്ഞ് രോഗം ഭേദന്മായിട്ടുണ്ട്.

എന്നാല് പത്തോ പന്ത്രണ്ടോ കൊല്ലം പാര്‍ലമെന്ററി വ്യാമോഹം പിടിപെട്ടു കഴിഞ്ഞാല് പിന്നെ ഒരു ചികിത്സയും ഫലിക്കില്ല.രാഘവനും ഗൌരി അമ്മയും ഒക്കെ ഈ ഗണത്തില് പെടും.

അടിസ്ഥാനപരമായ ഇത്തരം വ്യത്യാസങ്ങള് തിരിച്ചറിയാതെ കോണ്‍ഗ്രസ്സിന്റെ മണ്ഡലം സമ്മേളനം റിപ്പോര്‍ട്ട് ചെയ്യുന്ന ലാഘവത്തോടെ സി.പി.എമ്മിന്റെ ഏരിയാ സമ്മേളനങ്ങള് റിപ്പോര്‍ട്ട് ചെയ്താല് വന് അബദ്ധം പറ്റും.’അടിപിടി സംഘര്‍ഷം; സമ്മേളനം നിര്‍ത്തി വച്ചു’ എന്നൊക്കെ വാര്‍ത്തകള് വരുന്നതു അതുകൊണ്ടാണ്‍.

വാസ്തവത്തില് കൊച്ചിയിലും ചേര്‍ത്തലയിലും മറ്റും എന്താണുണ്ടായത്?

അണ്ടിയോ മാവോ മൂത്തത് എന്ന സമസ്യയെ പാര്‍ട്ടി പരിപ്രേക്ഷ്യത്തില് വിചിന്തനം ചെയ്യുകയും ആയതിനെ ചൊല്ലി ബൌദ്ധിക വ്യായാമത്തില് ഏര്‍പ്പെടുകയുമല്ലേ ഉണ്ടായതു?

പക്ഷേ, പത്രങ്ങളില് വന്നതോ?

മൂത്തത് വിഭാഗീയത ആണെന്നും സമ്മേളനങ്ങള് നിര്‍ത്തിവച്ചു എന്നും.

ഘടനാപരമായ വ്യത്യാസങ്ങള് തിരിച്ചറിഞ്ഞില്ലെങ്കില് ഇങ്ങനെ വലിയ അബദ്ധം പറ്റും.

കോണ്‍ഗ്രസ് ഏകദൈവവിശ്വാസത്തില് അധിഷ്ഠിതമാണ്‍. ആ വിഗ്രഹത്തില് വിശ്വാസമുണ്ടെന്നു പരസ്യമായി പറഞ്ഞാല് ഏതു കരുണാകരനും വാളെടുക്കാം; വെളിച്ചപ്പാടാകാം.

എന്നാല് സി.പി.എം. അങ്ങനെയല്ല.

അവിടെ പി.ബിയില് തന്നെ ഒരു ഡസണ് ദൈവങ്ങളുണ്ട്. പിന്നെ, സീ സീ, ഡീസീ, ഏസീ തുടങ്ങി ക്രിസ്തുവിനു മുമ്പുള്ള ബീസീ വരെയുള്ള മുപ്പത്തി മുക്കോടി ദൈവങ്ങള്.

‘ക’ യെന്നോ ‘മ’ യെന്നോ ഒരക്ഷരം പറയാതെ വിധേയരായി കഴിയുന്നതാണ്‍ അവിടത്തെ രീതി. കോണ്‍ഗ്രസ്സില് ‘മ’ യെന്നല്ല മദാമ്മയെന്നു പറഞ്ഞാലും ഒന്നും സംഭവിക്കില്ല.

ഇനി പറയൂ.

ഗ്രൂപ്പിസമാണോ വിഭാഗീയത?

ഇനിയുമുണ്ട് സമ്മേളനങ്ങള്.

കോട്ടയത്തു സംസ്ഥാന സമ്മേളനം.

കോയമ്പത്തൂരില് പാര്‍ട്ടി കോണ്‍ഗ്രസ്സ്.

നിങ്ങള്‍ക്കൊന്നും ഈ പാറ്ട്ടിയെപ്പറ്റി ഒരു ചുക്കുമറിയില്ലെന്നു മഹാനായ ലെനിന്റെ പിന് ഗാമി പറഞ്ഞതു വെറുതെയല്ല.

സുഹൃത്തേ, ഒരു നല്ല നമസ്കാരം.

വാലറ്റം:ആലപ്പുഴയില് താന് ഗ്രൂപ്പ് നേതാക്കളുടെ യോഗം വിളിചുചേര്‍ത്തുവെന്ന പ്രചാരണം പാറ്ട്ടിയെ താറടിക്കാനെന്നു പിണറായി

കമന്റ്: വിളിച്ചത് വിഭാഗീയ യോഗം!

അരവണ വിപ്ലവം സിന്ദാബാദ്

2007-11-26T12:30:00.000+05:30

അരവണക്കുടത്തില് കയ്യിട്ടാലും നക്കാന് തോന്നും. ആണവക്കുടത്തിലായാലും അങ്ങനെ തന്നെ

നിങളെന്നെ കോണ്‍ഗ്രസ്സാക്കി

2007-11-20T13:25:00.000+05:30

കമ്മ്യൂണിസ്റ്റ് ആവാമെന്നു വച്ചാല് സമ്മതിക്കില്ലെങ്കില് പിന്നെ.....

u made me congress

2007-11-19T08:59:00.000+05:30

u made me congress

The new proverb in malayalam .
Patent goes to muraleedharan

പശു കടന്നു കയറുന്നു . തൊഴുത്തില്ക്കുത്തു കാണാന്‍ സ്വാഗതം .

2007-11-12T12:23:00.000+05:30

പശു കടന്നു കയറുന്നു . തൊഴുത്തില്ക്കുത്തു കാണാന്‍ സ്വാഗതം .കുട്ടിവലുതായി കറവവറ്റി.
പൊടിപ്പും തൊങ്ങലുമ്, രാഷ്ട്രീയം , കരുണാകരന്

muraliyum syaamalayum

2007-11-05T11:55:00.000+05:30

veeliyil kidakkunna paampu!

ini enthaavum sthithi?

kaathirunnu kaanuka

വൈരുധ്യാത്മക ഉറൂസ് നേര്‍ച്ച

2007-10-29T14:31:00.000+05:30

ഇസ്ലാമിനു ബിരിയാണീം നെയ്ച്ചോറും.

കത്തോലിക്കാ സഭക്കു കട്ടന്‍ ചായയും പരിപ്പു വടയും പോലുമില്ല. ഇതു എന്ഥു നീതി? ഇസ്ലാമിനേക്കാ‍ള്‍ ന്യൂനപക്ഷം ക്രിസ്ത്യാനിയല്ലേ? നിങ്ങള്‍ എന്തു പരയുന്നു?

ബ്ലോഗാഹം അഥവാ ബ്ലിക്കാഹ്

2007-10-26T12:05:00.000+05:30

ബ്ലോഗിലെ ആദ്യ കല്യാണത്തെപ്പറ്റി കേരള കൌമുദി കോഴിക്കോട് എഡിഷനില്‍ 26-10-2007 നു പ്രസിദ്ധീകരിച വാര്‍ത്ത ഇതൊപ്പം.

മെത്രാനച്ചന്‍ പിണറായിക്കുന്നേല്‍ വിജയന്‍

2007-10-22T13:32:00.000+05:30

കമ്മ്യൂണിസ്റ്റുകാരനു വിശ്വാസി ആവാമോ?

ഒന്നുകില്‍ യേസ്, അല്ലെങ്കില്‍ നോ.

രണ്ടും കെട്ട ഉത്തരം നല്‍കുമ്പോള്‍ ഇതെല്ലാം ഉണ്ടാവും.

ലക്ഷക്കണക്കിനു അയ്യപ്പഭക്തരായ കമ്മ്യൂണിസ്റ്റുകാരെ കണ്മുന്നില്‍ കണ്ട മലയാളിയോടാണു ഈ വിടുവായത്തം.

മന്തിനും വേണ്ടേ ഒരു ചെയ്ഞ്ച്?

2007-10-15T13:00:00.000+05:30

വീണ്ടുമൊരു തിരഞ്ഞെടുപ്പ് നടത്തി ഇതേ സിറ്റേരിയോ ഉണ്ടാക്കാന്‍ ജെ.എന്‍.യു.വില്‍ പഠിക്കണമെന്നില്ല. പ്രകാശ് കാരാട്ട് എന്നു പേരും വേണ്ട.

agnipariikshayude maark ethra

2007-10-08T09:48:00.000+05:30

ഒരു സി.പി.ഐ.ഡയറിക്കുറിപ്പ്

2007-10-01T10:48:00.000+05:30

പണ്ട് വലിയേട്ടന്‍ വരച്ച വരയില്‍.

ഇപ്പോള്‍ ചെറിയേട്ടന്‍ വിരിച്ച വലയില്‍

വാസ്തു പിഴച്ചാല്‍ ഉണ്ണരുതു

2007-09-24T12:10:00.000+05:30

പ്രധാന മന്ത്രി ഭൂമി വാങിയാ‍ല്‍ വനം മന്ത്രി രാജി വക്കണോ?

വിളി ദോഷമോ നാവേറു ദോഷമോ?

2007-09-17T13:09:00.000+05:30

തിരുനക്കര സമ്മേളനം വരെ ഇങ്ങനെ പോവുമോ?

നല്ല സമരിയാക്കാരന്റെ പോഴത്തരം

2007-09-10T10:34:00.000+05:30

ആകാശവും ഭൂമിയും കഴിഞ്ഞു; ഇനി?

2007-09-03T12:42:00.000+05:30

ആകാശവും ഭൂമിയും കഴിഞ്ഞു; ഇനി?

പാതാളം അളക്കാന്‍ ആളെ വേണം. ആരാവും അടുത്ത ഇര?

പെണ്ണും മണ്ണും ചാരി നിന്നവര്‍

2007-08-28T13:17:00.000+05:30

മണ്ണു ചാരി നിന്നാ‍ാലും പെണ്ണുചാരി നിന്നാലും ചിലപ്പോള്‍ പണി പോയെന്നു വരും. രണ്ടും ഒരു പോലാണു

മലയാളിക്ക് ഒരു ദുശ്ശീലം കൂടി

2007-08-20T13:28:00.000+05:30

മലയാളിക്കു ഒരു ദുശ്ശീലം കൂടി

ഇന്ത്യാ വിഷന്‍ കുഞ്ഞാ‍ാലിക്കുട്ടിയെ പൊരിച്ചതു നമ്മള്‍ കണ്ടു.കൈരളിയില്‍ ഫാരിസിനെ എഴുന്നള്ളിച്വ്ഹതും കണ്ടു. ദൈനം ദിന പ്രവര്‍ത്തനങ്ങളില്‍ ഇടപെടില്ലെന്നു പറഞ്ഞ് കോണ്‍ഗ്രസ്സുകാര്‍ ചാനല്‍ തുടങ്ങിയാല്‍ എന്താവും സ്ഥിതി?പറയാമോ?എന്തായാലും ജയ് ഹിന്ദ്! സിന്ദാബാദ്!!

അശ്വമേധം ബിനാമി സ്റ്റൈല്‍

2007-08-13T12:26:00.000+05:30

അശ്വമേധം ബിനാമി സ്റ്റൈല്‍ ഇതോടൊപ്പം.

പൊടി തട്ടിയെടുക്കാന്‍ ഒരു ലൈന്‍

2007-08-13T10:35:00.000+05:30

സമരം തന്നെ ജീവിതം എന്നു അച്യുതാനന്ദന്‍. എങ്കില്‍ തന്റെ ജീവിതവും സമരം തന്നെ എന്നു ഉമ്മന്‍ ചാ‍ണ്ടി.

ചെന്നിക്കുത്തു ഭയന്നാലോ?

2007-08-13T10:20:00.000+05:30

ചെന്നിക്കുത്തു ഭയന്നല്‍ എന്താവും?

വായിക്കുക.

വിമോചന സമരം പാരട്ടി സ്പോണ്‍സേഡ്

2007-07-16T11:47:00.000+05:30

വിമോചന സമരം എന്നാല്‍ വി.എസ്.മോചന സമരം എന്നാവുമ്പോള്‍ പള്ളിക്കും പട്ടക്കാര്‍ക്കും ജോലി കുറഞ്ഞു കിട്ടും. ആ പണി ചെയ്യാന്‍ പാര്‍ട്ടിയില്‍ തന്നെ ധാരാളം പേരുണ്ടു.പിണറായി വിജയന്‍ തൊട്ട് ഇ.പി.ജയരാജന്‍ വരെ. നിങ്ങള്‍ക്കെന്തു തോന്നുന്നു?

innocentinu adicha lottery poole

2007-07-09T09:47:00.000+05:30

innocent and lottery

മാര്‍ട്ടിന്റെ കോടിയും മാതയുടെ ആടും

2007-07-03T10:42:00.000+05:30

ദേശാഭിമാനിയുടെ ഫണ്ട് പിരിക്കാന്‍ ചെന്ന ഇ.എം.എസ്സിനു കണ്ണൂരിലെ പാലോറ മാത നല്‍കിയതു തന്റെ ജീവിത മാര്‍ഗ്ഗമായ ആടിനെ.ഇപ്പോള്‍ എം.വി.ജയരാജന്‍ പിരിക്കാന്‍ ചെന്നപ്പോള്‍ ലോട്ടറി മാഫിയക്കാരന്‍ നല്‍കിയതും തന്റെ ജീവിത സമ്പാദ്യമായ 5000 കോടിയില്‍ നിന്നു ഒരു വിഹിതം. അതില്‍ തെറ്റൊന്നുമില്ല. നന്നായി പത്രം നടത്തണമെങ്കില്‍ കാശു പിരിക്കേണ്ടി വരും. മാതയുടെ കാലതു ആട്. മാര്‍ട്ടിന്റെ കാലതു കോടി. മണിചന്റെ കാലത്തും ഇങ്ങനെ തന്നെ ആയിരുന്നു. അന്നു മദ്യത്തിന്റെ രൂപത്തില്‍. എല്ലാം ഒന്നു തന്നെ. തത്ത്വമസി.അഹം ബ്രഹ്മാസ്മി.

മന്ത്രി സുധാകരന്‍ ഓര്‍ക്കുട്ടില്‍

2007-06-26T15:12:00.000+05:30

മന്ത്രി സുധാകരന്‍ ഓര്‍ക്കുട്ടില്‍.

ആള്‍ മന്ത്രി തന്നെയോ?

അതോ വ്യാജനോ?

കൊതുകിനെ കൊല്ലാന്‍ ബോഫോഴ്സ്

2007-06-25T10:52:00.000+05:30

കൊതുകിനെ കൊല്ലാന്‍ ബോഫോഴ്സ് വേണോ?
വേണമെന്നു നമ്മുടെ ആരോഗ്യമന്ത്രി പി.കെ.ശ്രീമതി.
പനി മാറ്റാന്‍ കരുപ്പട്ടിയും കട്ടന്‍ കാ‍പ്പിയും മതിയായിരുന്നു മലയാളിക്കു.ഏറി വന്നാല്‍ ഒരു പാരാസെറ്റാമോള്‍ കൂടി.ഇതിപ്പോള്‍ പട്ടാളം വേണം മുറ്റമടിക്കാന്‍.ബോഫോഴ്സ് വേണം കൊതുകിനെ നേരിടാന്‍.

ഒഴിപ്പീരും ഉഴപ്പീരും

2007-06-18T11:51:00.000+05:30

പാര്‍ട്ടി ഓഫീസിന്റെ ജനലിന്മേല് തൊട്ടതീയുള്ളൂ ,അപ്പോഴേക്കു സി.പി.ഐക്കു പൊള്ളി. സി.പി.ഐയെപ്പറ്റി മറ്റൊരു ധാരണ ആയിരുന്നു നാട്ടുകാരില് പലര്‍ക്കും. ഇനി ഒഴിപ്പീരു പരിപാടി മന്ത്രി രാജേന്ദ്രന്‍ നേരിട്ടു ചെയ്യുമത്രെ. 1000000 ഏക്കര് ഒറ്റയടിക്കു ഒഴിപ്പിചതായി പ്രഖ്യാപനം.ജെ.സി.ബി. വേണ്ട. പൊലീസും വേണ്ട, മന്ത്രി മാത്രം മതി. ഒഴിഞ്ഞു പോയോ എന്നു നോക്കാന്‍ നമ്മളാരും ചെല്ലാതിരുന്നാല് മതി. എല്ലാം ഭദ്രം. സുഖം.

ഗുപ്തഭഗവാനും ഉപദേവന്മാരും

2007-06-11T12:10:00.000+05:30

ശിവന്റ്റെ അമ്പലത്തില്‍ ആരും കാലനെ പ്രതിഷ്ടിക്കാറില്ല.വെറുതെ എന്തിനാ ഈഗോ ക്ലാഷ്? രണ്ടു പേരും ഒരേ ലൈനില് ജോലി ചെയ്യുന്നവരാണു.സംഹാരമാണു ഇരുവരുടെയും ജോലി.

ശ്രീകോവിലിലെ പ്രതിഷ്ട പോ‍ലെത്തന്നെയാണ്‍ ദേവസ്വം ആസ്ഥാനത്തെ പ്രതിഷ്ടയും. സി.പി.എം കാരനായ ഗുപ്തഭഗവാന് പ്രസിഡണ്ട് ആയ അതേ ഉദ്ദേശ്യം തന്നെ ആണു സി.പി.ഐക്കാരനായ മെംബര് നാരായണനും. പുണ്യം കിട്ടാന് കാശിക്കു പോയാല്‍ മതി. ബോര്ഡ് മെമ്പര് ആവുന്നതു മരാമത്തിനും അനാമത്തിനും തന്നെയാണു,

വ്യത്യാസം കണ്ടുപിടിക്കാമോ?

2007-06-04T11:47:00.000+05:30

നാലണ കൊടുത്താല്‍ ആര്‍ക്കും കോണ്‍ഗ്രസ്സ് മെമ്പറാകാം.നാലു ലക്ഷം കൊടുത്താലും മാര്‍ക്സിസ്റ്റ് അംഗത്വം ലഭിക്കില്ല....അതൊരു വ്യത്യസ്ത പാര്‍ട്ടിയാണു.അവര്‍ മാധ്യമങ്ങളില്‍ വരുന്ന ഒരു വാര്‍ത്തയും വിശ്വസിക്കില്ല.പാര്‍ട്ടിയെ തകര്‍ക്കാന്‍ ഗീബത്സിന്റെ മച്ചമ്പിമാര്‍ ചെയ്യുന്ന പണിയാണതെന്നു അവര്‍ക്കറിയാം.................

എട്ടുകാലികുഞ്ഞൂഞ്ഞിന്റെ കുഞ്ഞ്

2007-05-20T17:53:00.000+05:30

if you are unable to read the text doubble click on this image.u can read the print version.

എട്ടുകാലി കുഞ്ഞൂഞ്ഞിന്റെ കുഞ്ഞ്

എട്ടുകാലിയെ മഞ്ഞൂഞ്ഞ് എന്നു വിളിച്ചൊരു കാലമുണ്ടായിരുന്നു.കുഞ്ഞൂഞ്ഞ് പിറക്കും മുന്‍പ്.പാണ്ടിക്കടവത്തു കുഞ്ഞാപ്പ ആയിരുന്നില്ല,പൊന്‍ കുരിശു തോമയായിരുന്നു അയാള്‍ക്കു കൂട്ട്.

ചെന്നിത്തലയിലെ രമേശന്‍ നായരേക്കാള്‍ പ്രായമുണ്ടായിരുന്നു അവരുടെ ഗ്ലാസ് മേറ്റ് ആയിരുന്ന ആനവാരിയിലെ രാമന്‍ നായര്ക്ക്.

അവര്‍ ഒത്തുകൂടുമ്പോള്‍ മമ്മൂഞ്ഞ് പറയാറുണ്ടു”അതു ഞമ്മളാണു”.

നാട്ടിലെ ഏതെങ്കിലും ഒരു പെണ്ണിനു കുളിതെറ്റിയാല്‍കാച്ചുന്ന ഡയലോഗ്.

അങ്ങനെ വലിയ ആളായി മമ്മൂഞ്ഞ് ഗമയില്‍ നടക്കുമ്പോള്‍ ഒരു നാള്‍ അയാളുടെ പെങ്ങളുടെയും കുളി തെറ്റി.

എന്നിട്ടോ?

അതെല്ലാം വൈക്കം മുഹമ്മദ് ബഷീര്‍ എഴുതി വച്ചിട്ടുണ്ട്.

എഴുതാക്കഥ വേണമല്ലൊ പറയാന്‍.

നാലഞ്ചു വര്‍ഷം മുന്‍പാണ്.

‘സമക്ര’(കുഞ്ഞാലിക്കുട്ടിയോടു കടപ്പാടു) വികസനത്തിന്റെ ലാസ്സ്റ്റ് ബസ്സ് ഡബ് ള്‍ ബെല്‍ കൊടുത്തു ഹോണ്‍ അടിച്ചു പുറപ്പെടാന്‍ കാത്ത് കിടക്കുമ്പോഴാണു ജിമ്മും ജിംനാസ്റ്റിക്സും കാണിച്ചു ചിലര്‍ അതില്‍ ചാടിക്കയറിയത്.

നല്ല മെയ് വഴക്കം വേണം അതിന്.

നമ്മളൊക്കെ അതു കണ്ടതാണ്.

അങ്ങനെ ഓടുന്ന ബസ്സില്‍ ചാടിക്കയറി ഒരു പാടു അധ്വാനിച്ച ശേഷമാണു വിശേഷം ഉണ്ടായതു.പലരും വിചാരിക്കുന്നതു പോലെ ഒറ്റ രാത്രി കൊണ്ടല്ല.

ഗര്‍ഭശുശ്രൂഷക്കായി എത്ര ഏക്കര്‍ സ്ഥലമാണു തീറെഴുതിയതു?സ്കാനിംഗ്,എക്സ് റെ,കമ്മിഷന്‍,തുടങ്ങി പിന്നെയും ഒരു പാടു ചെലവു.

സുഖപ്രസവം ആവുമെന്നറിഞ്ഞിട്ടും ടീകോം സ്പെഷ്യാലിറ്റിയില്‍ സിസെറിയനു കരാര്‍ ഒപ്പിട്ടു.

എന്തിന്! കോടതിയില്‍ പോലും പോവേണ്ടി വന്നു.

എന്നിട്ടു ഇപ്പോള്‍ ചിലര്‍ പറയുന്നതു കേട്ടില്ലേ?

കുഞ്ഞിന്റെ തന്ത വേറെയാണെന്ന്.

ഡി.എന്‍. എ. ടെസ്റ്റ് വേണമത്രെ!.

മുടിച്ഛായ ഇല്ലത്രെ!!

ചപ്രത്തലയല്ല.നല്ല ചുരുളന്‍ മുടി.

എടുത്ത് ഓമനിക്കാന്‍ തോന്നും.

മുത്തമിടാനും മുലയൂട്ടാനും തോന്നും.

എന്താ നിറം, നല്ല ചോരച്ചുവപ്പ്.

മറ്റവന്റേതാണെങ്കില്‍ ഈ നിറം കിട്ടുമോ? ഇല്ല.

ഉറപ്പാണു.റിയലി, എസ്റ്റേറ്റ് പോലിരിക്കും.

ഇതിപ്പം, എന്താ സ്മാര്‍ട്ട്!

ശരിക്കും സ്മാര്‍ട്ടന്‍!!

പത്രക്കാര്‍ വരുന്നൂ. ചാനലുകാര്‍ വരുന്നൂ.

ഓബിവാന്‍ കേറ്റുന്നൂ.ഫ്ലാഷ് അടിക്കുന്നൂ.

കോഴിമുട്ട വരുന്നൂ.നേന്ത്രപ്പഴം പുഴുങ്ങുന്നൂ.

സിനിമയിലാണു ഇതെങ്കില്‍ ഓസ്കാര്‍ കിട്ടുമായിരുന്നൂ

എന്നു ശ്രീനിവാസന്‍ പോലും പറയും.

അത്രക്കു തന്മയത്വം.അത്രക്കു സ്നേഹം.

തന്തയാരെന്നു തീര്‍ച്ചയില്ലാത്ത ആ കൊച്ചിനോട്.

തന്തയെ എല്ലാവരും തള്ളിപ്പറയുന്നു.ഒക്കെ സഹിക്കാം.

ആ താരത്മ്യപ്പട്ടിക ഉണ്ടല്ലൊ.അതാണു ഹൃദയഭേദകം.

അയാളുടെ കുട്ടിയെങ്കില്‍ മൂക്ക് വലത്തോട്ട്.ഇതാകട്ടെ ഇടത്തോട്ട്.

പപ്രശ്ശ ആവേണ്ട മുടിക്കു പകരം മിനുമിനുത്തമുടി.

അങ്ങനെ അംഗ പ്രത്യംഗ താരതമ്യം.

ഇതിനു മുന്‍പ് ആര്‍ക്കൊക്കെ എവിടെയൊക്കെ മക്കളുണ്ടായി?

പട്ടിക തിരിച്ച് താരതമ്യം ചെയ്യുന്ന ഏര്‍പ്പാട് ഒരു നാട്ടിലുമില്ല.

ഇതൊക്കെ കാണുമ്പോ‍ള്‍ ഏതു കുഞ്ഞൂഞ്ഞും മമ്മൂഞ്ഞ് ആയിപ്പോവും.

സഹിക്കാന്‍ പറ്റ്വോ?

കുളി തെറ്റിയ നാളു മുതല്‍.

വ്യാക്കൂണ്‍ കൊതിച്ച സമയം മുതല്‍.

വയറു കാണാണ്‍ ടീകോം അമ്മായി വന്ന ദിവസം മുതല്‍.

പേറെടുക്കാന്‍ പതിച്ചിയെ കരാര്‍ ആക്കിയപ്പോള്‍ വരെ.

ഒന്നേ പറഞ്ഞിട്ടുള്ളൂ.“അതു ഞമ്മളാണു”.

ഇപ്പഴും അതാ‍ പറയുന്നതു.“ഇതു ഞമ്മളെ ബേബിയാണു”.

നിറം മാറിയതിന്റെയും ചപ്രത്തല അല്ലാത്തതിന്റേയും പേരില്‍ ആറു ചോദ്യം ചോദിച്ചെന്നതു നേരു.കൊച്ച് വേണ്ടത്ര സ്മാര്‍ട്ടല്ലെന്നു തോന്നിയപ്പോള്‍ പതിച്ചി കേള്‍ക്കെ അയല്‍ക്കാരോടും നാട്ടുകാരോടും ചോദിച്ചുവെന്നേയുള്ളൂ.സ്മാര്‍ട്ടാക്കിയ വകയില്‍ പണയം വച്ച തറവാട്ടു സ്വത്തിന്റെ കാര്യം.’നേരിട്ട്’ എന്ന വാക്കുപ്രമാണത്തില്‍ ഉള്‍പ്പെടാതെ പോ‍യത്.കൊച്ച് വളര്‍ന്നാല്‍ ആരുടെ മോനായി തീരും എന്നതില്‍ വ്യക്തത ഇല്ലാത്ത കാര്യം.

അഞ്ചാറു ചോദ്യം ചോദിച്ചെന്നു വച്ച് “അതു ഞമ്മളല്ലാ“തെ പോവുമോ?

ന്യായം.

ഇത്രയെല്ലാം പറഞ്ഞതു കൊണ്ടു ചോദിക്കുകയാണു.

ശരിക്കും ഇതു ആരുടെ ബേബിയാണു?

ഇവിടാണു നാം കരുണാകരനു ചെവി കൊടുക്കേണ്ടത്.

നെടുമ്പാശ്ശേരി വിമാനത്താവളം വന്നില്ലെങ്കില്‍ കാണാമായിരുന്നു.

സ്മാര്‍ട്ടനെ സ്റ്റാര്‍ട്ടാക്കിയതു നെടുമ്പാശ്ശേരിയില്‍ വച്ചാണു.

വികസനത്തിന്റെ ലാസ്റ്റ് ബസ്സ് പറന്നിറങ്ങിയത് വിമാനത്തിന്റെ രൂപത്തിലാണ്.

വിമാനത്താവളമില്ലെങ്കില്‍ സായ്പ് കൊച്ചിയില്‍ വരുമോ?

അങ്ങനെയാണു ജിം ഉണ്ടായത്.

ജിംഖാനയുണ്ടായത്.

എട്ടുകാലിയും മമ്മൂഞ്ഞും കുഞ്ഞൂഞ്ഞും ഉണ്ടായത്.

അപ്പോള്‍ ശരിക്കും ആരാ ‘ഞമ്മള്’?

വിമാനത്താവളം ഉണാക്കിയ ആള്‍.

അതാരാ?

കണ്ണോത്ത് കരുണാകരന്‍.

എങ്ങനെയുണ്ടെന്റെ പുത്തി?

വാലറ്റം: ഞങ്ങള്‍ സ്മാര്‍ട്ടാക്കാന്‍ നോക്കിയപ്പോള്‍ റിയല്‍ എസ്റ്റേറ്റ് എന്നു പരിഹസിച്ചതിനാല്‍ നിങ്ങളുടെ സ്മാര്‍ട്ടനും റിയല്‍ എസ്റ്റേറ്റ് ആയിപ്പോട്ടെ: രമേശ് ചെന്നിത്തല.

കമന്റ്: പൊട്ടനെ ചെട്ടി ചതിച്ചാല്‍ ചെട്ടിയെ ദൈവം ചതിക്കും

കുന്നംകുളത്തെ ഡ്യൂപ്ലിക്കേറ്റ് എം.എല്‍.എ

2007-05-17T18:15:00.000+05:30

നാസ ഒരു റോക്കറ്റ് ഉണ്ടാക്കിയാല്‍ അതിന്റെ പോലും ഡ്യൂപ്ലികേറ്റ് കിട്ടുന്ന സ്ഥലം എന്നാണു കുന്നംകുളത്തെ പറ്റി പറയുന്നതു.അപ്പോള്‍ ഒരു താടിക്കാരന്‍ താന്‍ കുന്നംകുളം എം.എല്‍.എ.ആണു എന്നു പറഞ്ഞു ഓര്‍ക്കുട്ടില്‍ പ്രൊഫൈലും നീട്ടി വന്നാല്‍ എന്തു സംഭവിക്കും? കുന്നംകുളത്തേക്കാള്‍ വ്യാജന്മാരുള്ള സ്ഥലമാണു ഓര്‍ക്കുട്ട്.എന്തു സംഭവിച്ചു എന്നറിയാന്‍ ഈ പോസ്റ്റ് വായിക്കുക. കുന്നംകുളം എം.എല്‍.എ ബാബു എം.പാലിശ്ശേരിയുടെ ഓര്‍ക്കുട്ട് സ്ക്രാപ്പുകളും നോക്കുക.

ഋഷി രാജ് സിംഗ് സിന്ദാബാദ്

2007-05-14T10:10:00.000+05:30

മീശ മാധവന്‍ എത്തി. കൂടെ ത്രീ മെന്‍ ആര്‍മിയും.

ഇനി മൂന്നാറിനെ നോക്കിയൊരു മീശ പിരിപ്പുണ്ടു.അതാ കിടക്കുന്നു സമസ്ത റിസോര്‍ട്ടുകളും താഴെ.കയ്യേറ്റക്കാര്‍ കാലേറ്റക്കാരാവുന്നു.കാല്‍ക്കല്‍ വീഴുന്നു.ഇനി വി.എസ്.ശരണം ഗച്ഛാമി.എന്താ ഉണ്ടാവുക എന്നു കണ്ടറിയണം.

മൂന്നാറിലേക്കുള്ള മൂന്നംഗ സേന

2007-05-11T18:59:00.000+05:30

മീശ മാധവന്‍ മൂന്നാറിലേക്ക്
ഒപ്പം ത്രീ മെന്‍ ആര്‍മിയും
ഇടതു മുന്നണിയിലോ സി.പി.എമ്മിലോ ചര്‍ച്ച ചെയ്യാതെ ആണു മൂന്നാര്‍ കുടിയൊഴിപ്പിക്കാന്‍ മൂന്നംഗ സേനയെ വി.എസ്.നിയോഗിച്ചതെന്നു പറയുന്നു. കളക്ടര്‍ രാജു നാരായണസ്വാന്മി,റ്ഷിരാജ് സിംഗ്, പിന്നെ സ്വന്തം സെക്രട്ടറി സുരേഷ് കുമാര്‍.
എല്ലാ ഘടക കക്ഷികളും എതിര്. സി.പി.എമ്മിലെ പ്രധാന നേതാക്കള്‍ക്കെല്ലാം എതിര്‍പ്പ്.
എ.കെ.ജി സെന്ററിലാണോ അതോ സംസ്ഥാന സെക്രട്ടറിയേറ്റിലാണോ ഇത്തരമൊരു നയപരമായ തീരുമാനം എടുക്കേണ്ടതു?ഈ വിഷയത്തില്‍ താങ്കളുടെ പ്രതികരണം ഇവിടെ പോസ്റ്റ് ചെയ്യാം.

നീ പോ മോനേ എംബടഡേയ്

2007-05-07T11:03:00.000+05:30

ഞങ്ങളെ പാര്‍ട്ടി എംബഡ്ഡ് ആയാല്‍
നിങ്ങക്കെന്താ കോണ്‍ഗ്രസ്സേ?

മാധ്യമ സിന്‍ഡിക്കേറ്റ് വന്ന്ത് എവിടെ നിന്നെന്നു കണ്ടെത്തി.ഇറാഖിലെ മണലാരണ്യത്തില്‍.അതും പോരാഞ്ഞ് ഇനി മാധവന്‍ കുട്ടിയും പിണറായിയും ചേര്‍ന്നു ചര്‍ച്ച ചെയ്തു കണ്ടു പിടിക്കുന്നു .അണ്ടിയോ മൂത്തതു അതോ മാങ്ങയോ?

അപ്പോള്‍ മതികെട്ടാനിലും മറയൂരിലും എന്നു വേണ്ടാ വി.എസ്. പോയേടത്തെല്ലാം എംബഡ്ഡഡ് ആയി കൊണ്ടു നടന്നു വാര്‍ത്ത എഴുതിച്ച കഥയോ?കഥയില്‍ ചോദ്യമില്ല.ഞങ്ങളെ പാര്‍ട്ടി എംബഡ്ഡ് ആയാല്‍ നിങ്ങക്കെന്താ കോണ്‍ഗ്രസ്സേ?

പ്രതികരണങ്ങള്‍ പോസ്റ്റ് ചെയ്യുക.

പിണറായി വിജയന്‍ പറഞ്ഞത്

2007-05-04T17:27:00.000+05:30

നീ പോ മോനേ,എംബഡഡേയ്
എംബഡഡ് ജേര്‍ണ്ണലിസം എന്നൊരു സാധനമുണ്ട് നാട്ടില്‍. അധികം ആരും അതു കണ്ടിട്ടില്ല. ഗള്‍ഫിലാണു അതു തുടങ്ങിയതു, 2003 ലെ ഇറാഖ് അധിനിവേശ സമയത്ത്.അമേരിക്കന്‍ പട്ടാളത്തോടൊപ്പം റിപ്പോര്‍ട്ടര്‍മാരും ഫോട്ടോഗ്രാഫര്‍മാരുമായി 775 പേരേ അമേരിക്കന്‍ പട്ടാളം ഗള്‍ഫില്‍ കൊണ്ടുപോയി. പട്ടാളവുമായി ഒരു കരാര്‍ ഉണ്ടാക്കിയിരുന്നു. അവര്‍ പറയുന്നതല്ലാതെ ഒന്നും കൊടുക്കരുതു. കൊടുത്താല് തല കാണില്ല. അങനെ ആദ്യമായി യുദ്ധമുന്നണിയില്‍ പട്ടാളക്കാരോടൊപ്പം embudded ആയി പത്രക്കാര്‍ പ്രവര്‍ത്തിച്ചു. സാമ്രാജ്യത്വത്തിനു വേണ്ടി അങ്ങനെ കൂലിയെഴുത്തു എഴുതിയ ആ embudded പത്രക്കാരുടെ ചെറുരൂപമാണത്രെ കേരളത്തിലെ മാധ്യമ സിന്‍ഡിക്കേറ്റ്.
സി.പി.എം. നേതാവു പിണറായിവിജയന്‍ കഴിഞ്ഞ ദിവസം കോഴിക്കോട്ടു എന്‍.ജി.ഒ.യൂണിയന്‍ സമ്മേള‍നം ഉദ്ഘാടനം ചെയ്തു പറഞ്ഞതാണു ഇതു. പാര്‍ട്ടിവിരുദ്ധര്‍ പത്രക്കാരെ എംബഡ്ഡ് ചെയ്തു പാര്‍ട്ടി വിരുദ്ധവാര്‍ത്തകള്‍ എഴുതിക്കുന്നുണ്ടോ? ഇവിടത്തെ മാധ്യമ സിന്‍ഡിക്കേറ്റ് എംബഡ്ഡ്ഡ് ജേര്‍ണ്ണലിസത്തില്‍ നിന്നു ഉടലെടുത്തതാണോ?എംബഡ്ഡഡ് ജേര്‍ണ്ണലിസത്തെ പറ്റി കൂടുതല്‍ അറിയാവുന്നവര്‍ ഇവിടെ പോസ്റ്റ് ചെയ്യുക.ജനശക്തിയില്‍ ഒരു കവിത എഴുതിയതിനു പാര്‍ട്ടിയില്‍ നിന്നു പുറത്താക്കപ്പെട്ട പു.ക.സ. മുന്‍ കണ്ണൂര്‍ ജില്ലാ സെക്രട്ടറി ഉമേഷ് ബാബു എംബഡ്ഡഡ് സാഹിത്യകാരനോ?‍

മനുഷ്യ പുത്രനു തലചായ്ക്കാന്‍ തോര്‍ത്തുമുണ്ട്

2007-04-30T12:11:00.000+05:30

മുരളീധരന്‍ വീണ്ടും യാത്ര നടത്തുന്നു.മഞ്ചേശ്വരത്തു നിന്നു തിരുവനന്തപുരത്തേക്കു. മുന്‍പൊരു യാത്ര നടത്തി .കാല്‍നടയാത്ര.യു.ഡി.എഫിനെ ചീത്ത്ത്ത പറഞ്ഞു പദയാത്ര നടത്തിക്കഴിഞ്ഞശേഷം നേരെ ചേക്കേറിയതു യു.ഡി.എഫില്.ഇത്തവണ എന്താവും അനുഭവം? ആര്‍ക്കെങ്കിലും പരയാമോ?

അത്താഴപൂജക്കു ബിരിയാണി

2007-04-23T10:40:00.000+05:30

അത്താഴപൂജക്കു ബിരിയാണി നിവേദിക്കാമോ?
വാകച്ചാര്‍ത്തിനു പകരം ലക്സ് കൊണ്ട് പള്ളിനീരാട്ടു നടത്താമോ?
ക്ഷേത്രകലകള്ക്കു പകരം ഒപ്പന ആയാല്‍ മതിയോ?
ഭഗവാന്‍ എഴുന്നള്ളുന്നതു എന്തിനു ആന്‍പ്പുറതാവണം?ബെന്‍സ് കാറില്‍ ആയിക്കൂടേ എഴുന്നള്ളിപ്പ്?

അത്താഴപൂജക്കു ബിരിയാണി

2007-04-22T21:06:00.000+05:30

അത്താഴപൂജക്കു ബിരിയാണി
അടുത്ത ലക്കം െപാടിപ്പും െതാങങലും 23 നു തിങ്കളാഴ്ച .
പങ്കെടുത്ത എല്ലാവ്രെയും വായിക്കാന്‍ ക്ഷണിക്കുന്നു
വായിച്ച ശേഷം അഭിപ്രായം രേഖപ്പെടുതുമല്ലൊ.
കാര്‍ട്ടൂണിസ്റ്റ് സുജിത്തിന്റെ രസിപ്പിക്കുന്ന വരയും.

േയശുദാസിെന അമ്പലത്തില്‍ കടത്താേമാ?

2007-04-21T09:41:00.000+05:30

ഗുരുവായൂര്‍ അംപല്‍തില്‍ േയശുദാസിെന പ്രേവശിപ്പിക്കണ്മെന്നു മന്ത്റ്ി സുധാകരന്‍. ഇനി അവിടെത്ത വഴിപാട് ബിരിയാണി ആക്കണെമെന്നു മന്ത്രി പറയുേമാ? യേശുദാസിെന പ്രവേശിപ്പിച േശഷം പുണ്യാഹം നട്തിയാല്‍ മതിയെല്ലാ. പുണ്യാഹം നടതുന്നതു തടയാനാവുേമാ? ONLY WAY OF SALVATION IS CHRIST എന്നലേല്ല ക്രിസ്ത്യാനികള്‍ വിശ്വസിക്കുന്നതു. വി്ഗ്രഹാരാധന തെന്ന േമാശമായ ഒരു സംഗതിയാണു. പിെന്ന എന്തിനാ അഹിന്ദുവിെന അംപലത്തില്‍ കടതതി അലമ്പുണ്ടാക്കുന്നതു?തന്നിഷ്ട പ്രകാരം ഓേരാ വിശ്വാസം വച്ചു പുലര്‍താന്‍ ഓേരാ ആളുകള്‍ക്കും അവകാശം നല്‍കീട്ടുണ്ടു. ക്രിസ്ത്യാനിക്കു പ്രേവശനം ന്‍ല്‍കാതത അമ്പലം ഉണ്ടാക്കി നട്തത്ി െകാണ്ടു േപാവാന്‍ ഒരാള്‍ക്കു അവകാശ്മിേല്ല?
അടുത്ത ലക്കം െപാടിപ്പും െതാങങലും 23 നു തിങ്കളാഴ്ച .
ഈ വിഷയതില്‍ താങ്കളുെട നിലപാടു എന്താണു?
comment your posts here

മൂഷിക പുരുഷന്‍ വീണ്ടും

2007-04-19T11:01:00.000+05:30

വിഷുഫലം

2007-04-17T17:03:00.000+05:30

പൊടിപ്പും തൊങ്ങലും

വിഷുഫലം കാണാന്‍ വരൂ. രാഷ്ടീയക്കാരുടെ ഈ വര്ഷതെ വിഷുഫലം എങനെ ആയിരിക്കും എന്നു നോക്കുക. പ്രശസ്ത ജ്യോല്സ്യന്‍ പദ്മനാഭനന്‍ നം പൂതിരി തയ്യാര്‍ ചെയ്തതു

..ഒപ്പം ഒരു കാര്‍ട്ടൂണ്‍കണ്ണും..

2007-04-17T12:28:00.000+05:30

സമകാലിക രാഷ്ട്രീയത്തിലേക്കൊരു വിദൂഷക നൊട്ടം

2007-04-05T11:47:00.000+05:30

കാണുക പൊടിപ്പും തൊങ്ലും

2007-03-26T10:38:00.000+05:30

എ.സിയില്‍ കിടന്നാ‍ല്‍ വിയര്‍ക്കുമോ? പിണരായി വിജയന്‍ വിയര്‍ക്കും. കാരണ്ം അയാല്‍ വെയിലു കൊണ്‍ട് വളര്‍ന്നതാണ്‍, ഇക്കാര്‍യ്ം അരിയാന്‍ ഇന്ന് പോസ്റ്റ് ചെയ്റ്ത പൊടിപ്പും തൊങലും വായിക്കുക. അഭിപ്രായ്ം പോസ്റ്റ് ചെയ്യുക.
http://padmanabhannamboodiri.blogspot.com

വെയിലില്‍ കുരുത്തത് എ.സി യില്‍ വാടുമൊ?

2007-03-26T10:20:00.000+05:30

സമകാലിക രാഷ്ട്രീയത്തിലേക്കൊരു വിദൂഷക നൊട്ടം

2007-03-19T18:42:00.000+05:30

ബ്ലൊഗിലെ ചൊല്‍ക്കാഴ്ച.

2007-03-13T22:02:00.000+05:30

ബ്ലൊഗിലെ ചൊല്‍ക്കാഴ്ച.......സമകാലിക രാഷ്ട്രീയത്തിലേക്കൊരു വിദൂഷക നൊട്ടം....ഒപ്പം ഒരു കാര്‍ട്ടൂണ്‍കണ്ണും.

2007-03-05T16:27:00.000+05:30

ബ്ലൊഗിലെ ചൊല്‍ക്കാഴ്ച.......സമകാലിക രാഷ്ട്രീയത്തിലേക്കൊരു വിദൂഷക നൊട്ടം....ഒപ്പം ഒരു കാര്‍ട്ടൂണ്‍കണ്ണും.

പൊടിപ്പും തൊങ്ങലും

2007-02-26T15:38:00.000+05:30

ALI ARIYANAM MANJALUM KUZHIYUM

2007-02-21T14:47:00.000+05:30

poochoodaa (mooddaa) mannan

2007-02-12T13:01:00.000+05:30

Vivada poovittu Sathrusamhara Pooja

2007-02-11T19:10:00.000+05:30

Poomoodal Vivadam

2007-02-11T19:08:00.000+05:30

Vivadangalude Keralam

2007-02-11T19:02:00.000+05:30

coming soon : vivaadangalude poomuudal latest issue of kala kaumudi

2007-02-11T17:01:00.000+05:30

in this issiue of KALA KAUMUDI you can read :
thomas jacob (editorial director malayala manorama)
p.v chandran ( managing editor mathrubhumi)

padmanabhan namboodiri( news editor kerala kaumudi)
john britas (managing director kairali t.v)
jony lukose( news director monarama t.v)
b.r.p. bhasker( eminent journalist)

VIVAADANGAL NIRAYUNNA KERALAM
coming soon in this blog

meen pidikkaam kai nanayaathe

2007-02-11T11:14:00.000+05:30

chathathu keechakanenkil

2007-02-11T11:02:00.000+05:30

varaanirikkunna paramasukham

2007-02-09T16:58:00.000+05:30

daaridryam thudakkanee

2007-02-09T16:39:00.000+05:30

ലാവലിന്‍ തമാശ

2007-02-09T12:43:00.000+05:30